Shënim: Agron Duka drejt zyrtarizimin si kandidat i opozitës në Durrës. A e ka dhënë miratimin Berisha...?

Edhe pse vendimi ende nuk është bërë publik, kandidatura e deputetit Agron Duka po shkon drejt zyrtarizimit si emri i opozitës që do garojë për bashkinë e Durrësit më 21 qershor. Deputeti i Partisë Republikane shfaqi më herët dëshirën për kandidim, por shtoi se priste një konfirmim nga partia kryesore e opozitës, ndërkohë që dega e PD-së Durrës pati disa përplasje për këtë çështje. Burime në PR i thanë gazetës Tema se shumë shpejt do të zyrtarizohet dakordësia për Dukën. Është interesante se si biznesmeni Duka, ish ministër i Bujqësisë në qeveritë e kaluara socialiste, ka arritur të marrë miratimin e ish kryetarit të PD-së Berisha, i cili ka hedhur mbi Dukën në të kaluarën, një listë të gjatë akuzash. Por aleancat e reja me personazhe të politikës për të cilët akuzat e vjetra mund të mblidhen e të bëjnë një libër, nuk është ndonjë risi për Berishën.

a.k