Tahiri kërkon nga prokuroria të mbyllë sa më shpejt hetimet për Doshin. I bindur se është skenar i sajuar

Ministri i Brendshëm, Sajmir Tahiri nuk ka preferuar të komentojë akuzat për takimet me Durim Bamin në zyrën e tij, duke kërkuar nga Prokuroria të mbyllë sa më shpejt hetimet për çështjen Doshi. Gjatë inaugurimit të  Zyrës së Shërbimit Unik për Qytetarët në Komisariatin nr. 1 në Tiranë, Tahiri i qëndroi idesë se gjithçka është një skenar i sajuar.

“Unë jam në krye të detyrës dhe jam shumë i vendosur të bëj atë për të cilën qytetarët më kanë mandatuar mua, kolegët e mi, Kryeministrin, qeverinë dhe mazhorancën. Kemi bërë gjithçka ka qenë në dorën tonë dhe tani është radha që të flasë Prokuroria dhe unë shpresoj që prokuroria, dhe nxis madje që të mbyllen hetimet në mënyrë të shpejtë dhe cilësore, që të dalin para përgjegjësisë të gjitha ata që sajuan skenarë të tillë, që nuk janë aspak të denja për pritshmëritë e qytetarëve”-deklaroi Tahiri.

Lidhur me paraqitjen në prokurori të ish-kryeministrit Berisha, Tahiri tha se se nëse kësaj radhe  kësaj radhe ai shkoi si dëshmitar, herët e tjera të shkojë si i akuzuar.

l.m