Agim Rama, kunati i Berishës në prokurori sot në mbrëmje. Nesër paradite, radha e Dritan Priftit

Vijon të zgjerohet rrethi i personave që prokuroria i thërret për të dëshmuar atë që dinë lidhur me çështjen ‘Doshi”. Pas Berishës, radhën sot për të dëshmuar e ka pasur edhe kunati i tij, Agim Rama, i cili sipas burimeve nga Prokuroria për Krimet e Rënda është paraqitur rreth orës 19:00 para hetuesve. Emri i Agim Ramës ka dalë nga rezymeja që ministri i Brendshëm Tahiri bëri publikisht mbi çështjen “Doshi”, por edhe nga kreu i Kuvendit Ilir Meta, sipas të cilit si personi për të cilin Doshi pretendonte fillimisht se kërkonte eliminimin e tij, iste pikërisht kunati i Sali Berishës. Ndërkohë, një personazh që fillimisht nuk ishte përfolur në këtë histori të koklavitur është ish-ministri Dritan Prifti, aktualisht thjesht ortak i deputetit Doshi në biznes. Prifti do të merret në pyetje si person që ka dijeni për ngjarjen, pas një replike në distancë me Metën, në bazë të së cilës rezultoi se ai mund të kishte informacion që në herët mbi atentatin e pretenduar ndaj Doshit. Pritet që Prifti të paraqitet nesër në 9 paradite në prokurori.

a.k