Rama zbardh detaje të marrëveshjes me LSI për zgjedhjet lokale. "Në këtë fazë ku jemi s’jam dakord me legalizimin e kanabisit"

Gjatë intervistës në emisionin “Opinion” kryeministri rama zbardhi parimin mbi të cilin është negociuar marrëveshja me LSI-në për zgjedhjet lokale. Ai tha se dy partitë nuk i kanë lënë zona të lira njëra-tjetrës, por kanë ndarë të drejtën e propozimit të kandidatëve për bashkitë ku do të garohet. Sipas tij, kjo marrëveshje nënkupton që nëse Partia Socialiste nuk është dakord me një kandidat të propozuar nga LSI në një zonë të caktuar, atëherë Lëvizja Socialiste për Intergim është e detyruar të tërheqë kandidatin dhe të propozojë një emër tjetër. I njëjti parim vlen edhe për kandidatët e Partisë Socialiste. Kryeministri Rama u pyet edhe për propozimin e deputetit Koço Kokëdhima për legalizimin e kanabisit duke thënë se në Partinë Socialiste si në asnjë forcë tjetër ka opinione të ndryshme që respektohen, por sipas tij në këtë fazë që kalon vendi që kjo qeveri nuk mund  të bëjë legalizimin e kanabisit. Rama tha se Shqipëria nuk i ka kushtet për të shkuar përpara në këtë drejtim dhe se legalizimi i kanabisit mund të shërbente vetëm për të qetësuar Berishën në shfaqje si ajo e së enjtes në parlament.

l.m