Arkiv-Lajme

Gjermanët në Himarë? Me sa kuptohet nga një reportazh i Deutsche Welles, po. "Nё tryezёn e punёs sё kryetarit tё Bashkisё sё Himarёs, Gjergj Goro, ёshtё njё suvenir: njё fragment nga Muri i Berlinit. Pa arritur ta pyes nёse ka qёnё nё Berlin dhe tё shuaj kureshtjen se si ka mbërritur nё zyrёn e tij ajo copё betoni, - z. Goro e hap bisedёn pikёrisht me suvenirin gjerman. “Ma kanё dёrguar nga Berlini njё grup investitorёsh gjermanё. Ata erdhёn kёtu, nё Himarё pёr tё parё mundёsitё e bashkёpunimit dhe tё investimit nё fushёn e turizmit.

PS-ja, me gojën e Edi Ramës, nënvizoi në fillim të sezonit politik (saktësisht, pardje) se socialistët janë në favor të ligjit mbi heqjen e imunitetit, por në të njëjtën kohë përsëriti dhe idenë për të bërë, me këtë rast, ndërhyrje të tjera në kushtetutë. Dhe bëri me dije se është dorëzuar paketa e amendamenteve kushtetuese në Parlament.

Kjo maxhorancë ka gjetur, me sa duket, sekretin e suksesit e të mbijetesës. Cili është? Është lobimi. Mund të bësh ç’të duash këtu brenda, dhe me një lobim të mirë ti mund të shumëfishosh efektin e një suksesi të pretenduar, apo mund të minimizosh efektin e një zullumi.

Ministria e Brendshme nuk është dakord me qëndrimet e Partisë Socialiste lidhur me emergjencën e zjarreve. Madje, është e zemëruar, e për këtë arsye, hyn në një debat të natyrës politike me të. Ka qenë në mënyrë të veçantë një reagim i PS-së që ua ka prishur ‘qejfin’:  “Shqipëria digjet në flakë, ndërsa kryeministri krihet para kamerave. Shfaqet rrugë më rrugë me sloganin Shqipëria po ndryshon dhe shan e shan opozitën, teksa flakët vazhdojnë përpijnë ç’u del përpara – në mungesë të shtetit që e ka braktisur detyrën”.

Shqipëria, vendi më tolerant mysliman, lexohej sot një titull te Gazeta Shqiptare, i një artikulli kushtuar fotografit Joseph Coudelka. Artikulli, (por jo vetëm ai) I ka tërhequr vëmendjen Ardian Vehbiut, i cili në blogun e vet Peizazhe të Fjalës shkruan:

Forbes ka shpallur këto ditë listën e 100 grave më të fuqishme në botë. Angela Merkel është në krye, sekretarja amerikane e Shtetit, Hillari Klinton, është renditur e dyta, ndërsa pas saj ka zënë vend presidentja e Brazilit, Dilma Rousef. Në top-pesëshen e parë ndodhen edhe Melinda Gejts, bashkëudhëheqëse e Fondacionit “Bill&Melinda Gates”, dhe Xhill Abramson, kryeredaktore e “New York Times”. Sipas Forbes, ato janë renditur në bazë të ndikimit dhe sasisë së parave që kontrollojnë ose fitojnë.

Një ditë nga fillimi i sesionit të ri parlamentar kryetari i PS i përsërit kryeministrit qëndrimin se vetëm votimi nga mazhoranca i ndryshimeve kushtetuese të propozuara nga opozita janë kusht që PS të votojë heqjen e imunitetit. Ndërsa Berisha po bën "lojë pa top" me çështjen e referendumit. "Nëse mazhoranca do t'i miratojë këto ndryshime atëherë heqja e imunitetit do të votohet brenda shtatorit, nëse nuk do të votohen atëherë është një arsye më shumë që në zgjedhjet e 2013 kjo qeveri të rrëzohet me votë"- tha Rama.

E përditshmja Panorama ka botuar sot një listë të Inspektoratit të Lartë të Deklarimit të Pasurive. Janë gjithsej 105 emra. Arsyeja pse janë veçuar nga 4700 zyrtarët e tjerë që ligji i detyron të dëshmojnë pasurinë, është se këta kanë deklaruar edhe dhurata të përfituara gjatë periudhës që kanë ushtruar funksione publike. (bëhet fjalë për 3 vitet e fundit – sipas raportimit të Panoramës).

Pak kohë më parë një prej eksponentëve kryesorë të LSI-së, Spartak Braho, nuk e fshehu aspak ambicien e tij për t’u zgjedhur Prokuror i Përgjithshëm. Një intervistë e tij për një të përditshme shqiptare, ku u vetëofrua për këtë post, ngjalli mjaft reagime ndërkohë që në skenën politike shqiptare u kthyen bisedimet jo formale dhe të vështira mes dy partive kryesore në mazhorancë për çështjen në fjalë. Por sa duket LSI-ja e ka humbur këtë betejë andaj përgjigjja që vjen nga kjo forcë politike (të paktën zyrtarisht) është krejt formale; atë e zgjedh vetëm Presidenti i Republikës.

E përditshmja MAPO raporton sot se kreu i ri i SHISH-it Visho Ajazi Lika ka shkarkuar (brenda ditës!) të gjithë drejtorët e këtij institucioni në rrethe. Gazeta shton në artikullin e saj se të shkarkuarit janë njoftuar se do ripunësohen në detyra të tjera brenda Shërbimit Informativ, detyra të cilat raportuesi i quan "detyra të rolit bazë" (me sa duket, në nivele më të ulëta).