105 zyrtarët, 105 bujarët dhe pak hesap mbi një listë të Panoramës

E përditshmja Panorama ka botuar sot një listë të Inspektoratit të Lartë të Deklarimit të Pasurive. Janë gjithsej 105 emra. Arsyeja pse janë veçuar nga 4700 zyrtarët e tjerë që ligji i detyron të dëshmojnë pasurinë, është se këta kanë deklaruar edhe dhurata të përfituara gjatë periudhës që kanë ushtruar funksione publike. (bëhet fjalë për 3 vitet e fundit – sipas raportimit të Panoramës).

Po të vëresh listën dhe të bësh disa numërime bazuar tek ajo - rezulton se nga 105 emra, 31 janë zyrtarë të Doganave dhe Tatimeve, 23 janë gjykatës dhe prokurorë. Pjesa tjetër, janë drejtues të institucioneve të rëndësishme, deputetë, dhe nëpunës të tjerë të administratës.

Dhuratat për të cilat flitet, kanë vlera nga 500 mijë deri në 24 milionë lekë të reja. Në krye është zv.ministri i Mjedisit, Auron Meneri, (në foto) i cili ka deklaruar rreth 24 milionë lekë të reja në zërin "dhurata" (!). Sipas ILDKP-së, këto dhurata janë para, zyra ose shtëpi banimi. Gjithsej "105 zyrtarët" kanë përfituar në formë dhuratash rreth 290 milionë lekë (2.9 milionë dollarë). Kurse "105 bujarët", pra ata që ua kanë dhuruar këto pasuri nuk janë deklaruar kush janë dhe as ILDKP nuk i gjurmon dot.

Sa për të bërë një hesap, deputeti Edi Paloka përshembull ka deklaruar në 3 vjet sipas kësaj liste 40 milionë lekë dhurata. Duke e mbajtur pak me hatër i bie që të ketë përfituar mesatarisht 13 milionë lekë dhurata në vit, pra mbi 1 milion lekë dhurata në muaj (!). Llogarisni pastaj zotin Meneri me 6 fishin e tij. Boooh! Goxha të dhënë pas dhuratave… (A.N.)

Në foto: Zv.Ministri i Mjedisit Meneri, në krye të "listës së dhuratave"