Arkiv-Lajme

Këto javë të fundit kanë pasur për protagonistë historianët. Nuk ka pasur ditë që t’mos jenë ftuar në një studio televizive, apo që t’mos jenë intervistuar nga gazetarët e shtypit. Fjala vjen, sot, në Mapo, është bërë e gjallë historianja dhe studjuesja Ana Lalaj, dhe në këtë intervistë ajo qorton qasjen kryeministrore për t’u marrë me histori. “Nëse sugjerimet vijnë nga kreu i shtetit apo i qeverisë, atëherë ato kthehen në orientime, dhe kjo e ka emrin ndërhyrje”, thotë ajo.

Kush ka shkuar mbrëmë në premierën e dokumentarit të Roland Qafokut me idenë për të bërë një qokë kolegësh, me siguri është befasuar. Dokumentari me titull “Ismail Qemali që nuk kemi njohur” ishte më i arrirë se sa pritej. Shfaqja zgjati më shumë se një orë, dhe shikuesit që mbushën sallën Black Box e ndoqën pa përjashtim deri në fund.

Propozimi për t'i hequr emrin sheshit Avni Rustemi ka qenë i PDIU apo i PD? U tha se ka qenë propozim i Tahir Muhedinit të PDIU, por po të gjykosh nga debatet në Këshillin Bashkiak për këtë ndryshim, del se fanatikët e heqjes së emrit dhe bustit të Avni Rustemit kanë qenë anëtarët e PD në Këshillin Bashkiak. Nga debatet del thuajse e qarte qe qellimi ka qene heqja e emrit dhe bustit te Rustemit dhe jo gjetja e nje emri per Camerine.

Deputeti socialist i Fierit Armando Subashi ka shpjeguar në disa nga të përditshmet e sotme, atë që ndodhi dje në Fier, më saktë arsyet pse u tërhoqën nga një prej padive të shumta të bëra për këtë cështje.

Në faqet e shtypit të ditës vihet re prej muajsh një fenomen: kur vjen në rend dite diskutimi i një nisme qeveritare apo i një projektligji ose nuk ka më prononcime publike nga njerëz të fushës ose ato që janë, editohen me burime "që nuk flasin me emër".

“Google Doodle” janë ndryshimet argëtuese, befasuese e ndonjëherë spontane që i bëhen logove të Google-it për të kremtuar festat, përvjetoret apo jetët e artistëve e shkencëtarëve të mëdhenj. Kërkesat për Doodles janë rritur ndjeshëm vitet e fundit dhe mbi 1.000 prej tyre janë realizuar tashmë. Kompania ka krijuar dhe një ekip që takohet rregullisht për të dhënë ide e për të vendosur cilat evente të vecanta meritojnë të kremtohen me një Doodle.

Akademiku i njohur Rexhep Qosja gjatë fjalës së mbajtur në Konferencën e organizuar nga Ambasada e Kosovës në Tiranë, me temë “Roli i Kosovës në krijimin e shtetit shqiptar”, është shprehur se megjithëse shqiptarët kanë sot dy shtete, nuk mund të thuhet se programi kombëtar i Rilindjes Kombëtare Shqiptare, është realizuara plotësisht.

Kryetarja e Kuvendit, Jozefina Topalli ka drejtuar sot një pritje në të cilën u ka dhuruar aktet e themelimit të shtetit shqiptar ish-kryeministrave të vendit dhe të afërmve të Azem Hajdarit, Ibrahim Rugovës, Adem Jasharit e Pjetër Arbnorit. Në listën e të ftuarve ishin 6 ish-kryeministra socialistë, mes të cilëve edhe Fatos Nano. Mediave nuk u ka shpëtuar ironia e bashkëftesave Nano e Hajdari (të parin Berisha e PD e kanë akuzuar si vrasës të të dytit).

"Keni të drejtë. Është hera e parë që shkoj në Shqipëri që nga largimi në gusht të vitit 2010. Mezi pres të shkoj përsëri. Shqipëria është një vend, nga i cili kam kujtimet më të ngrohta. Atje kam shumë miq dhe kam njohur shumë njerëz, kam ndjerë mirësinë dhe bujarinë e tyre ndaj meje. Nuk kam fjalë për të shprehur mirënjohjen time për atë që po bën për mua qyteti i Vlorës, djepi i pavarësisë shqiptare. Ky është qyteti ku filloi gjithçka, ku u ngrit flamuri më 28 nëntor 1912. Kjo u bë shkak për një sërë ngjarjesh të mëdha që i dhanë drejtimin, madje identitetin Shqipërisë së sotme.

Pesë shekuj më parë “ishte bërë ndarja themelore dialektore e shqipes në gegërishte e toskërishte”, thotë Bahri Beci në një shkrim të tijin të publikuar në Mapon e djeshme. Sipas tij, Meshari i Gjon Buzukut i botuar më 1555 është shkruar në gegnisht, ndërsa Lukë Matrënga e ka shkruar në toskërisht librin e tij me titull “E mbsuame e Kreshterë”, të botuar në vitin 1592. Dhe më poshtë, ai ndalet të vërtetojë atë që përgjithësisht besohet e mbështetet, dmth pse gjuha e Mesharit është gegnishtja.