Arkiv-Lajme

Kreu i Këshillit të Qarkut, Vangjel Ndreko (në foto), u tërhoq nga një padi që kishte bërë në Gjykatën e Fierit për të gjykuar çështjen në themel. Ndreko tha që kjo çështje duhej të ishte shqyrtuar brenda 30 ditësh, por u shty nga një gjyqtar i quajtur Skënder Domini për një vit, kështu që e ka humbur aktualitetin. Kjo lëvizje ka shkaktuar një polemikë të re në Tiranë.

Një mbrëmje shtatori, Ali Rahimi, një azilkërkues 27-vjeçar afgan, po rrinte me miqtë e tij, jashtë banesës së tij në qendër të Athinës, kur dhjetëra grekë iu afruan. E sulmuan me thikë. I frikësuar, ai iku në banesën e tij dhe luftoi përsëri, për t’i larguar njerëzit nga dera. Gjaku shpërtheu në gjoksin e tij, nga pesë plagë që mori me thikë në shpinë dhe gjoks, nis artikullin "International Herald Tribune".

Zyrtarët e Bashkimit Evropian dështuan të arrijnë një marrëveshje sot për t’i dhënë Greqisë më shumë ndihma, duke zgjatur pasigurinë mbi të ardhmen e vendit të zhytur në borxhe dhe të eurozonës me 17 vende anëtare. Ministrat e eurozonës ndërprenë takimin e tyre në Bruksel në orët e para të mëngjesit dhe vendosën ta rifillojnë atë të hënën e ardhshme.

Të enjten amerikanët festojnë Ditën e Falenderimeve, festë tradicionale e korrjeve, rrënjosur në të kaluarën agrare të Amerikës. Shumë amerikanë e festojnë këtë ditë me familjen dhe miqtë rreth një tryezë të mbushur me ushqime nga më të ndryshmet, përfshi gjel deti të pjekur, patate, fruta, ëmbëlsira e të tjera.
 Mes këtij bollëku, shumica e amerikanëve befasohen kur mësojnë se sa ushqim shkon dëm në Shtetet e Bashkuara. Sipas një raporti të ri, rreth 40 për qind e ushqimit të prodhuar në vend çdo vit përfundon në hedhurina.

Ndërsa në Tiranë mbetet i ndezur debati për përmbushjen e 3 kushteve të Brukselit, në kryeqendrën e BE-së vendet anëtare kanë nisur diskutimet mbi rekomandimin dhe vlerësimet e Komisionit për Shqipërinë, sipas raport-progresit të 10 tetorit. Disa burime diplomatike në Bruksel konfirmojnë për Top Channel se qëndrimet e vendeve anëtare ndahen në tre grupe: mbështetëse, kritike dhe neutrale.

Ish-ambasadori amerikan John L. Withers rikthehet në Shqipëri për herë të parë pas përfundimit të mandatit - njofton sot në kryeartikullin e vet e përditshmja DITA.
Ish-ambasadori (DITA e quan "ambasadori më popullor në Shqipëri") i është përgjigjur pozitivisht një ftese të Bashkisë së Vlorës për të qenë në këtë qytet me rastin e 100 vjetorit të Pavarësisë. "Zoti Withers do mbërrijë në Shqipëri në datën 27 nëntor dhe do jetë në Vlorë për të marrë titullin Qytetar Nderi i Vlorës - shkruan e përditshmja në fjalë.

Ditët e fundit, disa organe të shtypit të shkruar dhe atij elektronik, kanë trajtuar me shumë shqetësim tregtimin e Flamurit Kombëtar, i cili ka pësuar ndryshime tek një nga përbërësit e tij kryesorë të identifikimit, shqiponja. Përpos shumë njerëzve që po blejnë në këtë 100 vjetor të Pavarësisë, flamuj të deformuar, duket se edhe Presidenca ka rënë preh e blerjes së flamujve në tregun e zi.

Aldrin Dalipi: Janë akorduar 560 milionë lekë të reja, por po të hapni faqen zyrtare të bashkisë nuk ka njoftim. Është kunati i Bashës pas kësaj afere. Është e habitshme si do të hani mish dhe kur rrugët janë të prishura

Lulëzim Basha: Do të të çojë në gjyq...

Aldrin Dalipi: Ti je një racë e korruptuar që duhet t’i kthesh milionat e vjedhura qytetarëve të Tiranës.

Lulëzim Basha: Do të të çojë prapë në gjyq...

Aldrin Dalipi: Hajduti thërret kapeni hajdutin...

Kryetari i grupit parlamentar të Partisë Socialiste, Gramoz Ruçi, ka paraqitur në takimin e tij me presidentin Bujar Nishani një letër lidhur me mandatin e Ina Ramës. Në letër thuhet se thuhet se ligji e Kushtetuta hyjnë në fuqi në momentin e miratimit dhe nuk kanë fuqi prapavepruese vetëm në rastet kur parashikohet me ligj.

Pjesë nga letra:

Nuk do jetë as Sheshi “Avni Rustemi” dhe as sheshi përpara Stadiumit Dinamo, por fusha “Ali Demi” ajo që do të mbajë emrin “Sheshi Çamëria”. Vendimi është marrë nga Këshilli Bashkiak i Tiranës, pas shumë diskutimesh e debatesh. Fillimisht këshilltarët e PDIU, që njihet ndryshe edhe si partia e çamëve, kishin propozuar ndryshimin e emrit të Sheshit “Avni Rustemi” në “Sheshin Çamëria”.