Arkiv-Lajme

Turqia ka marrë të mërkurën nga NATO "dritën jeshile" lidhur për kërkesën për vendosjen e raketave patriot tokë - ajër përgjatë kufirit të saj me Sirinë. Me vendosjen e tyre, e cila mund të bëhet brenda disa javëve, NATO është duke bërë hapin më të guximshëm që ka bërë deri tani në krizën e Sirisë, dhe konflikti 20 mujor hyn kështu në një nivel të ri.

Ministri i Jashtëm gjerman do të bëjë në janar të 2013-s një vizitë në Shqipëri - thotë në një intervistë me Deutsche Wellen, ministri i jashtëm i Shqipërisë Edmond Panariti. "Panariti mori pjesë në takimin e ministrave të Jashtëm të Ballkanit Perëndimor në Berlin , "Quo Vadis, Western Balkans?", ku ishte i pranishëm edhe Guido Westerwelle" - raporton DW.

Lëvizja "Vetëvendosje" në Kosovë, Ministrinë e Punëve të Brendshme e quajnë “Ministri të Pisllëqeve” dhe sot kanë hapur në Prishtinë një “ekspozitë” me akuza kundër ministrit Bajram Rexhepi.

Kreu i opozitës Edi Rama ka qenë sot në Athinë në një takim me emigrantë shqiptarë që jetojnë në këtë vend. Tha Rama në një sallë të tejmbushur: “Do ta ndryshojmë marrëdhënien mes shtetit shqiptar dhe shqiptarëve në emigracion. Shteti nuk do t’i zvarrisë qytetarët në radhët e konsullatave dhe ambasadave; shteti do mbrojë të drejtat e çdo emigranti dhe kontributet e tyre nuk do shkojnë dëm.

Pas një videoje ku një person me maskë digjte flamurin maqedonas në rrugët e Tiranës (diku te Sheshi Nënë Tereza), vjen reagimi i nacionalistëve maqedonas.

“Aksion që më shumë se i ligjshëm, përngjan me një ‘pirat’” e quan gazeta Shqip aksionin e policësë bashkiake kundër romëve që mbledhin kanaçe. Pas disa javësh qetësie, policia i rikthehet gjuetisë së atyre që mbledhin kanaçe duke rikthyer ndjesinë e dhunës ndaj komunitetit rom, të cilët janë të lidhur direkt me këtë lloj ‘biznesi’.

Një stinë e re dashurie, apo pragmatizëm anglo-sakson?? Nuk dihet ende, përveç faktit që nga bllokimi politik i samitit të buxhetit të BE ka dalë një ‘produkt’ i ri i nxehtë evropian: Camerkel. Me këtë bashkim emrash, mediat europiane po etiketojnë ‘dashurinë’ diplomatike mes 2 liderëve të Anglisë e Gjermanisë.

Të bijtë e Ismail Qemalit dinin shqip, ndryshe nga ç’pretendon historiania Eleni Kocaqi, e cila e ka bërë këtë deklaratë në një emision televiziv. Këtë e thotë Darling Vlora, stërnipi i Ismail Qemalit, i cili flet sot për Dhurata Hamzain te Shqiptarja.com.

Pandeli Majko i intervistuar nga Skënder Minxhozi për revistën Java, foli ndër të tjera dhe për situatën e krijuar me rivarrimin e eshtrave të ish-Mbretit Zog me një ceremoni shtetërore. Servet Pëllumbi pati thënë më parë se duhej një ceremoni private e jo një protokoll zyrtar.

Përgjigjet Majko:

Shqiptarja.com, ka shtënë në dorë listën e të ftuarve VIP që do na nderojnë në 100 vjetorin e Shqipërisë. Kjo listë, për fat të keq është shumë e tkurrur e reduktohet në një grusht njerëzish. Ja lista e Shqiptarja.com:

3 Presidentë: Ahtifete Jahjaga (Kosovë), George Ivanov (Maqedoni), Filip Vujanoviç (Mali i Zi).

4 Kryeministra: Hashim Thaçi (Kosovë), Zoran Milanoviç (Kroaci), Viktor Orban (Hungari), Janez Jansha (Slloveni)