Arkiv-Lajme

Paraja nuk mund të blejë lumturi, por lumturia mund të përmirësojë gjendjen financiare. Një studim i kryer nga shkencëtarë nga University College në Londër tregon se të rinjtë të cilët raportojnë një nivel më të lartë të lumturisë dhe kënaqësisë me jetën e tyre fitojnë nivelet më të larta të të ardhurave më vonë në jetë.
Ndërsa studimi nuk gjen një shkak dhe efekt të drejtpërdrejtë, ai tregon se adoleshentët e lumtur kishin më shumë gjasa për të marrë një diplomë kolegji, apo të gjejnë një punë dhe të bëjnë karrierë më shpejt se bashkëmoshatarët e tyre më pak të lumtur.

“Asgjë nuk është transparente, por me sy të lirë po të shkoni për të parë rrethimin rreth katër metra të lartë të stadiumit që deri në vitet 90-të kishte emrin “Dinamo” do shikoni një situatë absurde – shkruhet në blogun “Historia Ime” prej ku është marrë edhe fotoja shoqëruese e këtij shënimi.

Në një tentativë për të krasitur pemët (krasitja dimërore?) punëtorët i kanë lënë degët dhe pjesët e tjera të trungjeve të prera të bien mbi rrethimin e stadiumit duke e nxjerrë këtë të fundit jashtë përdorimit të paktën në 5 vende të ndryshme.

Karl, princi i Wellsit, që nga mosha katër-vjeçare është trashëgimtari i fronit të Britanisë së Madhe. Por vitet ikin për të gjithë. Ai tashmë ka 64 pranvera mbi supe dhe mezi pret për tu bërë mbret. Problemi i madh i ish-bashkëshortit të Lady Dianës është e ëma, Mbretëresha Elizabeta e II e cila prej 60 vitesh është me kurorë në krye.

 “Sigurisht që durimi po më soset”- u shpreh Princi dje gjatë një vizite në Skoci – Pas pak do më skadojë koha, dhe nëse nuk do kem kujdes, mund të vdes unë i pari”.

Komisioneri për zgjerimin Stefan Füle ka shprehur zyrtarisht idenë që po qarkullon në Bruksel lidhur me mundësinë e dhëniës së vendit kandidat Shqipërisë në samitin e dhjetorit. « Ne nuk do të propozojmë ende hapjen e negociatave, por statusi i kandidatit êshtë i arritshêm » ka deklaruar komisioneri Füle në forumin e organizuar në Zagreb mbi dinamizmin e shoqërisë civile në Ballkan.

Pavarësia mund të fitohet, dhe përgjithësisht kështu ka ndodhur, edhe në mungesë të mendësisë dhe institucioneve të lirisë qytetare. Po a është pavarësia, domosdoshmërisht liri? Kësja pyetje i përgjigjet në artikullin e sotëm0opinion në të përditshmen SHQIP, Andrea Stefani.

FOTO LAJM: Një i ri, i cili ka tentuar të marrë një flamur nga rruga është prangosur dhe dhunuar nga një polic i shtetit. Pamjet të cilat mund të gjenden në YouTube tregojnë qartë mënyrën e trajtimit të adoleshentit nga polici i cili pasi i vë prangat dhe e shtyn të ecë përpara, nuk ngurron që rrugën deri te makina, ta bëjë duke e qëlluar të riun në pjesën e pasme të kokës. Ngjarja ka ndodhur pikërisht në një zonë të ish-Bllokut në prezencë të kalimtarëve të shumtë.

Përfaqësuesi i Bashkimit Evropian në Kosovë, Samuel Zhbogar, u kërkoi sot udhëheqësve politikë kosovarë që mos të komentojnë rastet gjyqësore në proces. Reagimi erdhi pasi kryeministri i Kosovës, Hashim Thaçi dhe kryetari i Parlamentit të Kosovës, Jakup Krasniqi, kishin kritikuar ashpër misionin EULEX, pas shqiptimit të masës së paraburgimit prej 30 ditësh për deputetin e Kuvendit të Kosovës, Fatmir Limaj, si edhe ndaj tre personave të tjerë, ish-pjesëtarë të UÇK-së, Naser Krasniqi, Nexhmi Krasniqi e Naser Shala, të akuzuar për krime lufte në ratsin e njohur si rasti Kleçka.

Aktivistët e Lëvizjes Vetëvendosje organizuan sot një aksion simbolik në Merdar. Aksioni kishte si qëllim vendosjen e flamurit kombëtar dhe një tabele ku shënohej “Mirë se vini në Republikën e Shqipërisë”.

Të hënën në mëngjes të kësaj jave u nisa nga Firencja me autobus për në Aeroportin e Pizës, për të fluturuar për në Tiranë. Kisha prerë një biletë vajtje-ardhje dhe po kryeja “ardhjen”. Kur mbërrita në Aeroportin e Pizës shkova në vendin e Check-in-it dhe po kërkoja tabelën AIR ONE, kompania italiane me të cilën do të fluturoja. (Sa për dijeni të atyre që nuk e njohin, është kompania “low cost” e Alitalia-s, për privatizimin e së cilës (Alitalia-s) u bë një zhurmë e madhe sepse u tha se pronarët e rinj morën pjesën e shëndoshë, duke i lënë shtetit borxhet).

Kryeministri Berisha ka më shumë se një vit që, teksa është kthyer nga vizita të ndryshme jashtë vendit, na ka bërë me dije se u ka lënë një ftesë atyre që ka takuar në këto vizita: një ftesë për të marrë pjesë në festën me rastin e 100 vjetorit të shpalljes së pavarësisë. Nuk ka lënë njeri pa ftuar, duke filluar me Presidentin e SHBA-ve e duke mbaruar me udhëheqësit e vendeve fqinjë. Madje, ftesat kanë qenë të përsëritura në një mori rastesh, e shpesh kanë marrë formën e një lutjeje qaramane.