Arkiv-Lajme

Pas një periudhe të gjatë në hije dhe larg komenteve të politikës së ditës, djali i ish kryeministrit Berisha, Shkëlzeni, muajt e fundit po bëhet gjithnjë e më i pranishëm. Një moment kulmor më vete sa i përket pjekurisë dhe mesazhit të thellë e të artikuluar, përbën komenti i sotëm i tij në facebook. Me një humor fin dhe tejet të rafinuar, Shkëlzeni reagoi në lidhje me koalicionin e mundshëm që FRD, e drejtuar nga Bamir Topi, do të bëjë me mazhorancën, për të hyrë sëbashku në zgjedhjet e 21 qershorit.

Një gjykatë turke në Stamboll ka vendosur bllokimin e përkohshëm të Twitter, Youtube, Facebook dhe për 166 media online dhe rrjete sociale. Zbatimi i vendimit i është dërguar Telekomit të Turqisë. Ai u mor pas pamjeve që u shfaqën në këto rrjete të prokurorit turk me një pistoletë në kokë, dhe pasi nuk larguan materiale që autoritetet kërkuan. Shfaqja e pamjeve të prokurorit Mehmet Selim Kiraz me pistoletë në kokë me mediat sociale dhe pastaj në shumë sajte gazetash shkaktoi acarimin e autoriteteve. Gjykata i ka cilësuar “kancer” rrjetet sociale për qytetarët.

Një vit më parë, qeveria shqiptare e ka eksploruar mundësinë e anullimit të kontratës me kompaninë Bankers Petroleum. Siç njofton gazeta "Dita", në prill 2014 Agjencia Kombëtare e Burimeve Natyrore i ka dërguar Ministrisë së Drejtësisë si dhe Avokaturës së Shtetit, një shkresë ku i kërkon gjetjen e një kompanie konsulente e cila të ketë eksperiencë në fushën e arbitrazhit, pasi çështja e anulimit të kontratës pritej të përfundonte në drejtësinë ndërkombëtare.

Kryetari i Komisionit të Ekonomisë, Erjon Braçe ka reaguar sot mbi sitiatën në Marinzë, ku para disa ditësh pati disa shpërthime të dy puseve. Për Braçen është shqetësuese heshtja e kompanisë shfrytëzuese, e cila prej vitesh ka zgjuar dyshime të mëdha për teknologjinë dhe metodën e shfrytëzimit. Por më shqetësuese siç shprehet ai është heshjtja e Ministrisë së Energjetikës. “Por me shume se Bankers, mua me shqeteson heshtja e Ministrise pergjegjese. Nafta është pasuria jonë kombëtare, Bankers është thjesht një operator ekonomik që ka një marrëveshje hidrokarbure me Albpetrol.

Veç kandidatëve të propozuar nga baza e Partisë Demokratike, dhe që tashmë janë bërë publikë, si Halim Kosova, Grida Duma, Jorida Tabaku e Arben Ristani, selia blu po sheh mundësinë që opozita të kandidojë Besnik Aliajn, urbanist dhe anëtar i Këshillit Kombëtar të PD. Aliaj përmbush kriteret e një kandidature me profil të ulët politik, çka mund ta ndihmojë atë në garën për kreun e Bashkisë së Tiranës, thotë gazeta Shqip. Aliaj mund të shihet edhe si një kandidaturë komode si teknicien i cili edhe nëse humb, rëndësi ka të performojë mirë.

Një rrëfim i sinqertë duket se ka qenë ai i Armand Dukës për emisionin “Oktapod” në Vizion Plus. Presidenti i Federatës Shqiptare të Futbollit ka zbuluar detaje nga fëmijëria e tij, por dhe hapat e guximshëm të viteve të rinisë që më pas e çuan drejt suksesit në biznes. Milionin e parë siç thotë Duka e bëri duke shitur kaseta dhe çorape grash. “Kam bërë një kontrabandë të vogël përpara komunizmit. Nuk kisha fatin të dilja jashtë Shqipërie, por shisja ndonjë orë këtu në Shqipëri.

Zonja e Parë Odeta Nishani është shfaqur në kopertinën e revistës “Elegance”, duke pozuar me një stil glamour që u shkon personazheve të shoubizit ndërkombëtar. Ajo flet për jetën familjare, angazhimin ndaj fëmijëve dhe për mjediset shtëpiake, në kopertinën me titull “Jeta jonë e re”, ndërsa fotot ilustrojnë një jetesë aristokratike. Revista në fjalë drejtohet nga bashkëshortja e Lulzim Bashës.

a.k

Kundër pohimeve të Mark Frrokut kanë dalë së fundmi edhe familjarët e Aleksandër Kurtit. Në një intervistë për gazetën “Panorama”, Leonard Kurti,  kushëriri i parë i viktimës thotë se vrasja e Aleksandrit është pranuar nga babai i Mark Frrokut. Ai i quan gënjeshtra pretendimet e ngritura nga deputeti Mark Frroku duke thënë se ka qenë vetë babai i deputetit që ka marrë përsipër autorësinë e të birit për ngjarjen e ndodhur në Belgjikë në vitin 1999. “T’ju them të drejtën, çdo ditë e më shumë po habitem nga gënjeshtrat dhe shpifjet që po dëgjojmë për ngjarjen e të afërmit tonë .

Afrimi i datës për regjistrimin në KQZ të kandidatëve për zgjedhjet lokale të 21 Qershorit ka shtuar dilemat mbi emrat që dy partitë e mëdha do të hedhin në garë për bashkinë e Tiranës. Gazeta “Shqip” shkruan sot se veç kandidatëve të propozuar nga baza e Partisë Demokratike dhe që tashmë janë bërë publikë, si Halim Kosova, Grida Duma, Jorida Tabaku e Arben Ristani, kryetari Basha po sheh mundësinë që opozita të kandidojë Besnik Aliajn, urbanist dhe anëtar i Këshillit Kombëtar të Partisë Demokratike.

Gazeta “Mapo” raporton sot se  Partia Kristian-Demokrate e drejtuar nga Mark Frroku, do jetë sërish pjesë e koalicionit të majtë në zgjedhjet vendore të 21 qershorit. Sipas “Mapos” kjo të paktën ka qenë dëshira dhe vendimi deri në muajin shkurt i kësaj force, para se të hapej çështja “Doshi”, çka do të sillte dhe arrestimin e parë të kryetarit të kësaj force. Diçka e tillë është bërë e ditur nga vetë kryetari i kësaj force, Mark Frroku, në raportin financiar që ai ka dorëzuar në Komisionin Qendror të Zgjedhjeve, ku raportohen të dhënat për vitin 2014.