Bankers, para një viti qeveria pati pajtuar konsulencën e zonjës Blair për të shqyrtuar shanset e anullimit të koncesionit. Asnjë përgjigje

Një vit më parë, qeveria shqiptare e ka eksploruar mundësinë e anullimit të kontratës me kompaninë Bankers Petroleum. Siç njofton gazeta "Dita", në prill 2014 Agjencia Kombëtare e Burimeve Natyrore i ka dërguar Ministrisë së Drejtësisë si dhe Avokaturës së Shtetit, një shkresë ku i kërkon gjetjen e një kompanie konsulente e cila të ketë eksperiencë në fushën e arbitrazhit, pasi çështja e anulimit të kontratës pritej të përfundonte në drejtësinë ndërkombëtare. Për të pajtuar konsulentin që do orientonte qeverinë nëse duhej të kalonte ose jo në arbitrazh, u zhvillua një tender që e fitoi kompania angleze “Omnia Strategy LLP”. Drejtuese e kompanisë është zonja Cherie Blair. Sipas kontratës, kompania e saj duhej të dorëzonte pranë autoriteteve shqiptare raportin përfundimtar nëse kishte mundësi suksesi arbitrazhi me Bankers, por që atëherë nuk ka detaje se çfarë raporti ka bërë Omnia.

a.k