Arkiv-Lajme

Një tokje duarsh ka shkaktuar telashe për dy politikanë nga Gjermania dhe Irani. Liderja e Partisë së Gjelbër të Gjermanisë, Claudia Roth dhe ambasadori iranian në Gjermani, Reza Sheikh Attar tokën duart duke përshëndetur me gaz njëri-tjetrin në fundjavë në Konferencën për Siguri të Mynihut. Por... Gjesti me duart është zënë në kamera dhe shumë shpejt është përhapur.

Në përvjetorin e pestë të pavarësisë së Kosovës, ambasadori britanik, Ian Cliff ka thënë se “Kosovën deri me tani nuk e kanë njohur 98 shtete, sepse tek shtete si: Uganda e Nigeria edhe më tej disa çështje janë të paqarta”. Pavarësisht nga këto paqartësi, Cliff ka vlerësuar se procesi i njohjeve ka ecur mire. Citohet Cliff nga televizioni Ora News:

Ndryshe nga herët e tjera,  në intervistën e fundit dhënë Frederic Ferney-t, e të publikuar në Mapon e djeshme (të përkthyer nga Blerta Hyska), Ismail Kadare përdor tone veçantërisht kritike në adresë të vendit të vet. Madje, një citim i nënvizuar qysh në krye (në përgjigje të pyetjes së parë) duket shumë i kërkuar; i kërkuar me synimin për të pickuar ndërgjegjen dhe krenarinë shqiptarë mbi një të shkuar të lavdishme.

Kadri Hazbiu ishte ministër i brendshëm i regjimit të Hoxhës dhe një prej arkitektëve të mekanizmit të tij të dhunës. Deri ditën kur përfundoi vetë viktimë e po të njëjtit mekanizëm. Një procescerbal i klasifikuar si ‘tepër sekret’ përshkruan mesnatën e 9 shtatorit 1983, datë në të cilën Shqipëria komuniste pushkatoi ministrin e vet të brendshëm dhe 3 funksionarë të tjerë të lartë të regjimit. Dokumenti arkivor i botuar nga e përditshmja DITA bën me dije ndër të tjera se pas vendimit të Gjykatës të ekzekutuarit kishin kërkuar nga Kuvendi t’u falej jeta, kërkesë e cila u ishte refuzuar.

Vëllimin “Te kundërcjapi” autori Ardian Klosi kish planifikuar ta botonte pranverën e shkuar. “Do ta botonte në kuadër të Panairit të Pranverës, që nuk u zhvillua dot kurrë”- thotë botuesja Arlinda Dudaj – në të përditshmen MAPO, ku gjen të botuar edhe një intervistë të gjatë për Klosin të gazetares Aida Tuci me Ardian Vehbiun. Duke komentuar botimet e Klosit Vehbiu thotë ndër të tjera:

Si sot 20 vjet, Prokuroria Federale në Los Angelos apeloi vendimin e një gjykate lokale që shpalli të pafajshëm katër policë që kishin dhunuar barbarisht një qytetar, të quajtur Rodney King, pasi ai kishte kundërshtuar arrestimin prej tyre. (Dhuna e policëve ishte filmuar me një kamera amatore dhe bëri xhiron e botës në televizione).

Gazeta Sot ka njoftuar sot për festimet e “99 vjetorin të shpalljes së Autonomisë së Vorio Epirit” nga shoqatat e Vorio Epirit që veprojnë në Greqi. Në ora 11 u tubuan në sheshin Karitsi në Athinë, për të vazhduar me një lutje në kishën Agjio Gjeorgjio Karitsi dhe më tej me vendosjen e kurorave tek ushtari i panjohur. Si gjithnjë në 17 shkurt organizatat ekstremiste greke që luftojnë për aneksimin e jugut të Shqipërisë përkujtuan 99 vjetorin e shpalljes së autonomisë së Vorio Epirit, njofton “Sot”.

Xherdan Shaqiri ka uruar kosovarët me foton mësipër për 5-vjetorin e Pavarësisë. Jahjaga ka përshëndetur edhe në serbisht ndërsa Egjipti nën trazira ka vendosur ta njohë Kosovën si shtet.

Televizioni Klan i uroi fillimisht me faqen e Facebook-ut të Kryeministrit pastaj me kronikat e aktiviteteve.

Por, gazeta Zëri komenton se “As pamja e re e monumentit “Newborn” dhe as flamujt që valëviten gjithandej Kosovës për nder të pesë-vjetorit të pavarësisë nuk kanë se si t’i japin shkëlqim ekonomisë së dobët të shtetit më të ri në Evropë.”

Shumë pak gazeta, dhe kryesisht ato pranë opozitës po merren me një argument thelbësor, manipulimin e provave nga një ekspert në favor të qeverisë e në dëm të opozitës, në favor të brutalitetit shtetëror e në dëm të 4 viktimave, në favor të shtypjes me vrasje të protestave kundër lirisë për të protestuar. Një pjesë e mediave e kanë kaluar si një "deklaratë" që thjesht bëhet copy paste në të njëjtin vend ku jepen edhe anti-deklaratat e qeverisë, dhe i kanë larë duart.

Ismail Kadare ka dhënë një intervistë për Frederic Ferney-në në të përmuajshmen franceze La Revue, me rastin e botimit të librit të tij “Mosmarrëveshja” në Francë. Gazetari e përshkruan Kadarenë si “As shkrimtar zyrtar, as disident, sot ai u ka mbyllur gojën të gjithë përndjekësve të tij. Në krah të Philip Roth ose Haruki Murakami në listën e shkrimtarëve kandidatë për ‘Nobel’, Ismail Kadare, 77 vjeç, mbetet një autor i paklasifikueshëm dhe enigmatik. Është një bir Homeri që ka shkruar Iliadën me bojën e Orwell ose Huxley.