Arkiv-Lajme

Diktatorët e autokratët e botës kanë kuptuar dobinë e Facebook-ut e Twitterit për të përmirësuar imazhin e vet. Lideri suprem i Iranit, Ayatollah Ali Khamenei po poston fotografi bardhë e zi nga vitet e ’70-ta, lideri çeçen Ramzan Kadyrov po poston mesazhe nostalgjike në Twitter mbi jetën e natës në Çeçeni, ndërsa Gulnara Karimova e Ilham Aliyev po perfeksionojnë artin e Instagramit, shkruan sot MAPO.

Ayatollah Ali Khamenei, Lideri suprem i Iranit

Shqiptarja.com sjell në vemendje që nuk është vetëm eksperti Ndoc Çardaku që ka manipuluar provat e 21 Janarit. Gazeta rikujton edhe 2 mjekë të Spitalit Ushtarak Tiranë të cilët i mëshuan pistës së “vrasjes nga afër”, pra me të ashtuquajturit stilolapsa-pistoletë. I pari që e tha këtë ishte Sami Koçeku, mjeku i urgjencës (dhe Zv. Drejtor i Spitalit Ushtarak të Tiranës), i cili u bëri një bilanc gazetarëve duke ofruar informacionin se vrasja ishte bërë nga afër, që rezulton një pistë false.

Shqiptarja.com raporton sot për një metodë financimi të fushatës, që përmban shumë dritë-hije brenda.

Ndërsa Kosova festoi 5 vjetorin e Pavarësisë, kjo Pavarësi, është gjithësesi e cungët. Kryeminstri serb Daçiç duke folur për TV Pink me qendër në Beograd tha:"Ne jemi duke u përpjekur për të përcaktuar autonominë e serbëve në Kosovë. Kjo është autonomi brenda autonomisë për ne.”

"Ne duam formimin e një bashkësie të komunave serbe me autoritetet e qartë - arsim, gjyqësor, policor që do të kenë marrëdhënie me autoritetet në Prishtinë dhe në Beograd" shpjegoi Daçiç.

Sipas agjensisë së lajmeve INA, Deputeti i BDI-së, Talat Xhaferri, i njohur si ish-komandant "Forina" i Ushtrisë Çlirimtare Kombëtare (UÇK) është kundërshtuar ashpër nga shoqatat maqedonase të veteranëve të luftës së vitit 2001 si kandidat i caktuar për ministër të Mbrojtjes të Maqedonisë. Bëhet fjalë për një nga eksponentët luftarakë të luftës civile në Maqedoni që u shua me marrëveshjen (ende të pazbatuar) të Ohrit. Me sa duket, komandantët e djeshëm janë shndërruar në deputetë të sotëm, por, posti i lartë i Ministrit të Mbrojtjes ka acaruar grupe të ndryshme maqedone.

Një letër nga sekretari i Gjykatës Ndërkombëtare të Krimeve të Kishës dhe Shtetit (ITCCS) pohon se Papa Benedikti XVI është duke i kërkuar qeverisë italiane të japë atij mbrojtje dhe imunitet nga ndjekja penale ligjore.

Të enjten, ITCCS lëshoi ​​një deklaratë ku thuhej se Papa ka kërkuar të takohet me Presidentin italian Giorgio Napolitano më 23 shkurt. Shërbimi Informativ i Vatikanit ka konfirmuar se Papa është planifikuar të takohet me Napolitanon më 23.

Ndërsa media merret me nacionalizmin-për-vota të Kryeministrit, me kronikën e zezë apo me fatin e keq të vajzës në koma në Austri, po kalon si pa u ndjerë miratimi i planit të ri rregullues së Tiranës, një plan që me arrogancë Basha e quajti “plani i shekullit”. Masakra e Tiranës po ndodh pa përfillur askënd, asnjë zë që është kundër, thjesht për egon dhe interesat e errëta të kushedi se kujt.

Artan Shkreli, Kryetari i shoqatës së Arkitektëve shqiptarë ka dalë para medias e ka argumentuar dhe një herë pse ky plan nuk duhej miratuar. Argumentet e Shkrelit, cituar nga Shqip:

PS ka kërkuar arrestimin e ekspertit Ndoc Çardaku, të cilin prokuroria e akuzon se ka manipuluar provat për procesin e 21 Janarit. Por Ministria e Brendshme ka dalë në mbrojtje të Çardakut, përmes Zëdhënësit të kësaj ministrie, Leonard Olli, dhe ka akuzuar liderin e opozitës Edi Rama se është përgjegjës për ngjarjet e 21 janarit dhe për këtë duhet të ishte në bankën e të akuzuarve.