Arkiv-Lajme

Ka plot kundërshtarë të Berishës që vijojnë të mos kenë mëshirë për njeriun që ka dominuar për 23 vjet me radhë politikën shqiptare, e prandaj po flasin e shkruajnë për të njësoj si më parë (i ndihmon shumë ai vetë, pasi nuk po lë gjë pa bërë për të qenë lajm i ditës), por ka dhe të tjerë që kanë dhënë shenja se po përpiqen ta mirëkuptojnë e të kenë pak empathi për të.

Në një intervistë për të përditshmen greke, Kathimerini (një gazetë tradicionalisht konservatore), Edi Ramës i është dashur të flasë për dy momentet, ku “kanë ngecur” marrëdhëniet Shqipëri-Greqi. Momenti i parë është ai që ka të bëjë me marrëveshjen e kufirit detar që është nënshkruar nga qeveria shqiptare dhe është pezulluar nga Gjykata Kushtetuese. Dhe Rama nuk është çbalancuar; ka folur shkurt pa thënë ndonjë gjë të madhe: “Duhet të bisedojmë, në respekt të plotë të pikëpamjeve të njëri-tjetrit, që të gjejmë zgjidhjen e duhur”.

Vazhdojnë përpjekjet e establishmentit maqedonas për të defaktorizuar shqiptarët, dhe për t’i detyruar të pranojnë që janë nën 20%. Skënder Karaçica vëren te një analizë e botuar në INA Online, se shtypi maqedonas, e së fundmi dhe “Nova Makedonija”, gazetë e afërt me Kryeministrin Nikolla Gruevski, vazhdon të përhapë teza anti-shqiptare.

Shkrimi i parë i Pëllumb Kullës pas zgjedhjeve është me titull “Një anëtar i thjeshtë u ngrit e foli”. Është një shkrim, që sillet vërdallë dorëheqjes së Sali Berishës, që tani, sipas vendimit ai vetë që ka marrë, është anëtar i thjeshtë i PD-së. Kullës i ka bërë përshtypje fjala që Berisha mbajti pas zgjedhjeve. Për më shumë se një arsye. Së pari, i ka bërë përshtypje që “ai pranoi formalisht rezultatin e votës së sovranit”.

Ish-Ambasadori amerikan Withers u ka dërguar shqiptarëve një letër ku i uron për rivendosjen e demokracisë. Ai uron dhe Ramën, sikurse shpreh vlerësime edhe për Berishën. Po e botojmë letrën të plotë:

Dhjetëra mijëra njerëz u mblodhën në Kajro sot gjatë ditës në një nga protestat më intensive që nga ditët e Pranverës Arabe kundër Mubarakut. Pallati presidencial është blinduar, njofton La Repubblica. Presidenti Morsi ka thënë për Guardian: "Unë nuk kam në plan të iki". Në jug të vendit numërohet një i vdekur dhe shtatë të plagosur, në përleshjet ndërmjet përkrahësve të Morsit e kundërshtarëve të tij ndërsa njoftohen se janë mbledhur 22 milion nënshkrime kundër presidentit uzurpator.

Veprimet ekstreme të Lëvizjes së Vetëvendosjes më 27 qershor gjatë protestës kundër ratifikimit të Marrëveshjes me Serbinë, veprimet aspak etike dhe normale brenda Kuvendit të Kosovës për të penguar procedurën e vendimmarrjes dhe votimit, incidenti me ambasadoren amerikane në Prishtinë Tracey Jacobson, kanë vazhduar me sulme mediatke ndaj kryeministrit Thaçi, Ramush Haradinajt, por edhe partive opozitare në Kosovë, të cilat i kanë futur “në një thes”, duke i quajtur parti të haraçit.

Alma Lama, Deputete e Vetëvendosjes në Parlamentin kosovar, i ka kërkuar personalisht falje Ambasadores amerikane në Kosovë, Tracey Ann Jacobson për lëndimet që aktivistë të VV’së i kanë shkaktuar asaj ditën kur Kuvendi po ratifikonte marrëveshjen e Kosovë- Serbi, njofton Express.

Ka qenë deklarata e ambasadores gjermane, Carola Müller-Holtkemper, që na lë të kuptojmë që edhe diplomatët kanë përjetuar stresin se Berisha mund të mos pranonte humbjen.