Arkiv-Lajme

Habion Hasani te Dita, analizon sot kandidaturat për kryetar të PD-së.

Ai përjashton Jozefina Topallin dhe Ridvan Boden, tashmë të dorëhequr, e para pas rezultatit vrasës të Shkodrës dhe dobësimit të pozitave, i dyti, ngaqë megjithëse numri dy në parti, “për nga pozicioni duket se nuk ka forcë të marrë në dorë drejtimin si lider. Shumëkush në PD mendon se për këtë i mungon edhe statura.”

Darina Tanushi për G.Sh ka zhvilluar një bisedë me Dritëro Agollin për zgjedhjet. Duke u ruajtur të mos përsërisë gjërat tashmë të thëna, në lidhje me aleancën PS-LSI, poeti ngre një zile alarmi për rrezikun që kjo fitore mos ajo çon në krijimin e një autokracie, që manifestohet përmes partisë-shtet.

Blendi Fevziu përpiqet të bëjë sot një portret të “atij që iku”, Sali Berishës, duke e nxjerrë atë si njeri që polarizoi Shqipërinë, për të mirë a për të keq. Brenda këtij polariteti Fevziu nxjerr “të bardhën” dhe të “zezën” e Sali Berishës.

Për Fevziun, Berisha do të kujtohet për mirë si:

Mustafa Nano rimerr te Shqip një intervistë të Ramës për dy gazetarë francezë ët portalit Le Courrier des Balkans (që fokusohet te çështje të Ballkanit), fill pasi ishin mbyllur kutitë, e që, ndonëse numërimi i votave ende nuk kish filluar, ish i sigurt në fitore. Intervista me Philippe Bertinchamps dhe Jean-Arnault Derens del në Courrier des Balkans me titullin: “Edi Rama, kryeministri dhe vdekja”. Fjala vdekje në titull del prej kësaj përgjigje të Kryeministrit të zgjedhur të shqiptarëve: “Unë nuk u bëra Edi Rama nëpërmjet politikës. Unë isha Edi Rama përpara.

Vetëm pak orë pas deklarimit të Sali Berishës se Kryetari i ri që do ta pasojë në PD do të zgjidhet sipas parimit “një anëtar një votë”, dhe Aleksandër Biberaj ka shpallur hapur ambicien për të garuar për postin që gjerësisht i atribuohet si i “paracaktuar” Lulzim Bashës.

Nën titullin “ku është gabuar?” Agron Tufa analizon te Panorama humbjen e PD, por që në brendësi në të vërtetë e konsideron si përgjegjësi të Berishës personalisht. Ai shtron për analizë 7 gabimet e Berishës:

Një klerik i lartë i Vatikanit është arrestuar së bashku me një anëtar të shërbimeve sekrete të Italisë dhe një ndërmjetës financiar, të dyshuar se donin të kontrabandonin 20 milion € ilegalisht në bordin e një avioni nga Zvicra.

Në një shkrim te Panorama sot, Nikoll Lesi akuzon drejtpërdrejt që në koalicionin e djathtë ka pasur një vjedhje të madhe votash ndaj aleatëve të vegjël. Ai sjell rastin personal, ku në qendrën e tij të votimit te P.N. Luarasi, ka votuar vetë i 5-të, me bashkëshorten, djalin e madh, vjehrrin e vjehrrën, por në atë QV ka vetëm 3 vota! Lesi, beson se dhe 19 banorë të pallatit ku banon prej 20-vitesh i kanë deklaruar votën (janë gati të firmosin dhe me noteri), dhe asnjë nga ato vota nuk gjendet në kuti.

Në “5 pyetje nga Babaramo”, Ilir Meta duke sikur i është shmangur shumë prej pyetjeve, sidomos atyre që kishin të bënin me strukturën e ndarjes së pushtetit, numrin e ministrive, si do bëhet me administratën, etj., duke thënë thjesht “nuk është kjo çështja më e rëndësishme” ose “rëndësi ka fryma e koordinimit dhe bashkëpunimit.”  

Në një intervistë për JAVA-n, Selami Xhepa, një nga eksponentët e njohur të PD-së, përpiqet t’i shmanget shprehjes së dashurisë së pakufishme për liderin e dorëhequr dhe justifikimeve bajate për humbjen, konsideron që faktori kryesor ishte “konsumi moral”.