Arkiv-Lajme

Gazeta kosovare ‘Zëri’ ka sot një lajm, në të cilit raportohet një ngjarje e ditës së hënë. Deputeti i Vetëvendosjes, njëkohësisht kreu i grupit parlamentar të kësaj lëvizjeje, Visar Ymeri është futur të marrë marrë pjesë në mbledhjen e Kryesisë së Kuvendit, dhe atje, përveç kryetarit të parlamentit dhe krerëve të grupeve parlamentare, ka gjetur dhe një out-sider. Po diskutohej projektligji për Amnistinë, dhe Ymeri ka kundërshtuar praninë e këtij outsider-i në atë mbledhje. Cili ishte ky? Ishte një përfaqësues i ambasadës amerikane.

“Prognozë retrospektive, Berisha në historinë e së shkuarës”, e ka titulluar një shkrim të vetin Fatos Tarifa. Dhe e ka publikuar jo në Mapo, siç ka bërë zakonisht kohët e fundit, por në të përditshmen Dita. Ai është ngacmuar nga gara mes eksponentëve të PD-së dhe opinionistëve të shumtë për ta futur Berishën qysh tani në histori, dhe thotë: “nuk dua të bëj gabimin kaq shpesh të përsëritur në historinë e kombit tonë për t’i dhënë ‘vendin e merituar’ apo për të parashikuar fatin historik të z.

Një Ph. D.

Në një shkrim të tijin të publikuar disa ditë para votimit, Veton Surroi fliste për një atmosferë ndryshimi që vihej re në Shqipëri, dhe përkufizonte me terma jo simpatikë sundimin e Berishës. Sot ai ka shkruar një artikull tjetër, të publikuar në Shqip, ku tenton të bëjë leximin e asaj që ka ndodhur më 23 qershor, dhe të nxjerrë disa mësime për fituesit.

Ka bërë xhiron e shtypit të sotëm, ky tekst i hedhur në fb e zv.drejtorit të policisë së Tiranës, Erzen Breçani nga vetë ai:

“…Pershendetje liderit historik te shqipetareve Doktorr Sali Berishes e duam ndihmen tende se jemi mesuar me ty qe te na prish deri sa te largojm pinjollet e komunistave me ne krye edvin ramen ta largojm kete enver te dyte ne qe dikur studenta te 91 shembem diktaturen enveriste do gjejme forc dhe optimizem do te ngrihemi te tere se bashku me rinin qe te mos e leme kete hitler te gjunjezoj shqiptaret…”.

Marrëveshje tetëvjeçare me PS-në. Kreu i LSI-së Ilir Meta sqaroi disa momente të bashkëpunimit të tij me socialistët, dje në emisionin “Opinion” të Blendi Fevziut. Sipas Metës, koalicioni i tij me Edi Ramën nuk do t’i ngjajë mënyrës së bashkëpunimit qeverisës me Berishën, dhe pakti dypalësh është strategjik: Pas tetë vjetësh qeverisje, Shqipëria të anëtarësohet në BE si Kroacia.

Firma amerikane konsulente Patton Boggs është e mirënjohur në Shqipëri nga privatizimi i dështuar i Albpetrolit. Përfaqësuesi i saj e siguroi qeverinë shqiptare se garancia bankare prej 85 milionë euro që Rezart Taçi paraqiti në tenderin për Albpetrolin ishte mëse e garantuar nga një bankë amerikane. Por kur privatizimi i Albpetrolit dështoi, rezultoi se ajo garanci ishte false dhe shteti shqiptar i humbi 85 milonë eurot.

“Dua të falënderoj të gjithë njerëzit e shtypit, që ushqyen shpirtin opozitar duke kritikuar pushtetin, por edhe neve; unë jam i bindur se nën qeverisjen tonë shtypi do jetojë ditët më të mira dhe liria do fitojë një cilësi që nuk e ka pasur deri më sot”, tha Rama, mes të tjerash, në fjalën që ai mbajti në hotel Sheraton, gjatë festës së përvjetorit të PS-së, me sa duket për të ngushëlluar e përgënjeshtruar ata që kanë paralajmëruar qysh përpara zgjedhjeve një klimë të acartë për median me Ramën në qeveri.