Rivjen pranvera e dytë në sheshin Tahrir kundër presidentit uzurpator Mursi

Dhjetëra mijëra njerëz u mblodhën në Kajro sot gjatë ditës në një nga protestat më intensive që nga ditët e Pranverës Arabe kundër Mubarakut. Pallati presidencial është blinduar, njofton La Repubblica. Presidenti Morsi ka thënë për Guardian: "Unë nuk kam në plan të iki". Në jug të vendit numërohet një i vdekur dhe shtatë të plagosur, në përleshjet ndërmjet përkrahësve të Morsit e kundërshtarëve të tij ndërsa njoftohen se janë mbledhur 22 milion nënshkrime kundër presidentit uzurpator.

Nëse islamisti Mursi në krahasim rajonal duhet vlerësuar si "i moderuar" apo "radikal", kjo mbetet të shihet. Ai nuk luan me letra të hapura. E qartë është megjithatë se Mursi e ka të vështirë të menaxhojë postin e kryetarit të shtetit. Në fjalimin e tij të fundit të mërkurën në mbrëmje (26.6.2013) ai i cilësoi kundërshtarët e tij si reaksionarë dhe armiq të Egjiptit. Pasojat do të ishin katastrofale, nëse tek egjiptianët me orientim demokratik, do të forcohej tani përshtypja se Perëndimi po i lë në baltë sot, ashtu si dikur nën regjimin e Mubarakut, komenton Dojçe Vele.

Ne.Su.