Arkiv-Lajme të përditësuara

Deputeti socialist, Taulant Balla, ka thënë se vendimi për 21 janarin është marrë në zyrën e ministrit të Drejtësisë, Eduard Halimi.

Duke folur për Ora News, ai është shprehur se nuk mund të kihet besim tek Gjykata e Tiranës, kur në krye të saj është asistenti i Argita Berishës.

Qeveria shqiptare vijon që të lëshojë deklarata qesharake për zhvillimet në botë. Këtë radhë, Ministria e Jashtme, me anë të një deklarate për shtyp, ka dënuar ashpër provën bërthamore të Koresë së Veriut.

Ministria e Jashtme ka thënë se “autoritetet  koreano-veriore vazhdojnë të injorojnë thirrjet e përsëritura të komunitetit ndërkombëtar për dhënien fund të këtyre provave si dhe të shkelin rezolutat e Këshillit të Sigurimit të OKB-së, lidhur me këtë çështje.

Kryeministri Sali Berisha ka ripërsëritur sërish ndërmarrjen e një pakete reformash për të ndihmuar biznesin dhe për të nxitur punësimin.

Duke folur në mbledhjen e qeverisë, kryeministri Berisha theksoi se pavarësisht kostove të mëdha, qeveria do të vijojë me reformat të cilat sipas tij do të sjellin sukses në mandatin e ardhshëm, raporton Ora News.

Akuza: 18-vjeçarja e tërhoqi viktimën për ta vrarë.

“Nazimja gënjeu se ishte shtatzënë, la fejesën e iku në mal”

Prokuroria dorëzon dosjen në Gjykatë:  SMS e fundit, 20 minuta para vrasjes.

Prokuroria: 18-vjeçarja pretendoi për rrëmbim e kanosje, por s’ka asnjë provë.
“Dëshmia e Nazimes, e pavërtetë”

Taksisti: Fiqiriu përmendi fjalën xhan disa herë në telefon

Sot ne Athine nënshkruhet  marrëveshja ndërmjet Shqipërisë- Greqisë dhe Italisë për projektin për gazsjellësin Trans Adriatik (TAP).

Pala shqiptare do të përfaqësohet nga Zëvendëskryeministri dhe ministri i Ekonomisë, Tregtisë dhe Energjetikës Edmond Haxhinasto.

Nje dite me pare, Kryeministri Sali Berisha firmosi vendimin e qeverisë për miratimin në parim të marrëveshjes ndërmjet Republikës së Shqipërisë, Republikës së Greqisë dhe Republikës së Italisë për projektin për gazsjellësin Trans Adriatik (TAP).

Egin Ceka, djali i ambasadorit të sapoemëruar në Romë, Neritan Ceka, është autor i disa shkrimeve kritike në forumet islame, kundër kreut të Kishës Katolike, raporton Shqiptarja.com.

Njësoj si babai, edhe ai është diplomat.

Servet Pëllumbi, ka vijuar rrëfimin e tij në gazetën Panorama, duke folur edhe për çështjen e nacionalizmit. Ai tha se kjo është një kartë elektorale e Berishës.

Brukseli u tregoi të martën institucioneve të Kosovës se kanë punuar shumë pak për ta fituar liberalizimin e vizave. Zyrtarë të Komisionit Europian thanë se autoritetet e Prishtinës, përveç tjerash, duhet ta luftojnë korrupsionin dhe krimin e organizuar. Në bazë të asaj që u tha nga europianët, kosovarët duhet të presin gjatë për të udhëtuar lirshëm në vendet e BE’së.

Përfaqësuesit e Komisionit Europian edhe njëherë ia bënë të qartë autoriteteve kosovare se janë larg përmbushjes së kritereve për të fituar liberalizmin e vizave.

Ditën e nesërme, në orën 15, Gjykata e Apelit pritet të japë vendimin përfundimtar për 29 të pandehurit e tragjedisë së Gërdecit, ku nga shpërthimi i një fabrike të demontimit të armëve në Gërdec, më 15 mars 2008, humbën jetën 26 vetë dhe u plagosën qindra të tjerë. Vendimi pritet të shpallet nga treshja gjykuese Alaudin Malaj, Gent Shala dhe Shkëlqim Miri.

Vendimi i Apelit ishte parashikuar disa ditë më parë, por u shty nga kjo gjykatë për më 13 shkurt me pretendimin se dosja ishte shumë voluminoze dhe komplekse, prandaj nevojitej më tepër kohë për t’u njohur me të.

Edhe pse banal, vendimi i zbardhur i Gjykatës së Tiranës nuk ka marr parasysh një hollësi që e fajëson sërish Komandantin e Gardës, Ndrea Prendi. Në vendimin e zbardhur, gjykata thotë se vrasjet nuk janë bërë me dashje, pasi vrasësit nuk i kanë njohur viktimat.