Arkiv-Lajme të përditësuara

Komisioneri për zgjerim i Bashkimit Evropian, Stefan Fule ka theksuar se procesi i zgjerimit ka ruajtur vrullin dhe se do të vazhdojë edhe pas pranimit të Kroacisë në BE, më 1 korrik.

Ne hapje te konferencës për integrimin evropian të Ballkanit Perëndimor, e cila ka nisur në kryeqytetin irlandez, Fule ka kerkuar nga vendet e rajonit të përqendrohen në forcimin e sundimit të ligjit dhe në kapërcimin e krizës ekonomike.

“Por ato nuk duhet të neglizhojnë as procesin e pajtimit dhe të vendosjes së marrëdhënieve të mira fqinjësore”- ka thene ai.

Kreu i PS-së Edi Rama ka reaguar menjëherë pas akuzave të bëra kundrejt tij nga kryeministri Sali Berisha nga Peshkopia.

Ky i fundit e akuzoi kreun e selisë rozë se ka ofenduar mësuesit e kërcënuar një drejtoreshë shkolle. 

Në një mesazh në Twitter, Rama i ka kërkuar kryeministrit të mos marrë në qafë drejtorët e shkollave. 

“Sali! Mos merr në qafë drejtorët e shkollave duke u kërkuar të rreshtojnë pas teje mësuesit e nxënësit. Është e paligjshme. Do ndëshkohesh”, shkruan ai. 

Kreu i FRD-së, Bamir Topi u takua sot me grupin e përfaqësuesve të OSBE-ODIHR, i cili kryesohet nga ekspertja Conny McCormak. Pas takimit, Topi tha për mediat se ngërçi i KQZ-së është një shenjë e keqe për mbarvajtjen e procesit zgjedhor, ndërsa theksoi se qytetarët do të votojnë për një fitore të FRD-së. Ndër të tjera Topi foli edhe për seancën parlamentare të së hënës, ku është thënë se do të miratohen tre ligjet. “Ndërkohë që nuk e shfrytëzojnë këtë seancë plenare edhe për zgjidhjen e çështjes së KQZ-së”- tha Topi.

MAPO

Duke prezantuar kandidatët e Partisë Demokratike për qarkun e Dibrës, Kryeministri Sali Berisha premtoi se brenda dy viteve të ardhshme do të ndërtohet rruga e Arbrit dhe Boshti i Jugut.

Në mitingun e organizuar në qendër të Peshkopisë, Berisha premtoi asfaltim të gjithë rrugëve të këtij qarku, ndërsa sqaroi banorët se projekti i rrugës së Arbrit u shty në kohë për shkak të problemeve gjeologjike që pati në vendin ku duhet të ishte tuneli i Murrizit.

Ndërkohë nuk munguan edhe akuzat e Berishës ndaj Edi Ramës, i cili sipas Berishës, shkoi në qarkun e Dibrës si përçarës.

Ashtu siç pritej, Komisioni Qendror i Zgjedhjeve duket se e ka një zgjidhje sa u përket vendimeve që kërkojnë shumicë të cilësuar.

Kryetarja e këtij komisioni, Lefteri Lleshi, ka mbështetur një propozim të përfaqësuesit të PD, Njazi Kosovrasti, që në rastet kur nuk janë pesë votat e nevojshme, të përdoren vendimet e miratuara nga KQZ-ja e drejtuar nga Arben Ristani.

Përfaqësuesi ligjor i Partisë Socialiste, Genc Gjonçaj, ka kundërshtuar, duke thënë se sipas Kodit Zgjedhor duhet të miratohen akte të reja me shumicë të cilësuar.

Ambasadori amerikan Aleksandër Arvizu sheh si mundësi të zgjidhjes së krizës së Komisionit Qendror të Zgjedhjeve seancen parlamentare të së hënës, paralajmëruar nga Kryeministri Sali Berisha për miratimin e tre ligjeve. 

Por diplomati amerikan deklaroi se kjo seance do të ishte mundesi për atë që specifikon si zgjidhje, konstituimin e Komisionit Qendror të Zgjedhjeve, deklaratë që ai e bëri në diten e parë zyrtare të fushatës elektorale.

TIRANE- Nuk zhvillon edhe sot seanca gjyqesore ndaj Dritan Dajtit, i akuzuar për vrasjen e katër oficerëve të skuadrës speciale operacionale në vitin 2009, ne Durres.

Ne seance nuk jane paraqitur dy avokatët e caktuar nga gjykata, te cilet mesohet se kane deklaruar se kane procese te tjera. Ne mungese te tyre Dritan dajti eshte larguar nga salla e gjyqit.

 Kryetari i PS-së në Prezë, Lavdim Kajmaku, e cilëson të qëllimshme dhe politike vënien e zjarrit në banesë dhe në biznesin e tij. Në një intervistë për “Shekullin”, Kajmaku shpjegon ngjarjen e ndodhur në orët e para të ditës së djeshme. Ai shprehet se familja e tij nuk ka pasur konflikte me njeri. Kajmaku hedh poshtë versionin e rënies së zjarrit nga pakujdesia, sepse në vendin e ngjarjes është konstatuar se është përdorur benzinë. Sipas tij, sulmi lidhet me funksionin që ai mban si kryetar i PS-së në këtë komunë.

TIRANË Për Komisionin e Venecias, situata e krijuar në KQZ është shumë delikate. Konrad Olshevski, eksperti i Komisionit të Venecias që po asiston KQZ-në për zgjedhjet, thotë se e paplotë siç është, KQZ-ja s’do jetë në gjendje të japë direktivat e duhura për 23 qershorin. “Situata është delikate, sepse Komisioni po punon me 4 nga 7 anëtarët. Kjo sigurisht përbën një sfidë të madhe për mbajtjen e zgjedhjeve. Së pari, sepse vendimet nuk diskutohen mjaftueshëm siç kërkon Kodi. Po ka dhe probleme teknike, sepse duhen miratuar aktet normative që kërkojnë 5 anëtarë të KQZ-së.

Bisedimet 

Parlamenti do të mbetet i hapur edhe pse u mbyll zyrtarisht sot

http://gazeta-shqip.com/lajme/wp-content/themes/gazeta-e-re/...); background-color: rgb(255, 255, 255); color: rgb(85, 85, 85); line-height: 19px; background-position: 0px 20px; background-repeat: no-repeat no-repeat;">

Zhvillimet