Arkiv-Lajme të përditësuara

Kreu i PS-së: Ngjela ministër, do të marrim 77-80 deputetë

Fatjona Mejdini

Opozita ka arritur të marrë një fitore në Kolegjin Zgjedhor, edhe pse nuk është një fitore e madhe.

Socialistët ankimuan një vendim të Komisionit Qendror të Zgjedhjeve që kishte vendosur tre qendra votimi në ambiente private të aktivistëve pranë Partisë Demokratike, edhe pse shkolla ishte vetëm 270 metra larg.

Kolegji Zgjedhor rrëzoi KQZ-në duke i dhënë të drejtë opozitës dhe duke kërkuar që qendrat e votimit të vendosen në shkollë.

Dekreti i presidentit, që zgjedhjet në tre njësi vendore, drejtuesit aktualë të të cilave kanë dhënë dorëheqjen për shkak të kandidimit si deputet, të mbahen në datën 23 qershor, ka vënë në vështirësi Komisionin Qendror të Zgjedhjeve. 

Ky dekret, që përcaktoi se votuesit e Bulqizës, njësisë bashkiake numër 1 në Tiranë dhe komunës Thumane në Krujë do të votojnë në të njëjtën ditë për parlamentin e ri dhe për të zgjedhur drejtuesit e rinj vendorë, ndër të tjera nuk i lë afat as KQZ-së, qoftë edhe për të printuar fletët e votimit. 

Një aksident i rëndë me pasojë vdekjen e dy personave është shënuar ditën e sotme në afërsi të fshatit, Paulesh që ndodhet në aksin kombëtar Elbasan-Peqin.

Dy automjete, njëri tip Benz me targa AA 523 BA dhe tjetri tip Ford me targa AA 991 AF janë përplasur me njëri-tjetrin. Drejtuesi i makinës tip Ford, Dashamir Leka ka gjetur vdekjen menjëherë, ndërsa drejtuesi i mjetit tjetër, Arben Poroçani ka mbetur i plagosur.

Komisioni Europian ka publikuar një raport për lëvizjen e qytetarëve të shteteve që nuk janë pjesë e Bashkimit Evropian në zonën Shengen. Ky është raporti i tretë që mbulon periudhën 1 nëntor 2012 – 20 prill 2013.

Ballkani Perëndimor

Në pjesën e raportit ku flitet për liberalizimin e vizave me Ballkanin Perëndimor vihet theksi tek rritja e numrit të azilkërkuesve, ku thuhet se për periudhën 31 dhjetor 2012 – 3 shkurt 2013 ata janë në rritur me 44%.

Në një takim me studentë të Universitetit të Tiranës, ambasadori amerikan Aleksandër Arvizu ka folur edhe për liberalizimin e vizave me SHBA-në. Sipas kryediplomatit amerikan, Shqipëria nuk është gati për këtë hap, ndaj edhe vizat nuk mund të hiqen.

Sukthi ishte ndalesa e radhës elektorale e kryetarit të Partisë Demokratike, Sali Berisha, ku në fjalën para mbështetësve të tij, ai premtoi vazhdimin e investimeve, që sipas tij, kanë ndryshuar këtë zonë dhe do të vazhdojnë ta ndryshojnë drejt transformimit të saj në një nga zonat urbane më të zhvilluara të rajonit.

“Ne premtojmë se në katër vitet që vijnë do vazhdojmë të jemi avokatët tuaj në infrastrukturë, shkolla, qendra shëndetësore, ujësjellës, energji. Janë ndërtuar dhe rindërtuar shumica e shkollave. Fermerët e Sukthit kanë modernizuar fermat e tyre”, tha Berisha.

E pranishme gjatë ditës së sotme në Bushat të Shkodrës, kryetarja e Kuvendit, Jozefina Topalli, i është përgjigjur akuzave të kryesocialistit Edi Rama dhe deputetit të kësaj zone, Tom Doshi.

Topalli ka thënë se qytetarët e Shkodrës do i rrahin me votë Doshin dhe Ramën dhe do i japin PD-së tetë deputetë në këtë qark.

“Rama dhe Doshët thonë se të rreh Jozefina, por ju do t’i rrihni me votën tuaj në 23 qershor dhe në Shkodër do të marrim tetë mandate”, tha Topalli gjatë fjalës së saj.

Ambasadori amerikan në Tiranë, Alexander Arvizu apeloi për mos ta neglizhuar 23 qershorin duke theksuar se, “që një demokraci të funksionojë, pjesmarrja sa më e madhe të jetë e mundur në votime është një element që ka nevojë të rritet”. 

“Mos lejoni që të ketë ndikim në votën tuaj. Bëjini politikanët përgjegjës përballë jush, pasi proçesi i zgjedhjve është shumë i rëndësishëm”. Këtë mesazh ambasadori Arvizu e bëri gjatë një bashkëbisedimi me studentët e Univeristetit të Tiranës. 

TIRANE- Komisioni Qendror i Zgjedhjeve ka miratuar ne mbledhjen e sotme fondin publik qe do t’u shperndahen partive te regjistruara si subjekte zgjedhore.

Miratimi i tyre ishte kerkuar pak kohe me pare nga perfaqesuesi ligjor i PS-se ne kete komision, sipas te cilit partite kane nevoje ne kete kohe per fondet dhe miratimi i tyre nuk duhet vonuar.