Arkiv-Lajme të përditësuara

Qeveria ka nisur negociatat me partinë opozitare të drejtuar nga Shpëtim Idrizi për të bërë një shumicë votash që duhen për kalimin e Aktit Normativ në Kuvend. Pas bojkotit të opozitës në Kuvend gjatë miratimit të Aktit Normativ të qeverisë,i cili parashikon shtyrjen e hyrjes në fuqi të ligjit për “Nëpunësin Civil”, qeveria kërkon mbështetje nga PDIU-ja, e drejtuar nga një ish-deputet i PS-së. Negociatat me Idrizin janë zhvilluar sot nga Ministri për Marrëdhëniet me Parlamentin Ilirjan Celibashi dhe ministria e Integrimit Klajda Gjosha.

Ministri i Drejtësisë: Korrupsioni, të rivlerësohen gjyqtarët: Presidenti: Mos hidhni baltë ndaj të gjithëve

Ministri i Drejtësisë, Nasip Naço, dhe Presidenti i Republikës, Bujar Nishani, kanë shkëmbyer dje replika në mbledhjen e KLD-së. Naço deklaroi se sistemi i drejtësisë është me probleme, ndërsa kërkon vlerësim të dytë për gjyqtarët në mënyrë që mos bëhen pjesë e korrupsionit. Nishani apeloi të mos hidhet baltë në mënyrë kolektive, pasi njollosen edhe gjyqtarët, të cilët janë kurajozë e profesionalë në punën e tyre.

Policia e Tiranës ka arritur të parandalojë një vrasje mbrëmjen e të premtes. Efektivët e komisariatit numër 1 në kryeqytet kanë ndërhyrë pikërisht në momentin final, kur shtetasi Fabjol Lila ka nxjerrë armën për të qëlluar mbi një person. Arrestimi i tij është kryer pranë sheshit “Avni Rustemi”. Fabjol Lila ishte i armatosur me një kallashnikov dhe policia kishte marrë informacion paraprak për një sherr mes tij dhe një personi tjetër, që kohë më parë e kishte aksidentuar me makinë. Pas konfliktit Fabjol Lila ishte larguar për t'u kthyer i armatosur.

UPDATE- Një anije me rreth 250 emigrantë në bord është fundosur në ngushticën e Siçilisë.

Siç raportojnë mediat italiane, një avion e ka parë anijen të përmbysej dhe më pas të fundosej.

Nga burime të Marinës, të agjencisë së lajmeve ANSA, ekipet e shpëtimit kanë gjetur kufoma në det.

Në vendin e ngjarjes menjëherë kanë shkuar anijet e marinës, dhe janë nisur helikopterë. Aksidenti mësohet se ka ndodhur rreth 60 milje në jug të Lampeduzës.

Zv.kryeministri dhe ministri i Jashtëm i Greqisë, Evangelos Venizelos do të zhvillojë një vizitë zyrtare në Shqipëri. Kjo do të jetë vizita e tij e dytë në Tiranë.

Venizelos do të pritet nga Presidenti i Republikës, Bujar Nishani, Kryeministri Edi Rama, ministri i Jashtëm, Ditmir Bushati, dhe kreu i Parlamentit, Ilir Meta. Gjithashtu ai do të takohet me kreun e opozitës, Lulzim Basha dhe të PBDNJ-së, Vagjel Dule.

Gjatë qëndrimit në Shqipërisë, Venizelos do të zhvillojë dhe një takim me Kryepeshkopin e Kishës Ortodokse Autoqefale të Shqipërisë,Anastas Janullatos.

Arrest me burg për dy të arrestuarit për vjedhjen e ‘thesarit’, Gjergj Thimo dhe Arben Spaho, të cilët përballen me akuzën e vjedhjes dhe trafikimit të ikonave dhe veprave të artit. Vendimi është dhënë në seancën e parë gjyqësore nga gjykata e Tiranës, seancë e cila në fakt është zhvilluar me dyer të mbyllura për shkak të sekretit hetimor.

Ndërkohë bashortja e Gjergji Thimos në një intervistë për Gazetën Shqiptare thotë se “Gjergji u arrestua sepse refuzoi t’i shiste ‘Onufrin’ deputetit të PS-së”.

Rrëfimi i gruas së Thimos:

Mbledhja e Këshillit të Lartë të Drejtësisë është shoqëruar me debate mes Ministrit të Drejtësisë, Nasip Naço dhe anëtarëve të KLD-së. Në replika është përfshirë edhe Presidenti i Republikës, Bujar Nishani, menjëherë sapo ministri Naço iu referua një raporti të Bashkimit Europian për nivelin e korrupsionit në gjykatat shqiptare. “Sipas raportit të BE-së gjykatat janë të korruptuara. Të zbatojmë ligjin me përpikmëri. Në emër të mazhorancës kërkoj zbatimin e ligjit, s’kam prapavijë politike.

Maxhoranca qeverisëse nisi përpjekjet për të zhbllokuar ngërçin politik pas largimit të opozitës nga Parlamenti, me shkakun se është prishur konsensusi politik me aktin normativ të qeverisë për ligjin e nëpunësit civil.

Ilirian Celibashi, ministër për Marrëdhëniet me Parlamentin, së bashku me ministren e Integrimit Europian, Klajda Gjosha, mesditën e së premtes janë takuar me kreun e PDIU-së, Shpëtim Idrizi.

TIRANE- Ministri i Shtetit për Marrëdhëniet me Parlamentin, Ilirjan Celibashi, se bashku me ministren e Integrimit, Klajda Gjosha kane zhvilluar nje takim me kreun e PDIU-se, Shpetim Idrizi.

Lajmin e ka dhene vete Celibashi, permes nje postimi ne profilin e tij ne Facebook. “Sapo pёrfunduam sё bashku me kolegen Klajda Gjosha, Ministre e Integrimit Europian, njё takim tё rёndёsishёm me kryetarin e PDIU, z. Shpёtim Idrizi nё lidhje me rёndёsinё e pjesёmarrjes nё Kuvend gjatё diskutimit tё Aktit Normativ pёr statusin e Nёpunёsit Civil, tё shtyrё dje nё Kuvend”- shkruan Celibashi.

Ashtu siç pritej, mediet zvicerane janë talluar me stadiumin ku do të përballen kombëtaret e Shqipërisë dhe Zvicrës. Gazeta “Le Matin”, foto-reportazhin e saj për stadiumin “Qemal Stafa” e titullon “Mirësevini në një botë tjetër”.

Shkrimi bën fjalë për ulëset e stadiumit që përveçse mungojnë shumë të tillë edhe ato që janë, janë të papërdorshme. Shtylla që ndriçon fushën duket sikur do bjerë nga momenti në moment.