Shpipëri Hesapi

Kolegjet e Bashkuara të Gjykatës së Lartë kanë dalë sot me një vendim për unifikimin e praktikës gjyqësore për masat e sigurisë. Në njoftimin për shtyp vihet në dukje se propozimet e bëra më herët nga kreu i Gjykatës së Lartë Sokol Sadushi, sipas të cili vendimi unifikues i vitit 2011 çalon në disa formulime.

Thonë Kolegjet:

Drejtësia me pesë yje po i ngjan frikshëm asaj të vjetrës

Drejtësia e Robespierre apo ajo e Beccaria-s? Pas skenës së Ilir Metës në kafaz, në cilën anë janë SPAK dhe Shqipëria?

Kur debatoni për drejtësinë, mos kini parasysh politikanët, por qytetarët e thjeshtë

Këto më sipër janë tituj të disa opinioneve të ditëve të fundit që kanë marrë shkas nga pamjet e Ilir Metës. Kanë për autor Skënder Minxhozin, Carlo Bollino dhe Mero Bazen.

Ka dalë dje në një konferencë shtypi, aop takim me stafin Belinda Balluku. E cila është shkarkuar tashmë nga funksionet ekzekutive në qeveri. E prekur, gati duke qarë, zonja Balluku, duket se ka dhënë një lamtumirë. Ndaj stafit, politikës…Nuk dihet mirë.

Thjesht nëse kthehemi pak pas në vite, më 17 janar 2019, zonja Balluku merrte detyrën nga Damian Gjiknuri, një figurë e njohur e firmave serioze të Ministrisë, ajo shfaqej e mbajtur, e sigurtë, e qeshur, gjithë besim. Dhe me shenja të qarta të arrogancës.

Ka qenë një deputete në Grupin Parlamentar të PS-së të cilën e përgojonin se ishte bërë autoshkollë. Për çfarë zeje do pyesë njerëzia? Përgjigjen e ka TaulanT Balla.

Ka qenë një deputete tjetër të cilën e krahasonin me gomarin. Kush është kjo? Edhe për këtë përgjigjen e ka Taulant Balla. Jo se Taulant Balla di gjithçka, por e ka me detyrë funksionale të dijë kësi gjërash. Sepse këto dhe vjedhja janë politika në atë parti. 

Numri dy i Partisë së Lirisë, Tedi Blushi, ka deklaruar sot në Parlament, se Ferit Hoxha, i dekretuar si ministër i Jashtëm, se ky i fundit kur drejtonte negociatat me Greqinë për çështjen e detit, kishte qarkulluar marrëveshjen në Gazeta Shqiptare. Mbi atë material, Tedi Blushi gazetar shkruajti se deti iu shit Greqisë. Pra Ferit Hoxha, firmoste marrrëvshjen, nga ana tjetër ushqente mediat dhe opozitën. A dinte gjë Berisha? Ku ta dish! Ndoshta edhe i ka thënë vetë Feritit që kështu rrezikon të dalë aset për Kombin! 

Kryeministri Edi Rama ka qenë sot në vilën e Enver Hoxhës që u sulmua dje nga protestuesit. Ka folur për artin dhe artistët, ka shprehur turpërimin e madh që ndjen për këtë akt. Alberi i Shqipërisë është prekur pra dhe ka folur për rendin për të cilin kanë nevojë ata që duan të rrisin fëmijët qetë në Shqipëri. Atë Shqipëri pra ku krimi është jo më krimbi që po ha çdo gjë, por ariu që sundon pa u shqetësuar. Mbahu Alber! 

Regjimi iranian është goditur rëndë dhe është poshtëruar thuajse në mënyrë të pakthyeshme. Vraja e liderit fetar përfaqëson një ndarje tektonike në relacionet e së ardhmes mes iranianëve dhe amerikanëve, pasi është e qartë se një asgjësim i tillë nuk justifikohet me asnjë prerogativë dhe asnjë interes. Historia do ta shënojë një gjë të tillë gjatë.

Në SPAK është paraqitur sot edhe Sokol Balla, gazetar, moderator emisioni, drejtues i ABC News. Nga raportimet jozyrtare thuhet se Balla është pyetur për 90 minuta nga i njëjti prokuror që heton ish-bashkëshorten e tij, Belinda Balluku. Nuk dihet pse Balla është thirrur, as nëse ndaj tij ka akuzë. 

Në prezantimin e drejtorit të ri të Agjencisë së Shoqërisë Kombëtare të Informacionit, kryeministri Edi Rama, ndër të tjera tha se:

Desha të vij vet për të bërë një falënderim shumë të madh për Mirlinda Karçanajn, që ka punuar pranë meje për dy dekada e më shumë, të cilën e njoh si një nga njerëzit më të përkushtuar ndaj funksionit dhe shërbimit publik në këtë vend.

Ka një njeri në politikë me emrin Taulant Balla. Është ndër ata që bën çdo punë ndaj edhe është i dobishëm. Madje për një shumicë që është martuar dhe bashkëjeton me krimin është i domosdoshëm. Ky njeri sot ka dalë në Parlament e ka bërë thirrje që më 17 shkurt të gjithë shqiptarët të bashkohen në Prishtinë për të protestuar në mbrojtje të UÇK-së, kundër gjykimit në Hagë të katërshes drejtuese të ushtrisë në fjalë, pa prova siç tha ai.

Më tej ky tribun i çdo fjale të deleguar i është drejtuar kreut të opozitës, Berisha me akuzën se i ka shërbyer gjithë jetën Serbisë.