Shpipëri Hesapi

Sot është inauguruar Teatri i Kukullave në Tiranë. Çudi e madhe në fakt! Mbijetoi përkundër fatit të të ngjashmëve që u rrafshuan në tokë. Mbeti Teatri i Kukullave dhe u bë i ri fringo. Sot aty ka qenë edhe kryeministri që ka marrë një rol të vetin para fëmijëve që me siguri kur kanë parë dikë që e shohin në televisor patjetër që janë emocionuar.

Vetë kryeministri u ka kujtuar fëmijëve se ai po të dojë e prish teatrin ndaj ata nuk duhet të shohin Parlament. Pikërisht sepse teatri dikur ka qenë Parlamenti.

Teksti më poshtë është marrë nga ATSh dhe sugjerohet si lajm nën titullin: Komisioni i posaçëm antikorrupsion, nisin nga Durrësi forumet e “Dialogut qytetar”. Pra, nëse e kuptojmë drejt, Fatmir Xhafaj nis dialogun me qytetarët për luftën kundër korrupsionit. Hajde të mos qeshësh dhe te mos qash! Dialogu ka nisur me Milva Ekonomin. Kush kupton gjë, i urojmë suksese! 

Gazeta “Tema” njofton lajmin e madh se Edmon Brahimaj ka marrë çmimin “Nderi i shoqatës Tomorri”. Edmond Brahimaj është Kryegjyshi i Kryegjyshatës Botërore të Shqipërisë që ka nisur të tingëllojë si shtëpi mode, si brand i dytë pas kryebrand-it Edi Rama dhe i shton titujve të vet edhe këtë zilen e shoqarës në fjalë.

Ta tundë si duhet se helbete i takon.

Shqiptarët që jetojnë në Britaninë e Madhe janë mbledhur në “Queen Elizabeth Olympic Park” në Londër, një hapësirë e ndërtuar për Lojërat Olimpike të vitit 2012, ku është parashikuar një takim me kryeministrin Edi Rama.

Salla ka një kapacitet prej mbi 4,500 vendesh dhe pritet të mbushet me flamuj kuq e zi nga shqiptarët që jetojnë dhe punojnë në Britani

Ka thënë sot në Parlament kryeministri Edi Rama:

Mblidheni mendjen se keq dolët këtë herë, më keq do dilni herën tjetër. Pranverën e ardhshme do të japin me vendimin e tyre një gjykim që do jetë më i miri historik për PS dhe më i merituari për këto mbeturina të një kohe që nuk kthehet kurrë

Sot publikohet në mediat e qeverisë një reagim i avokatit të ish-ministrit të Shëndetësisë, Ilir Beqaj, Emral Yzeiraj. Në zakonin tonë kombëtar për t’i bërë moral gjithë dynjasë, z. Yzeiraj bën një parashtrim të gjatë të asaj që ndodhi në komisionin parlamentar, ku sipas tij Beqajn, pra klientin e tij, e trajtuan në mënyrë çnjerëzore dhe iu shkelën të drejtat e njeriut.

Shkruan sot Ilir Yzeiri:

Dje u shfaq një nga skenat më të zymta dhe më barbare në hapësirën publike. Në Komisionin hetimor për sterilizimin ishin ftuar për të dëshmuar bashkë me dy të ndaluarit e tjerë edhe ish-ministri i shëndetësisë, aktualisht i ndaluar, Ilir Beqja. Ardhja e tij në sallën e Kuvendit, me pranga në duar, ishte një skenë e trishtuar për fatin e tij, por edhe për cilindo që e shihte atë. Në perceptimin kolektiv dhe në doktrinat e moralit njerëzor, të burgosurit janë kategoria e dobët që ngjall keqardhje, dëshpërim e të bën të mendohesh thellë

Në podcastin e vet, kryeministri Edi Rama, ka diskutuar me pronarin e argjendarisë “Pirro”. Gjatë bisedës z. Rama thotë se e mendon shpesh sesa i lumtur do të ishte ta linte këtë angazhim, pra detyrën që ai kryen.

Kush do bëjë këtë punë, atë reformë? Këto janë dilemat që nuk e lënë z. Rama të mos kandidojë për një mandat të katërt, çka e bën kështu personin në fjalë pengun tonë, të përparimit dhe zhvillimit tonë. Këto quhen fatkeqësi fatbardhë për një vend: mbahet peng një jetë e çmuar e një njeriu krijues, por kjo pengmarrje lidhet me thirrjen e historisë.

Dritan Hila shkruan sot për trajektoren e qurreve të Belerit në Tiranë. Se ku i hodhi ai e ku nuk i hodhi. Dhe kjo i ka dhënë një mësim analistit në fjalë që ndër të tjera thotë se:

Beleri na foli në greqisht, si një dëshmi e kontinuitetit të tij në rreshtimin antishqiptar dhe të çmontimit të kauzës sovranistë opozitare

Po pse duhet të fliste shqip Beleri në cilësitë politike dhe institucionale që erdhi?

12 imigrantë afrikanë erdhën në Shqipëri. Përmes një modeli që u shpall si zgjidhje për Europën. Sapo zbritën, 12 imigrantët u nisën për në Itali sepse e vendosi gjykata. Pse i shkojnë kqq shumë këtij vendi kësi incidentesh me të cilat as qesh dot, as kuptom dot gjë. 

Qesharakët janë në të dyja anët e detit.