Bota

Presidenti finlandez Alexander Stubb ka deklaruar së fundmi se politika e jashtme amerikane vjen në konflikt me “vlerat tona”. Sipas tij, anëtarët europianë të NATO-s përfshirë Finlandën, janë duke rimenduar politikat e tyre sidomos pas incidenteve verbale me Groenlandën.

Ne duhet të njohim ndershmërisht se SHBA po ndryshon. Qasja e saj me aleatët, sikurse edhe mënyra sesi e ndjek politikën e jashtme, po ndryshon po ashtu. Politika e jashtme aktuale e SHBA konflikton me vlerat tona

Një grup prej 25 avokatësh zviceranë kanë bërë kallëzim në Gjykatën Ndërkombëtare të Krimeve ndaj ministrit të Jashtëm të Zvicrës, Ignazio Cassis.

Ata e akuzojnë ministrin për ndihmë në krime të luftës, krime kundër njerëzimit dhe genocid në Rripin e Gazës. Cassis akuzohet se nuk ka arritur të ndalë bashkëpunimin ushtarak mes Zvicrës dhe Izraelit dhe se nuk ka ndërmarrë hapat e nevojshëm për të parandaluar përshkallëzimin vdekjeprurës në konfliktin në Gaza.

Presidenti i Francës, Emmanuel Macron, ka deklaruar se përgatitjet teknike për bisedime me presidentin rus, Vladimir Putin, janë në proces e sipër.

Përgatitjet po vazhdojnë dhe diskutimet teknike mbi çështjen po ecin

u ka thënë gazetarëve francezë Macron.

Ai ka shtuar se konsultimet mbi këtë çështje po mbahen edhe me partnerët europianë dhe presidentin ukrainas, Zelenskiy.

Në një intervistë për “60 minutes”, ish-sekretari Ekzekutiv në Këshillin e Hapësirës, gjatë administratës së parë të Donald Trump, ka deklaruar se nëse kinezët arrijnë të çojnë të parët njerëz në Hënë, pas viti 1969 kur amerikanët e përmbushën këtë objektiv, do të kishim të bënim me një zhvillim shumë të sikletshëm për SHBA.

Një deklaratë që ilustron inercinë ku noton aktualisht mendimi intelektual dhe menaxherial i SHBA, që vazhdon të matet në botë me peshën e dikurshme.

Ish-kryeministri o Italisë, Mario Draghi, ka paralajmëruar se rënia e rendit aktual ndërkombëtar nuk është kërcënim në vetvete. Sipas tij, ajo çfarë mund ta zëvendësojë atë është kërcënim, ndaj një zgjidhje për Europën është federimi.

Nëse Europa federohet në tregti, konkurencë, tregun unik, politikën monetare, ne respektohemi si një fuqi dhe negociojmë si një

Suedia po rikthen rezervat shtetërore ushqimore, në atë që autoritetet e cilësojnë si një nga investimet më të mëdha strategjike që nga vitet 1950, mes rritjes së tensioneve gjeopolitike dhe pasojave të ndryshimeve klimatike.

Kryeministri i Greqisë, Kyriakos Mitsotakis, ka paralajmëruar ndryshime kushtetuese që sugjerojnë heqjen e imunitetit ligjor për ministrat dhe aplikimi i ndëshkimit me masën “punë përjetë” për zyrtarët shtetërorë. Mediat raportojnë se nisma synon të amortizojë goditjet e marra nga skandalet e njëpasnjëshme si ato me IPARD, fshehja e të vërtetës për aksidentin tragjik të trenit në vitin 2023.

Bota e vitit 2026 është e ndryshme dhe përfaqëson sfida të reja. Është koha ëpr një rishikim të guximshëm të Kushtetitës drejt një demokracie funksionale

Senati i Kalifornisë në Shtetet e Bashkuara të Amerikës ka miratuar të entjen që shkoi një ligj sipas të cilit të gjithë avokatët duhet të verifikojnë saktësinë e të jitha materialeve të prodhuara nga inteligjenca artificiale përfshirë citime të rasteve të ndryshme në përpilimin e dosjeve për në gjykatë. I njëjti ligj ndalon edhe arbitruesit që të delegojnë vendimet te modelet gjenerative të Inteligjencës Artificiale apo edhe të bazohen në informacione të gjeneruara prej IA pa u treguar paraprakisht palëve të përfshira në mosmarrëveshje.

Alexis Tsipras, ish-kryemiistri i majtë i Greqisë është duke u përpjekur për krijimin e një koalicioni të spektrit të majtë, me synim rotacionin në vend.

Mediat greke raportojnë për krijimin prej Tsipras të një grupi pune për hartiin e një platforme që synon bashkimin e tri rrymave: socialdemokratëve, të majtës radikale dhe ekologjistëve.

Sekretari i Përgjithshëm i Organizatës së Kombeve të Bashkuara, Antonio Guterres  ka paralajmëruar për kolapsin financiar të organizatës.

Kriza po thellohet duke kërcënuar zbatimin e programeve dhe kolapsin financiar. Dhe situata do të përkeqësohet më tej në të ardhmen e afërt