Bota

Presidenti i SHBA, Donald Trump, ka njoftuar në rrjetet sociale se përgjatë këtyre dy ditëve të fundit ai ka zhvlluar biseda shumë produktive “me vendin e Iranit” lidhur me zgjidhjen e plotë dhe totale të armiqësive tona në Lindjen e Mesme.

Nisur nga këto…unë kam udhëzuar Departamentin e Shtetit për Lufttën të shtyjë çdo dhe të gjitha goditjet ushtarake kundër centraleve elektrike të Iranit dhe infrastrukturës së energjisë për një periudhë pesë ditore

Një komision federal i arteve në Shtetet e Bashkuara miratoi të enjten projektin përfundimtar të një monedhe përkujtimore prej ari 24 karatësh, që mban imazhin e presidentit Donald Trump, në kuadër të festimeve për 250-vjetorin e pavarësisë së vendit më 4 korrik.

Votimi nga US Commission of Fine Arts, anëtarët e të cilit janë mbështetës të presidentit republikan dhe janë emëruar prej tij më herët këtë vit, u zhvillua pa kundërshtime. Ky vendim i hap rrugë United States Mint për të nisur prodhimin e monedhës, ndërsa madhësia dhe prerja e saj mbeten ende në diskutim.

Lindja e Mesme po përballet me një përshkallëzim të ri të tensioneve, ndërsa Shtetet e Bashkuara të Amerikës kanë nisur dislokimin e një anijeje të madhe sulmi amfib, të shoqëruar nga mijëra marinsa dhe marinarë shtesë drejt rajonit.

Ministri i Jashtëm Iranian, Abbas Araghchi, ka deklaruar në një intervistë për “Doha Neës” se lufta e tanishme nuk po bëhet as për amerikanët, as për iranianët dhe as për kënd tjetër. Sipas tij, lufta është duke u bërë për llogari të Izraelit dhe po paguhet  nga amerikanët dhe iranianët. Si në planin njerëzor, ashtu edhe financiar.

Bjellorusia mbetet një aleate e SHBA pavarësisht gabimeve të ndryshme të administratës Trump. Kështu është shprehur presidenti bjellorus, Alexander Lukashenko në një takim me delegacionin amerikan të drejtuar nga i Dërguari Special i SHBA për Bjellorusinë, John Coale.

Besoj se perspektiva ime mbi çështjet globale, sidomos në situatën në Lindjen e Mesme, do të jetë e rëndësishme për ju, nisur nga fakti se ju po luftoni kundër miqve tanë. Dhe jam i gatshëm të flas sinqerisht për këtë temë.

Agjencia “Reuters” raporton se përfaqësues të presidentit amerikan, Donald Trump, në Bordin e Paqes, kanë zhvilluar takime me përfaqësues të Hamasit në Kajro të Egjiptit. Sipas agjencisë në fjalë, synim i takimit është ruajtja e armëpuëshimit në Rripin e Gazës në kushte të larta presioni dhe shterimi kapacitetesh për kontroll, pas nisjes së sulmeve në Iran.

Joe Kent, drejtor i Qendrës së Kundërterrorizmit në SHBA, ka dhënë dorëheqjen na detyra për shkak të luftës në Iran. Të paktën kjo raportohet si arsye nga mediat kryesore që citojnë një deklaratë të Kent në mediat sociale, sipas të cilës:

Ishte e qartë se Irani nuk përbënte një kërcënim iminent për kombin tonë dhe është e qartë se ne e nisëm këtë luftë për shkak të presionit nga Izraeli dhe lobi i tij i fuqishëm amerikan

Mediat në Serbi raportojnë për një takim të kryetares së Parlamentit, Ana Brnabiç me përfaqësues të Komisionit të Venecias lidhur me reformën në drejtësi. Formalisht Komisionit i është këkuar një opinion mbi një paketë legjislative të miratuar më 28 janar që preknin ligjin për Prokurorinë Publike, mbi Këshillin e Lartë të Prokurorisë, Organizimin dhe Juridiksionin e Autoriteteve Shtetërore për Luftën kundër Krimit Kibernetik, Ligjin mbi Gjykatësit, ndarjen territoriale të gjykatave dhe prokurorive.

Kryeministri polak, Donald Tusk, ka deklaruar se eventualiteti i një daljeje të Polonisë nga Bashkimi Europian, është tashmë një kërcënim real. Sipas tij, presidenti i vendit, Karol Nawrocki dhe opozita e djathtë, po ushqejnë këtë politikë. Në një postim në “X’, Tusk ka deklaruar se do të bëjë gjithçka të ndalë këtë zhvillim të cilin e ka cilësuar si “katastrofë”.

Tusk ka akuzuar se pas një politike të tillë qëndron Rusia, MAGA në SHBA dhe Hungaria e drejtuar nga Viktor Orban.

Kryeministri belg, Bart De Wever, ka bërë thirrje që Bashkimi Evropian të nisë negociatat me Rusinë për t’i dhënë fund luftës në Ukrainë dhe për të normalizuar marrëdhëniet me Moskën. Në një intervistë për gazetën "L’Echo", ai deklaroi se një fitore ushtarake ndaj Rusisë është e pamundur pa mbështetjen e plotë të Shteteve të Bashkuara dhe se konflikti mund të përfundojë me një “ngrirje” të frontit, të ngjashme me situatën mes dy Koreve.