Bota

Jordania do të jetë vendi që do të organizojë samitin dypalësh SHBA-Siri, për rindërtimin e kësaj të fundit. Takimet nisin në datën 12 korrik dhe në të do të marrin pjesë ministri i Jashtëm sirian, Asaad al-Shibani dhe i Dërguari amerikan, Thomas Barrack.

Armenia dhe Azerbajxhani kanë firmosur një ditë më parë në Shtëpnë e Bardhë në SHBA, një marrëveshje paqeje që i jep fund një konflikti të vjetër.

Ajo çfarë ndodhi sot është historike. E kam përsëritur prej muajsh se nuk do të ketë luftë mes Armenisë dhe Azerbajxhanit, por paqe. Sot, ne mund të themi se paqja është vendosur në bazë të sovranitetit dhe integritetit territorial të vendeve tona

Gjermania do të pezullojë eksportet e armëve në Izrael, të cilat mund të përdoren në Rripin e Gazës. Kështu tha kancelari Friedrich Merz në reagim ndaj planeve të Izraelit për të marrë kontrollin e Qytetit të Gazës. Merz tha se qeveria e tij nuk do të miratojë asnjë eksport të pajisjeve ushtarake në Izrael që mund të përdoren në Gaza deri në njoftim të mëtejshëm.

Në këto rrethana, qeveria gjermane nuk do të autorizojë asnjë eksport të pajisjeve ushtarake që mund të përdoren në Rripin e Gazës deri në njoftim të mëtejshëm

Ministria greke e Shëndetësisë ka lëshuar një qarkore sipas së cilës ndalohet larja në 13 zona bregdetare përgjatë rajonit të Atikës.

Sipas qarkores që referohet në media, zonat në fjalë “nuk përmbushin standardet e legjislacionit të ujërave të plazhit”. Zonat e ndaluara përfshijnë: portet, kantieret, limanet e përhershme, zonat e çmontimit të anijeve, vija nga porti I Pireut në Perama, nga Skaramangas në plazhin e Aspropyrgos.

Kremlini ka konfirmuar takimin e afërt mes presidentit rus, Vladimir Putin dhe atij amerikan, Donald Trump. Ndihmësi i Presidentit rus, Aide Ushakov ka deklaruar për gazetarët se ka nisur puna e përbashkët për organizimin e këtij takimi, data e të cilit siç tha ai, është dakordësuar në parim, por do të njoftohet më vonë.

Njoftimi vjen një ditë pasi presidenti amerikan Donald Trump, foli për “diskutime shumë të mira me Putin” dhe për një takim të afërt me të.

Milorad Dodik është shkarkuar nga pozicioni i tij si president I Republikës Srpska. Komisioni Qendror I Zgjedhjeve në Bosnje, ka vendosur largimin e tij, pasi një gjykatë vendosi ta dënonte atë me 1 vit burg dhe gjashtë vjet përjashtim nga politika.

Komisioni tha se Dodik ka të drejtën e apelit, ndërkohë që ai vetë raportohet se ka ndërmend të thërrasë referendum. Avokatët e tij citohen të jenë shprehur se do të çojnë çështjen në Gjykatën Kushtetuese dhe kanë kërkuar shtyrjen e ekzekutimit të vendimit aktual.

Departamenti i Shëndetit në SHBA ka ndërprerë financimin e programit të zhvillimit të disa vaksinave, duke përmbushur kështu pritmëritë e krijuara nga pikëpamjet e sekretarit të tij, Robert F. Kennedy Jr. Ky i fundit, një person me bindje kundër dobisë së vaksinave, ka njoftuar se do të ndërpritet financimi 500 milionë dollar për 22 projekte që lidhen me zhvillimin e vaksinave mRNA.

Britania dhe Franca kanë rënë dakord për një zgjidhje të problemit të imigracionit në La Mansh.

Sipas raportimeve në media, Franca pranon rikthimin e imigrantëve të padokumentuar në këmbim të pranimit nga Britania e Madhe të një numri të njëjtë azilkëkruesish të rregullt me lidhje familjare britanike.

Erozioni i lirive civile nuk është thjesht diçka që ndodh në autokraci të largëta. Po ndodh këtu, qetësisht, ligjërisht dhe me një shpejtësi në rritje

Këto shkruan sot në “Politico” Shyam Bhatia, gazetar dhe shkrimtar indiano-britanik që vë në dukje një represion përherë e më të madh ndaj fjalës së lirë në Britaninë e Madhe.

Ofensiva “Karrot e Gideonit”, nisur tre muaj më parë në Gaza ka përfunduar. Kshtu raportojnë mediat në Izrael që citojnë burimet zyratre të Ushtrisë izraelite, e cila ka nisur të tërheqë trupat nga Rripi. “Times of Israel” kujton shpalljen e objektivave tre muaj më parë nga ministri i Mbrojtjes, Israel Katz, që deklaroi se operacioni synonte marrjen e Gazës, mbajtjen e territorit, zhvendosjen e popullisë palestineze në jug, goditjen e HAMAS-it dhe shmangien e kontrollit të furnizimeve humanitare nga organizata.