Bota

Kryeministri i Izraelit, Beniamin Netanyahu ka patur një paraqitje të pazakonshme në OKB. Pëveç itinerarit të avionit të vet që shmangu hapësirën e shteteteve europiane, Netanyahu është bojkotuar nga një pjesë e delegacioneve të shteteve anëtare në Asamblenë e Përgjithshme. Megjithatë, në dallim nga herët e tjera, kur Netanyahu paraqiste harta me objektiva, kësaj radhe ai ka paraqitur një hartë me deyrat e realizuara. Që nga Sinwar i Hamas-it, te Nasrallah, komanda e Iranit duke paralajmëruar edhe milicitë irakene.

Media të ndryshme raportojnë se Sekretari amerikan i Luftës, Peter Hegseth, ka urdhëruar një takim me të gjithë ushtarakët e lartë amerikanë në mbarë botën, takim që parashikohet të mbahet në Quantico, Virxhinia, javën e ardhshme.

Në një shkrim të vetin, gazeta “Koha Ditore” në Kosovë, sjell një reagim të një “Zyrtari të lartë të Departamentit Amerikan të Shtetit” që shpjegon në kushte anonimati arsyet se pse SHBA vendosi të ndërpresë dialogun strategjik me Kosovën.

SHBA është ndërruar me Europën. Rivali kryesor i momentit për Rusinë është Europa. Nëse i hedh një sy titujve të faqes kryesore të agjencisë ruse të lajmeve, “TASS”, Europa figuron si agjentja kryesore e luftës në Ukrainë, përkundër një statusi të ri të SHBA.

Plani i ri i Gjermanisë për riarmatimin që kap vlerën e 83 miliardë eurove, do të shkojë kryesisht në industrinë europiane. “Politico” raporton se plani i prokurimit ushtarak parashikon që vetëm 8% e shpenzimeve të shkojë për blerje në industrinë amerikane, çka i jep një goditje ambicieve të Donald Trump që industria amerikane të shihet si prioritet.

Presidenti i Federatës Ruse, Vladimir Putin, ka njoftuar përgatitjen e vendit të tij, forcave ushtarake strategjike për çdo eventualitet pas përfundimit të afatit të Traktatit të Reduktimit të Armëve Strategjike në vitin 2026. Në një takim me Këshillin e Sigurisë së Rusisë, Putin ka vënë në dukje se “Rusia po përgatitet që të reagojë me mjete dhe jo me fjalë përkundër çdo kërcënimi”.

Presidenti serb, Aleksander Vuçiç ka propozuar një proces masiv legalizimi në Serbi që përfshin 4.8 milionë objekte. Sipas tij, nisur nga statusi i tyre jolegal, njerëzit as i regjistrojnë dot, as i përdorin si kolateral për kredi dhe as shteti nuk përfiton nga të ardhurat e taksimit. Zgjidhja? Legalizim me tarifë 100 euro për 70% të tyre.

Qeveria e Greqisë ka njoftuar nisjen e negociatave për delimitimin e Zonave Ekskluzive Ekonomike me qeverinë e unitetit të Libisë, me qendër në Tripoli.

Takimi i parë i komiteteve teknike është zhvilluar tashmë në Athinë dhe takimi i radhës do të mbahet në Tripoli. Kemi rrugë të gjatë përpaa se të arrijmë një marrëveshje, por është një zhvillimi pozitiv

Asambleja e Përgjithshme e Kombeve të Bashkuara ka miratuar me votë që presidenti i Autoritetit Palestinez, Mahmoud Abbas, të mbajë një fjalë drejtuar organizmit në fjalë online.

Vendimi erdhi pasi SHBA refuzoi vizën ndaj Abbas duke vendosur një lloj vetoje përkundër çështjes palestineze.

Ministri gjerman i Kulturës, Wolfram Weimer, ka bërë thirrje për shkrirjen e Google. Në një intervistë për “Politico”, Weimer ka përkrahur vendimin e Komisionit Europian për gjobitjen me 2.95 miliardë euro të Google, për shkelje të konkurencës.

Nuk bëhet fjalë për shkrirjen e një kompanie me pozitë dominuese që përfiton nga pozita e vet. Ata po ndryshojnë peizazhin mediatik dhe pra themelet demokratike të një vendi. Nga radiot lokale në stacionet televizive dhe të gjithë mediat e shkruara – Google po thith çdo gjë, dhe kjo kërcënon lirinë tonë të shprehjes