Bota

Situatën monopol të Google do ta trajtojë më në fund ShBA. Mediat raportjnë se këtë të hënë që vjen, një gjykatë në Uashington do të vendosë nëse Google do të vijojë të jetë në zotërim si pjesë të motorit të kërkimit edhe Chrome, cilësuar si një ndër asetet më me vlerë në botën online.

Njoftimi i jep zë një shqetësimi të vjetër të BE-së që nuk ja ka dalë asnjëherë të thyejë një monipol amerikan. Nuk dihet se çfarë do do të vendosë gjykata, por një vijë e mesme mund të jetë bllokimi i marrëveshjes me Apple, ndërkohë që Perplexity ka ofruar 34.5 miliardë dollarë për Chrome.

Kryeministri francez François Bayrou thuhet se është i rrëzuar më 8 shtator, në seancën e votëbesimit.

Në radhë për ta zëvendësuar janë ministri për ushtrinë Sèbastien Lecornu dhe ai i Drejtësisë, Gérald Darmanin edhe pse zgjjdhje nuk ka.

Në qendër është reforma për deficitin të cilën Bayrou e konsideron jetike. Sipas tij Franca rrezikon të shkojë në  një krizë si ajo grekja nëse nuk bën reduktime buxhetore.

Zgjedhjet e reja mund të japin të njëjtën panoramë me dallimin se faji do kërkohet te presidenti.

Pas Francës, SHBA po ka probleme në marrëdhënie edhe me Danimarkën. Ministri i Jashtëm danez, ka thirrur për të komunikuar një notë verbale proteste, ambasadorin amerikan në Kopenhagen Mark Stroh, për shkak se të paktën tre persona, me lidhje me presidentin Donald Trump kanë kryer operacione të fshehta ndikimi në Groenlandë.

Kryeministrja e Italisë, Giorgia Meloni ka deklaruar në Takimin e Riminit se Bashkimi Europian po humbet rëndësinë në skenën botërore.

Burokracia nuk ka për të na nxjerrë nga stuhia, politika po. Rregulloret nuk do të na bëjnë më të fortë, idetë po. Ideologjitë nuk do të çlirojnë shoqëritë tona, por vlerat kur aplikohen në realitetin ku jetojmë, munden

citohet ajo.

Sipas saj, Europa duhet:

Donald Trump adhuron t’i binden dhe madje që gjithë bota ta shohë që atij i binden. Por mesa duket nuk funksonon përherë. Gazeta gjermane “Frankfurter Allgemeine Zeitung” raporton se kryeministri indian Narendra Modi ka refuzuar katër telefonata nga presidenti i SHBA në javën që lamë pas.

pic.twitter.com/GJJaeo30v1

— Jahangir (@jahangir_sid) August 26, 2025

Pas 60 seancash të dështuara, Kuvendi i Kosovës ka zgjedhur më në fund kryetarin e vet. Dimal Basha, i Lëvizjes Vetëvendosje është votuar me 73 vota prad he 30 kundër. Pro tij kanë votuar edhe deputetë të Partisë Demokratike, ndërkohë që kreu i Lëvizjes Demokratike të Kosovës, Lumir Abdixhiku, e ka cilësuar aktin e sotshëm: fitore të injorancës.

Basha është një jurist i të drejtës penale, diplomuar në SHBA, 46 vjeç dhe erdhi në garë pas dështimit të Albulena Haxhiut dhe disa kandidatëve të tjerë.

Elon Musk, miliarderi I teknologjisë dhe zotërues i X, ka paditur në gjykatë kompanine Apple dhe ChatGPT për sjellje monopolizuese të koordinuar. Pretendimi i Musk ka të bëjë me nënrenditjen në listë kërkimi dhe cilësimet e prezantimit  për Grok, prodhimin e tij në fushën e Inteligjencës Artificiale.

1 milion vlerësime me mesatare 4.9 dhe Apple ende refuzon të përmendë Grok në ndonjë listë

Presidenti amerikan Donald Trump ka paralajëmruar një dialog të nivelit të lartë për kufizimin e armëve bërthamore me Rusinë dhe Kinën.

Po flasim për kufizimin e armëve bërthamore. Do përfshijmë edhe Kinën. Ne kemi më shumë, Rusia e dyta, Kina e treta. Kina është ende pas, por do na arrijë në pesë vjet. Do donim të denuklearizoheshim

citohet Trump.

Një incident diplomatik është konsumuar së funmdi mes SHBA dhe Francës që ka çuar deri në thirrjen e ambasadorit amerikan në Paris, Charles Kushner për sqarime. Sqarimi erdhi pasi Kushner publikoi një letër të hapur përmes së cilës akuzonte qeverinë franceze se nuk ka bërë sa duhet për të luftuar antisemitizmin në Francë.

Nga ana e vet, qeveria franceze e ka cilësuar të papranueshme akuzën e Kushner, në shkelje të ligjit ndërkombëtar dhe ndërhyrje në punët e brendshme të një shteti.