Bota

Senati i Kalifornisë në Shtetet e Bashkuara të Amerikës ka miratuar të entjen që shkoi një ligj sipas të cilit të gjithë avokatët duhet të verifikojnë saktësinë e të jitha materialeve të prodhuara nga inteligjenca artificiale përfshirë citime të rasteve të ndryshme në përpilimin e dosjeve për në gjykatë. I njëjti ligj ndalon edhe arbitruesit që të delegojnë vendimet te modelet gjenerative të Inteligjencës Artificiale apo edhe të bazohen në informacione të gjeneruara prej IA pa u treguar paraprakisht palëve të përfshira në mosmarrëveshje.

Alexis Tsipras, ish-kryemiistri i majtë i Greqisë është duke u përpjekur për krijimin e një koalicioni të spektrit të majtë, me synim rotacionin në vend.

Mediat greke raportojnë për krijimin prej Tsipras të një grupi pune për hartiin e një platforme që synon bashkimin e tri rrymave: socialdemokratëve, të majtës radikale dhe ekologjistëve.

Sekretari i Përgjithshëm i Organizatës së Kombeve të Bashkuara, Antonio Guterres  ka paralajmëruar për kolapsin financiar të organizatës.

Kriza po thellohet duke kërcënuar zbatimin e programeve dhe kolapsin financiar. Dhe situata do të përkeqësohet më tej në të ardhmen e afërt

Ministrat e Jashtëm të BE-së ranë dakord të enjten të shpallin Gardën Revolucionare të Iranit një "organizatë terroriste", pas një shtypjes së protestave masive në Teheran.

"Represioni nuk mund të mbetet pa përgjigje", shkroi shefja e politikës së jashtme Kaja Kallas në X. "Çdo regjim që vret mijëra njerëz të vet po punon drejt shkatërrimit të vet".

Evropa do të paguajë të paktën 440 miliardë euro për të zgjidhur problemin e ndotjes dhe ndikimet shëndetësore nga kimikatet toksike PFAS deri në mesin e shekullit, sipas një studimi të publikuar të enjten nga Komisioni Evropian.

Kostoja mund të rritet në gati 2 trilion euro sipas objektivave më ambicioze të pastrimit, paralajmëron analiza, duke përshkruar vlerësimin prej afërsisht gjysmë trilioni eurosh si një bazë për adresimin e ndotjes nga PFAS në të gjithë Zonën Ekonomike Evropiane.

Agjencia gjysmë shtetërore iraniane, “Tasnim” raporton për pajisjen e e ushtrisë me 1000 dronë strategjikë të futur në përdorim pas një urdhëri të kreut të saj, general Amir Hatami.

Sipas agjencisë në fjalë, dronët janë projektuar në dritën e përvojës së luftës 12 ditore të qershorit 2025 dhe ata kanë cilësi të përmirësuara për shkatërrim, sulm, zbulim dhe kategori të luftës elektronike të aftë të godasin shënjestra specifike të lëvizshme në të gjitha mjediset.

Presidenti amerikan Donald Trump ka paralajmëruar një aksion në stillin venezuelian edhe në Iran. Përmes një postimi në rrjetin social “Truth” Trump ka vënë në dukje dislokimin amerikan në Gjirin Persik  të cilin e ka cilësuar se është më e madhe sesa në Venezuelë. Dislokimi vjen ndërkohë që ka raportime se edhe Izraeli po bëhet gati të sulmojë republikën islamike, aktualisht e përfshirë nga protesta masive.

Në një intervistë për gjermanen “Spiegel” ish-këshilltari i Sigurisë së Donald Trump në mandatin e tij të parë, John Bolton, komenton dinamikat e tanishme në krizën ukrainase. Sipas tij, në veprim është instinkti dhe komplekset e Donald Trump që admiron figura të forta si Putin apo Erdogan dhe Xi Jinping. Sipas Bolton, Trump madje i ka zili ata për mënyrën si ushtrojnë pushtetin, çka e bën atë një subjekt të manipulueshëm lehtë.

Gazeta izraelite “The Times of Israel” e cilëson konferencën që nis nesër në Jeruzalem, dedikuar luftës kundër Antisemtizmit si përçarëse. Ftesat e dërguara nga ministri për Diasoprën, Amichai Chikli, cilësuar edhe ky si ministri më polarizues në Izrael, përfshijnë përfaqësues të së djtahtës ekstreme në Europë. Për pasojë njerëz me autoritet si kryerabini brianik Ephraim Mirvis dhe kreu i Lidhjes Kundër Shpifjes, Jonathan Greenblatt kanë joftuar bojkotimin.  

Kryeministri i Shqipërisë Edi Rama ndodhet në Izrael në një vizitë që i ka rezervuar atij një pritje të pazakonshme. Zotit Rama i është rezervuar një seancë nderi në Parlamentin izraelit – Knesset – që organizohet në raste të rralla.

Duhet thënë se pritësi i tij, kryeministri Beniamin Netanyahu është shfaqur shumë entuziast për vizitën e z. Rama, për të cilin nuk i ka kursyer lëvdatat.

Ai ka vënë në dukje Besën e shqiptarit, një klishe që është përdorur tashmë më shumë sesa arkiva e RTSH-së, ndërkohë që ka premtuar për një bashkëpunim të ri.