Bota

Dëmi është bërë tashmë: SHBA nuk është më një partner i besueshëm në Europë, aq sa siguria e kontinentit të shihet pazgjidhshmërisht me ish-aleatin atlantik. Veprimet e fundit të liderëve europianë, kanë vënë në lëvizje së paku impulsin e një organizimi fillestar për mbrojtjen e BE-së jashtë suazës së garancive të ushtrisë amerikane.

Nisja e bisedimeve ruso-amerikane nê Riad ku do të tentohet fundi i luftës në Ukrainë nuk duket se përfaqëson një afrim të ri mes dy fuqive kryesore. Zëdhënësi i Kremlinit, Dmitry Peskov është shprehur se Rusia do të ndihmojë Iranin të kapërcejë pengesat në programin e vet bërthamor. 

Peskov ka vënë në dukje se bisedimet e 18 shkurtit nuk afektojnë objektivat e politikës së përgjithshme të Rusisë. Irani cilësohet si një shtet kundërshtar i ShBA dhe bllokimi i shndërrimit të tij në fuqi bërthamore ka qenë drejtim kryesor i politikës së jashtme amerikane në Lindjen e Mesme. 

Në një intervistë për gazetën greke “Kathimerini” Steve Bannon, që mund të quhet edhe ideologu i lëvizjes që sot tubohet pas trumpizmit ka hedhur dritë mbi disa prej vendimeve më provokuese të presidentit amerikan Trump.

Ekipi I televizonit opozitar serb, N1, raportohet të jetë kërcënuar në Mitrovicë të Kosovës nga një grup serbësh që ishin tubuar aty me rastin e ditës së shtetit serb.

Pak më prë një burrë m’u afrua dhe më tha se mezi po prste të na vriste të gjithëve dhe na tha të shkojmë në Republikën Srpska dhe do ta shohim se çfarë do të ndodhë

citon media në fjalë, rerporteren Ksenja Pavkov.

“Politico” raporton se paqja dhe e ardhmja e Ukrainës do të nisin të diskutohen këto ditë në Arabinë Saudite. Sipas medias në fjalë, ekipi i presidentit të SHBA përbërë nga Mike Waltz, këshilltar për Sigurinë Kombëtare, Marco Rubio, Sekretar i Shtetit dhe Steve Witkoff, i Dërguar i Trump për Lindjen e Mesme. Mungon në listë, i Dërguari i Trump për bisedimet Rusi-Ukrainë, gjenerali në pension Keith Kellogg.

Agjencia ruse e lajmeve “Tass” i ka lënë hapësirë sot pozitës së vështrië ku ndodhet Europa pas njoftimit se Donald Trump ka folur në telefon me presidentin rus Putin prej nga ku dilet shpejt në konkluzionin se paqja e imponuar në Ukrainë është opsion i afërt. Agjencia citonte p.sh ish-ambasadorin francez në SHBA, Gerard Araud sipas të cilit “amerikanët duan të dalin nga ky konflikt”. Më tej akoma, sekretari amerikan i Mbrojtjes, Hegseth bëri të qartë në Samitin e Brukselit se administrata aktuale e SHBA e cilëson Ukrain

Një paqe e afërt për Ukrainën do të përfshijë ndryshimin e kufinjve të kësaj të fundit, të paktën duke i njohur Rusisë përfundimisht Krimenë të paktën. Kështu është shpreur sekretari amerikan i Mbrojtjes, Pete Hegseth sipas të cilit “është jojorealiste të flasësh që Ukraina të rikthehet në kufinjtë e para 2014-s”.

Po, do mbyllim Radio Evropa e Lirë dhe Zërin e Amerikës.

Kështu tha Elon Musk në përgjigje të një postimi në X i cili pretendon se dy radiot paguhen nga taksapaguesit amerikanë.

Po, le t’i mbyllim. Evropa është e lirë tani (për të mos përmendur burokracinë mbytëse). Askush nuk i dëgjon më.

Dhe ata janë vetëm ekstremistë të çmendur të majtë që flasin me njëri-tjetrin ndërsa djegin një miliardë dollarë në vit nga paratë e taksapaguesve amerikanë

Vojvodina është dhe do të jetë Serbi. Kështu është shprehur në Instagram presidenti i Serbisë, Aleksander Vucic, që ka bërë të qartë se “deklarata popullore e Vojvodinës do të adoptohet më 15 shkurt në një takim në Sretenje”.

Ne nuk kemi një atdhe rezervë. Ta bëjmë të qartë këtë përballë atyre që duan ta shkatërrojnë vendin tonë

citon Vucic, agjencia “Tanjug”.

Pas vizitës në SHBA, kryeministri izraelit Beniamin Netanyahu ka dalë me një qëndrim të vetin përmes të cilit ka deklaruar se TelAvivi nuk është më për krijimin e një shteti palestinez. Pra për zgjidhjen e dy shteteve. Në një intervistë për Channel 14 në Izrael, Netanyahu ka deklaruar se paqja mes Izraelit dhe Arabisë Saudite do të ndodhë shumë shpejt dhe se sauditët mund të japin një pjesë toke për një shtet palestinez.