Bota

Ukraina tashmë vija e një fronti të asaj që duket se do të jetë era e një lufte të ftohtë të re në Europë. Ministri i Jashtëm, rus Sergey Lavrov, ka deklaruar se Rusia nuk do të tolerojë praninë trupave të NATO-s në Ukrainë, duke bërë të qartë se kjo do të përfaqësonte dhe interepretohej si kërcënim direkt nga vendit të tij.

Nuk do të tolerohet në asnjë mënyrë

ka thënë ai.

Ish-komandanti I NATO-s, admiral James Stavridis, shkruan sot në një opinion në “Bloomberg” se tashmë fundi i Aleancës transatlantike është çështje kohe.

Në parlamentin e Serbisë ka patur sot incidente të dhunshme, për shkak të veprimeve të opozitës që ka hedhur edhe tymuese. Mediat raportojnë edhe për të plagosur. 

Marrëdhëniet mes Rusisë dhe Japonisë janë përkeqësuar në mënyrë të përshkallëzuar. Agjencia “Tass” raporton se Ministria e Jashtme e Rusisë ka vendosur ndalimin e hyrjes në vend të nëndë personave me shtetësi japoneze përfshirë ministrin e Jashtëm, Takeshi Iwaya.

Si pjesë e përgjigjes ndaj të ashtuquajturave sanksione, të ndërmarra nga Tokio ndaj vendit tonë, në lidhje me operacionin ushtarak special, u mor vendimi për të vendosur një ndalim pa afat për hyrjen në Federatën Ruse të disa individëve

Incidenti i rëndë mes Donald Trump dhe Volodymyr Zelenskiy në Shtëpinë e Bardhë duket se ka dhënë efektin e vet negativ. Në dritën e një samiti europian për Ukrainën, prej nga ku doli një vendim për mbështetje të ushtrisë ukrainase, Kremlini po vlerëson se përpjekja e SHBA për paqen apo armpëushimin nuk mjafton.

Regjimi i Kievit dhe Zelenskiy nuk duan paqe. Ata duan që lufta të vazhdojë. Ndaj në këtë situatë, sigurisht që përpjekjet e SHBA dhe gatishmëria e Moskës qartazi nuk mjaftojnë

Raporteri për Serbinë në Parlamentin Europian, Tonino Picuila ka deklaruar se politika e BE-së përkundrejt Ballkanit Perëndimor është e gabuar.

BE-ja ka qenë shumë bujare dhe dorëlëshuar ndaj vendeve të Ballkanit Perëndimor sidomos Serbisë, duke alokuar aty fonde shumë të mëdha, por kemi marrë në këmbim shumë pak në forcimin e institucioneve demokratike

citohet ai.

Gazeta greke “Kathimerini” shkruan se administrata amerikane e Donald Trump ka ndërmend të investojë në portin e Alxandroupolit në verilindje të vendit, një zhvillim ky që rrëzon deklarimet e deritanishme se amerikanët do të tërhiqen nga Europa.

Sipas gazetës në fjalë, diskutimet për investimet në këtë port, kanë nisur që në vjeshtën e kaluar kur president ishte Joe Biden dhe me këtë synohet të përforcohet prania e SHBA në rajon.

Në një intervistë për agjencinë “Tass”, Karin Kneissl, ish-ministre e Jashtme e Austrisë, aktulaisht drejtuese e qendrës “G.O.R.K.I” shprehet se interesi për ndarjen e Ukrainës nuk ka të bëjë vetëm me Rusinë dhe rajonet që ajo ka marrë. Sipas saj janë disa vende në Europë që e shohin me interes dhe si të tyret pjesë të Ukrainës.

Mediat në Izrael raportojnë se lobi izraelit në ShBA ka organizuar një fushatë të koordinuar për të orientuar një politikë të krizës permanente në Siri.

Sipas burimeve të cituara raportohet se ideja e lobimit është që ShBA të angazhohet për një Siri të dobët, të tolerojë praninë e bazave ushtarake ruse për të kundërpeshuar ndikimin në rritje të Turqisë.

Jerusalem Post vë në dukje se përpjekja në fjalë synon të minojë politikën stabilizuese të liderëve islamikë që rrëzuan Bashar al Assad.