Nuk më dhatë Nobelin, po marr Groenlandën

Sot ka bërë bujë një letër që presidenti i SHBA, Donald Trump i ka nisur kryeministrit norvegjez, Jonas Gahr Store, përmes së cilës shpreh një arsye personale se pse ai po bën demarshe ushtarake ndaj Groenlandës.

Duke patur parasysh se vendi juaj vendosi të mos më japë Çmimin Nobel për Paqe për ndalimin prej meje të tetë luftërave dhe më shumë, nuk ndjej më një obligim që të mendoj vetëm për paqen. Ndonëse do të jetë përherë dominante, mund të mendoj tani se çfarë është mirë dhe gjëja e duhur për SHBA

shkruan Trump.

Nisur nga ky paragraf, angazhimi i zhurmshëm për krijimin e një Bordi Paqeje për Gazën është asgjë më shumë sesa një investim i Trump për Nobelin vitin që vjen, ndërkohë që ndërhyrja në Groenlandë krijon nga ana tjetër një situatë surreale.

Presidenca amerikane nuk duket të ketë më ndonjë gjë racionale dhe po ecën me parimin e turbullimit të gjithçkaje duke injoruar edhe nevojën për një koherencë minimale.