Bota

Joseph Aoun, një gjeneral i ushtrisë, është betuar si presidenti i ri i Libanit. Ai ka bërë betimin para deputetëve, duke theksuar “krizën akute” përmes së cilës po kalon vendi.

Ndër të tjera, Aoun ka premtuar miratimin e ligjeve për pavarësinë e gjyqësorit dhe një doktrinë të re për mbrojtjen që sipas tij “do ta mbrojë vendin nga agresioni izraelit”.

Presidenti i ShBA, Joe Biden ka firmosur sot një urdhër ekzekutiv, përmes të cilit amendon dispozita të urdhërit ekzekutiv nr. 14033, të datës 8 qershor 2021, përmes të cilir bllokohet pasuria dhe ndalohet hyrja në ShBA e personave të caktuar që kontribuojnë në destabilizimin e situatës në Ballkanin Perëndimor.

Vendet perëndimore, anëtare të NATO-s, do të vijojnë furnizimin me armë të Ukranës deri në vitin 2027.

Agjencia ruse e lajmeve, "Tass" citon një "zyrtar të lartë të Pentagonit" që ka zbardhur agjendën e Grupit tē Kontaktit të Mbrojtjes Ukrainase - grup që koordinon shpërndarjen e armëve drejt Ukrainës. Njoftimi sugjeron se lufta presupozohet të vazhdojë edhe për të paktën 3 vjet, një perspektivë me pasoja për Europën. 

Departamenti Amerikan i Shtetit ka vënë nën sanksione shefin e Kabinetit të Kryeministrit hungarez, Antal Rogan. Në njoftimin përkatës, Zëdhënësi Mathew Miller cilësoi se Rogan ka orkestruar skema të kontrollit të ekonomisë dhe sektorëve kyç. Po kështu, Miller ka vlerësuar klimën e pandëshkueshmërisë në Hungari ku dominojnë oligarkë dhe aktorë të tjerë negativë. 

Ka ndërruar jetë në moshën 96 vjeçare, Jean Marie Le Pen, i quajtur si një ndër themeluesit e të djathtës ekstreme franceze. Ai përmbushi një karrierë të gjatë që nis si ushtar, deputet i të djathtës ekstreme, botues i librave erotikë dhe muzikës ushtarke për të mbërritur në krye partisë më të madhe europiane të së djathtës.

Vdekja e tij ka kaluar me një qëndrim kordial të politikës ndërkohë që presidenca franceze citohet të jetë shprehur ndër të tjera se:

Kryeministri i Kosovës, Albin Kurti, ka deklaruar se është kundër dhe e refuzon që në qendër të relacioneve Serbi-Kosovë të vendoset Asocacioni i Komunave me Shumicë Serbe. Duke folur në një intervistë për KosovaPress, Kurti ka deklaruar se në qendër të marrëdhënieve, edhe duke iu referuar Marrëveshjes bazike është njohja reciproke.

Draft-statuti i Asociacionit ka qenë i propozuar nga ndërmjetësit, i panënshkruar, dhe si i tillë ai dokument nuk ka mundur të dërgohet në Gjykatën Kushtetuese. Prandaj besoj që duhet të përqendrohemi te marrëveshja bazike.

Ndërhyrjet e shpeshta të Eon Musk në politikën europiane kanë sjellë një reagim edhe nga presidenti francez, Emmanuel Macron. Në fjalimin vjetor me ambasadorët e vendit mbajtur në Paris, Macron, e akuzoi miliarderin amerikan si:

mbështetës të një lëvizjeje ndërkombëtare reaksionare që ndërhyn drejtpërdrejt në zgjedhje, përfshirë ato në Gjermani

Autoritetet në Kosovë e përjashtojnë mundësinë e një procesi të vetingut në sistemin gjyqësor. Në një intervistë për “KosovaPress” kreu i Këshillit Gjyqësor të Kosovës, Albert Zogaj, ka deklaruar se procesi është i pamundshëm dhe i panevojshëm.

Administrata amerikane e Joe Biden, e cila mbyll detyrën më 20 janar të këtij viti, ka njoftuar një paketë ndihme ushtarake prej 8 miliardë dollarësh për Izraelin. Marrëveshja i është propozuar Kongresit, përkatësisht komiteteve në Dhomën e Përfaqësuesve dhe në Senat prej nga ku do të duhet edhe aprovimi.

Ajo përfshin municione për avionët lufatrakë dhe helikopterë si dhe municione artilierie. Bomba me diametër të vogël dhe mbushje raketëash.

Presidenti serb, Aleksander Vuciç, ka konfirmuar se SHBA do të vendosin sanksione ndaj industrisë serbe të naftës. Vuçic ka deklaruar gjatë një takimi të qeverisë serbe ku mori pjesë me ftesë të kryeministrit Milos Vuçeviç, se vendimi i është komunikuar nga Nënsekretari amerikan për Rritjen Ekonomike, Energjinë dhe Mjedisin, Jose Fernandez.