Arkiv-Lajme

Nuk ka asnjë lidhje me një vizitë të mëparshme kjo e kryeministrit turk Erdogan në Berlin. Tonet e ashpra dhe arrogante të së kaluarës janë zbutur, ndërsa në takim me kancelaren Merkel, Erdogan tha se Turqia ka shumë nevojë për BE-në, por edhe anasjelltas. Gjithsesi, pas një bisede në Berlin me kryeministrin turk, Merkel tha se vazhdon të jetë kundër një anëtarësimi të plotë të Turqisë në BE. Por negociatat e anëtarësimit ajo i sheh megjithatë si një proces me përfundim të hapur.

Pas një sëmundjeje të rëndë, është ndarë sot nga jeta “Artisti i Popullit”, Ibrahim Madhi, në moshën 68-vjeçare. Madhi shënon mbi 50 vjet karrierë. Ai lindi në Elbasan më 25 nëntor të vitit 1945. Pas disa viteve shkollim muzikor, më 1968-ën Ibrahim Madhi diplomohet në Konservatorin e Tiranës për violinë. Këtu nis rrugëtimi i tij artistik. Virtuoz në violinë, veprimtaria e tij artistike shënon dhjetëra koncerte të suksesshme.

Ka dalë lajmi se Fatmir Limaj do të japë një intervistë sonte në RTK, dhe janë krijuar pritmëri se këtë herë do të jetë më i qartë e më i troçtë. Është vetë mesazhi që ai ka lënë ai në profilin e tij në facebook, që e krijon këtë pritmëri: “Të nderuar miq e simpatizantë. Dua t’ju njoftoj se sot me datën 4 shkurt, në ora 8:20 do të jem mysafir në RTK për një intervistë. Ju ftoj ta ndiqni”.  

Saga “Julian Sinanaj” vazhdon me dëshminë e rradhës së killerit para prokurorëve. Në planin e tij të afërt në listën e shënjestrave ishin edhe dy ndërmjetësuesit e gjithë rasteve të tritolit, kushërinjtë Mëhillaj. Me statusin e të penduarit të drejtësisë, Sinanaj ka rrëfyer se pas vrasjes së biznesmenit Xhemal Çela në Durrës, ai ishte zhgënjyer nga Mëhillajt dhe kishte planifikuar t’i ekzekutonte. Veçse këtë radhë ekzekutimi i tyre nuk do të ishte i porositur, por një iniciativë personale e vetë Sinanajt pasi kuptoi se po përdorej prej tyre.

Rruga “Dëshmorët e 4 shkurtit”, e ndërruar nga bashkia e Tiranës në “Ibrahim Rugova”, dhe rikthimi i monumentit të Pesë Heronjve të Vigut në qendër të Shkodrës, janë bërë “kuaj beteje” të LSI-së me rastin e 70-vjetorit të masakrës së 4 shkurtit, që të pozicionohen “majtas të majtës” lidhur me qëndrimet ndaj Luftës Antifashiste. Kryetari i Kuvendit Ilir Meta deklaroi sot se martirët e 4 shkurtit duhet të kenë sërish një rrugë me emrin e tyre dhe një memorial ku të jenë shënuar emrat e atyre që dhanë jetën në luftën kundër fashizmit.

Bridhnin me makinë nëpër Shqipëri dhe grabisnin pikat e karburantit orët e vona të natës (foto ilustrative). Sot janë publikuar nëpër sajte online pamjet e kamerës së sigurisë së një prej karburanteve të grabitura, nga grupi i arrestuar më 3 shkurt prej shërbimeve të Komisariatit numër 1 të Policisë së Tiranës. Operacioni policor është quajtur me emrin kuptiplotë “Gjahtarët e natës”.

Historia e sms-së që deputeti Mark Frroku I dërgoi ish kryetares demokrate të Kuvendit Jozefina Topalli, dhe reagimi i PD-së më pas, tërhoqi edhe vëmendjen e kryeministrit Edi Rama. Ky i fundit i sugjeroi dje kristiandemokratit Frrokut, që në seancën parlamentare të së enjtes t’i kërkojë falje Topallit për mesazhin, ku ai i thoshte “Nuk merrem me gra të përdorura”.

“Isha në shtëpinë e Pacollit përr një intervistë në momentin që Gjykata Kushtetuese po bëhej gati t’i hiqte mandatin presidencial”, kujton në një shkrim të vetin të publikuar në gazetën Express Leonard Kerquki (shkrimin e plotë e gjeni në linkun http://www.gazetaexpress.com/?cid=1,880,133546). Dhe vijon: “Pashë [dikë] teksa iu afrua Pacollit me kujdesin e një servili, diç i pëshpëriste tek veshi.

Pasi punoi për disa vite në institucionet më të larta të Republikës (në ministrinë e Jashtme, pastaj në Presidencë), nipi i ish mbretit Ahmet Zogu, Leka, deklaroi përmes një njoftimi në facebook se do të largohet nga detyra e këshilltarit politik të Presidentit Nishani, sepse do t’i kushtohet tërësisht rolit të tij si kreu i familjes mbretërore. Në këtë “simbiozë” të çuditshme ku Leka, punonjës i shtetit republikan, vijon të thërritet Princ nga ministra, kryeministra e presidentë, Leka gjithsesi nuk harron të vlerësojë lart Nishanin.

Presidenti Barack Obama, në ditën e ndeshjes së superbowl-it (të dielën), ka shkuar në një program të televizionit Fox News, që drejtohet prej Bill O’Reilly-t (është hera e tretë që Obama i shkon në program këtij gazetari që nuk ka reshtur me kritikat ndaj tij). Mirëpo është raportuar në gazeta një qëndrim agresiv i gazetarit. Ky i fundit e ka ndërprerë në vijimësi. E ka ndërprerë mbi 40 herë në dhjetë minuta, aq sa për gazetën Washington Post (gazetë konservatore, ashtu si dhe Fox News dhe vetë O’Reilly)) dukej sikur ishte Obama që ndërpriste O’Reilly-n.