Arkiv-Lajme

Emrin e saj shqiptarët e kanë dëgjuar dikur, kur diktatori Hoxha akuzonte kryeministrin Shehu tek “Titistët” se në vitet ’60 në këtë anije ai qenkësh takuar fshehtaz me të birin e Çurçillit.

Ndërsa deputetët e mazhorancës kanë vendosur që shkarkimin e tyre ta votojnë në seancën parlamentare të së enjtes, promovimi që Këshilli i Lartë i Drejtësisë që i ka bërë gjyqtarit Gjin Gjoni duket se ka qenë edhe shkaku kryesor i shkarkimit të Elvis Çefës dhe Lulzim Lelçajt. Në raportin e publikuar nga komisioni hetimor, listohen disa shkelje që i janë konstatuar nga deputetët ku strumbullari i tyre ka qenë promovimi i anëtarit Gjin Gjoni.

Sadiq J. Al-Azm, një akademik dhe aktivist i të drejtave të njeriut në Siri, i ka dhënë një intervistë gazetës turke “Zaman”. Al-Azm flet për situatën në Siri, për atë akumulim dhune i cili po përmbledh në vetvete një ngarkesë edhe më shpërthyese, çka e bën atë shumë pesimist. Shpjegimi i tij, për aq sa lejon një intervistë, hedh dritë për arsyet e kësaj dhune absurde që mbërtheu fillimisht atë që u quajt revolucioni sirian, e që mandej u zgjerua për t’u bërë pika më kritike e sistemit ndërkombëtar sot.

Në konferencën “Itali-Shqipëri, një partneritet evropian”, merrte pjesë kryeministri shqiptar Edi Rama por edhe ish-kryeministri italian Romano Prodi. Gjatë fjalës së tij në partnershipin Shqipëri-Itali, kryeministri Rama vlerësoi lart marrëdhëniet mes dy vendeve, ndërsa shtoi se Shqipëria është e sigurt drejt rrugës së saj Evropiane, edhe pse siç nënvizoi ai, shqiptarëve iu është mbyllur dera e Evropës më shumë se kujtdo populli tjetër.

nga Leonard Veizi

Idro Seferi, korrespondenti i “Top-Channel” në Boegrad, ka hyrë në rrjedhën e diskutimit të gjerë publik në Serbi, pas pjesëmarrjes së tij në një emision satirik në Serbi. Të paktën këtë raporton “presheva.com”, sipas të cilës, Seferi ka qenë i ftuar në emsionin “24 minuta” në “B92”, që është edhe më i ndjekuri në Serbi. Gjatë diskutimit në studio, Seferi ia kdhuruar moderatorit një bukë, në shenjë solidariteti me shqiptarët, të cilëve së fundmi u janë djegur furrat e bukës që zotërojnë në Serbi.  “Kam një dhuratë për ty.

Në një rol të pazakontë, si të ishte negociator i OKB-së për paqen kreu i FSHF-së Armando Duka thotë se Shqipërisë nuk i interesojnë tre pikët në tavolinë, pas ndërprerjes së ndeshjes Serbi-Shqipëri. Ai thotë se i intereson më shumë paqja me Serbinë, se sa marrja e tre pikëve nga Shqipëria. “Do të respektojmë çdo vendim që merr UEFA. Mua nuk më intereson marrja e pikëve në tavolinë. Ajo që kemi më shumë nevojë tani është që të shohim përpara për të përmirësuar situatën dhe kushtet për të zhvilluar një futboll normal.

“Ma kish lënë baba porosi të sillesha mirë me serbët”, thotë ish ushtaraku francez Zhak Hogar, njeriu që, sipas dëshmisë personale, ka ndarë Kosovën kur vendosi personalisht kufirin e Mitrovicës tek ura e Ibrit. Hogar ka publikuar një libër në Beograd me titull “Europa vdiq në Prishtinë”. Në një intervistë për gazetën serbe Novosti ai ka evokuar kujtimet nga angazhimi i tij ushtarak në Kosovë, kur shërbente si komandant i forcave speciale franceze.

Ka reaguar e bija e Fahri Musliut, gazetarit kosovar që ka punuar në mediat jugosllave të kohës dhe që është përmendur si babai i mundshëm biologjik i kryeministrit Aleksandar Vuçiç. Valbona Musliu, edhe ajo gazetare, përmes një shkrim ka kritikuar mediat online dhe gazetarët e Kosovës që merren me përkthime tekstesh apo me copy-paste, dhe nuk vërejnë hallet e vërteta të Kosovës, varfërinë dhe korrupsionin e politikanëve. Të atin ajo e përmend si shembull gazetarie që duhet ta ndjekin edhe brezat e sotëm.

Kanabis, cigare, seks të pambrojtur, alkool. Studimi i Institutit të Shëndetit Publik për sjelljet e të miturve, me përfshirjen e rreth 5 mijë nxënësve në shkollat e gjithë vendit, zbulon se 19.5% e adoleshentëve kanë kryer marrëdhënie seksuale kur janë 14-15 vjeç. Shqetësimet shifrat e studimit janë dy, i pari lidhet me ulje të moshës me të paktën 1 vit, kur nxënësit kanë kontaktin e parë dhe tjetri me faktin që ka rritje të ndjeshme të numrit të tyre krahasuar me vitin 2013.