Arkiv-Lajme

Revista “Time” e ka cilësuar si ulje në detyrë emërimin e kardinalit Raymond Burke, i cili nga drejtues i gjykatës më të lartë të Vatikanit, Segnatura  Apostolica, është caktuar në detyrën e drejtuesit të Urdhrit të Maltës. “Time” citon “National Catholic Reporter”, që shkruan se “ky pozicion zakonisht u jepet  kardinalëve që lënë detyrën, ose si detyrë e nivelit të dytë për njnë kardinal aktiv”. Burke erdhi në vëmendje të mediave, për një deklaratë që bëri para disa ditësh, përmes të cilën u shpreh kritik për drejtimin e Kishës nga Papa Françesku.

Autoriteti i Konkurencës ka marrë dje, ma datë 7 nëntopr, një vendim, përmes të cilit rekomandon sesi duhet të procedohet në tregun e prokurimit të energjisë elektrike, me synim rritjen e konkurencës.

Ministri i Jashtëm, Ditmir Bushati në një intervistë për “Research on South East Europe” (LSEE) thotë se "ata që ende mendojnë për Shqipërinë e madhe jetojnë në një tjetër botë". Ai dha gjykimin e tij mbi një numër çështjesh me të cilat vendi aspirant për në BE duhet të përballet. Duke u ndalur tek lufta kundër korrupsionit në Shqipëri, ai gjykon se ky problem është ende i pranishëm, por është gjithashtu e vërtetë se progres raporti i KE-së e njeh vendosmërinë politike të qeverisë shqiptare për të luftuar krimin e organizuar dhe korrupsionin.

Debati i ashpër dhe i personalizuar mes Andi Bushatit dhe Andrea Stefanit në emisionin e fundit “Opinion”, ku ishte i ftuar ministri i Bfrendshëm, Sajmir Tahiri, nxori në skenë edhe emrin e biznesmentit Rezart Taçi. Bushati akuzoi Stefanin se është paguar nga Taçi në kohën kur ky rrihte gazetarë, pra kolegë të tij. Akuza mbeti e pasqruar se për çfarë kishte të bënte konkretisht dhe për këtë arsye sot, binzemeni Rezart Taçi, ka vënë një njoftim në faqen e televizionit “Albanian Screen”, ku hedh poshtë akuzat e Bushatit, e quan këtë madje, fondamentalist dhe mnë fund e fton në debat.

Barack Obama ka kërkuar ndihmën e Iranit në kuftën kundër Shtetit Islamik. Mediat perëndimore kanë publikuar lajmin se në mesin e muajit tetor, presidenti amerikan i ka shkruar një letër sekrete Liderit Suprem të Iranit, Ayatollah Ali Khamenei. Sipas këtyre të dhënave, Obama ka nënvizuar se kontributi i Iranit në luftën kundër ISIS, ndihmon pozicionin e Teheranit zyrtar në kudër të diskutimeve për programin bërthamor, për të cilin është vënë edhe një datë finish në 24 dhjetor.

Agjencia e lajmeve Reuters citon kryeministrin spanjoll, kreun e qeverisë konservatore Mariano Rajoy, një ditë para një vote simbolike siç është ajo për pavarësinë e Katalonjës. Rajoy deklaroi se: “Askush nuk do të thyejë unitetin e Spanjës për sa kohë do të jem në pushtet! Atë që do të ndodhë nesër, mund ta quajmë si të duam, por ky nuk është as një referendum, as një konsultim, as nuk ngjan me asgjë, dhe as nuk do t’i japë ndonjë cilësim. Ajo që është e sigurt është se kjo nuk do të ketë asnjë efekt”, deklaroi Rajoy para përkrahësve të partisë së tij të mbledhur në Kakeres.

Partia Demokratike ka reaguar sot përmes deputetit Genc Pollo, për zgjedhjen e kreut të ri të Autoritetit Mediatik Audioviziv. Në këtë zgjedhje verifikohet një shkelje që kompromenton edhe vetë procesin e nisur nga mazhoranca, e cila në krye të AMA-s ka vendosur një drejtues të kompanisë “Digitalb”. Kështu, sipas Pollos, por edhe nga krahasimi mes CV-së së dorëzuar nga Gentian Sala dhe një materiali ku del emri i tij në cilësinë e drejtorit të “Digitalb”, rezulton se Sala në procesin e “konkurimit” ka fshehur punësimin e tij në këtë kompani.

Një ditë pasi Federata Shqiptare e Futbollit mori vendimin e plotë të zbardhur nga UEFA, trajneri i Kombëtares shqiptare Gianni De Biasi mbajti një konferencë për shtyp ku deklaroi se ky vendim do të apelohet. Sipas Gianni De Biasit, lojtarët e Kombëtares nuk mund të luanin në atë situatë të krijuar, ku lojtarët u dhunuan me sende të forta në fushë nga tifozët serbë. Sipas tij, ekipi ka besimin se në fund do të dalë i fituar.

Tre persona janë arrestuar nga policia serbe, pasi dyshohet se kishin planifikuar ti bënin atentat kryeministrit shqiptar Edi Rama gjatë vizitës në Beograd më 10 nëntor. Lajmi është transmetuar nga agjencia e lajmeve nga “Presheva Jonë”, e cila raporton se policia serbe ka arrestuar tre persona, anëtarë të një bande, që kishin planifikuar një atentat ndaj kryeministrit Rama.

“Sot është e rëndësishme të reagojmë ndaj përfaqësimeve shumë të vogla, me qëllim dashakeq dhe zvogëlues ndaj integrimit evropian”. Ky ka qenë reagimi i Presidentit të Republikës Italiane, Giorgio Napolitano. Në këtë moment historik thelbësore është “të përshpejtohen përpjekjet e nevojshme për të treguar te italianët ndjenjën dhe ndjeshmërinë e Europës së Bashkuar e cila ka përjetuar kriza dhe vështirësi, hapa para dhe mbrapa, por që ka bërë edhe shumë arritje”, ka vazhduar Napolitano në fjalën e tij mbajtur në ciklin e dytë të konferencave ‘Europa jemi ne’.