Arkiv-Lajme

100 dollarë në ditë për të luftuar të paktën 16 orë. Sa më shumë të “mbjellin” terror, aq më shumë i paguan organizata. “Tgcom.it” publikon sot një raport lidhur me joshjen që organizata islamike operon me rekrutimin e ushtarëve të rinj. Përtej ekzekutimeve publike, videove horror dhe kërcënimeve ndaj Perëndimit, struktura e brendshme e Shtetit Islamik ka dhe një anë tjetër të medaljes. Hierarkitë dhe rregullat që po dalin në pah rreth burimeve të antiterrorizmit mes Sirisë dhe Irakut paraqesin fakte tronditëse.

“Jemi të vendosur! Do të ndjekim çdo hallkë ligjore për të ndaluar testimin ndaj mjekëve”. Kjo është deklarata që presidenti i Urdhrit të Mjekut, Dine Abazaj, bën pas afrimit të nismës që do të ndërmarrë  Ministria e Shëndetësisë ndaj bluzave të bardha. “Balkanweb” boton mesazhin e tij, ku Abazaj thekson se çështja do të çohet në gjykatë, pasi procesi i vlerësimit të aftësive të mjekëve sipas tyre është antiligjor. “Aktualisht po presim që Ministria e Shëndetësisë të reflektojë dhe të tërhiqet nga nisma antiligjore e testimit të mjekëve.

Gazeta “Panorama” në shtypin e sotëm boton kujtimet e publicistit dhe shkrimtarit të njohur Fatos Lubonja, pjesë të librin të tij “Nëntëdhjeteshtata apokalipsi i rremë”. Në këtë botim Lubonja risjell në vëmendje ngjarjen e vitit ’97 kur Edi Rama dhe miku i tij Vladimir Myrtezai u goditën nga dy persona të maskuar me doreza hekuri.

Emisioni “Të Paekspozuarit” në “OraNews” ka trajtuar mbrëmjen e së enjtes, temën e parkimeve publike në Tiranë, për të cilat Bashkia propozoi të jepeshin me koncesion te kompani private, por që më pas u tërhoq nga ky propozim. Në materialin filmik të emisionit, eksperti Sadedin Çeliku vuri në dyshim procedurën e koncesionit. Sipas tij nuk duhet përdorur kjo procedurë për një aktivitet që nuk është prodhim, por shërbim. Pse Bashkia nuk menaxhon parkingjet publike, ishte pyetja e tij.

Në Bruksel takimi i Eurogrupit, do të diskutohet kërkesa e Greqisë për zgjatjen e marrëveshjes së huasë. Agjensia “ANA-MPA” shkruan se siç bëhet e ditur nga Uashingtoni, në takimin e ministrave të Financave të eurozonës do të marrë pjesë edhe drejtoresha e përgjithshme e FMN-së, Christine Lagarde. “Gjithësesi, me shenja pozitive kanë përfunduar dje në mbrëmje vonë punimet e Euro Working Group, ku u shqyrtua kërkesa e qeverisë greke”, thanë burime diplomatike që kërkuan të mos identifikoheshin.

“Gazeta Shqiptare” sot ka botuar një intervistë me Astrit Hatellarin njeriun që sipas “GSH” në një momenti kyç në historinë e Shqipërisë, ka qenë aktor kryesor, pasi ka vendosur të ndërmarrë një veprim kurajoz. Është njeriu që 24 vite më parë, në 20 shkurt 1991, i vuri lakun te dora e pasme monumentit të Enver Hoxhës. Gazetarja Rezarta Delisula që ka realizuar dhe intervistën shkruan se 56­ vjeçari është një burrë energjik, që flet qetë e nuk shan, edhe pse jeta e ka përballur me lloj­lloj sfidash.

“Koha Ditore” shkruan sot se Gjykata Speciale vetëm formalisht do të jetë e Kosovës, por ajo do të funksionojë paralelisht sistemit vendës të drejtësisë dhe e gjitha do të jetë e karakterit ndërkombëtar. “Koha Ditore” shkruan gjithashtu se ajo nuk do të punojë në bazë të Ligjit për Gjykata, por do të mbështetet në një ligj të veçantë – atë për dhomat e specializuara dhe prokurorinë e specializuar. Pikërisht ky ligj dhe amendamentet kushtetuese që është paraparë të miratohen para tij, e strukturojnë Specialen si mekanizëm më vete.

Presidenti amerikan Barack Obama deklaroi se çdo pretendim nga grupet terroriste se vendet perëndimore janë duke zhvilluar luftë kundër Islamit, është një “gënjeshtër e shëmtuar”. Në fjalimin që mbajti në Uashington në takimin e organizuar nga Shtëpia e Bardhë mbi përpjekjen ndërkombëtare kundër terrorizmit, zoti Obama u zotua për një luftë të papajtueshme kundër Shtetit Islamik dhe grupeve të tjera terroriste. Ai e hodhi poshtë idenë se vendet perëndimore të krishtera dhe shteti hebraik janë duke zhvilluar luftë kundër myslimanëve.

Presidenti i Republikës, Bujar Nishani ka bërë publike një detaj nga negociatat që ka zhvilluar me kryeministrin Rama për çështjen e emërimit të  ambasadorëve. Gjatë një intervistë në emisionin "Top Story", kreu i shtetit zbuloi se kishte marrë një telefonatë tejet nervoze nga kryeministri Rama për mosdekretimin e Visar Zhitit si ambasador në Vatikan.

Leonard Veizi