Arkiv-Lajme

Ish-deputeti socialist Asllan Dogjani, kërkon që të përzgjidhet nga Partia Demokratike, si kandidat për Bashkinë e Kamzës. Dogjani u largua nga PS dhe ishte kandidat për deputet në listën e PD për Tiranën zgjedhjet e fundit parlamentare, por pa mundur të fitojë. Tashmë ai kërkon që të zërë vendin e Xhelal Mziut, që ka përpara një çështje gjyqësore por besohet se do kandidohet është një herë nga PD për këtë bashki. Me një shënim në fb, Dogjani shkruan:

Ish kandidati për deputet i PS-së në Lezhë, Eduart Ndocaj, ka hedhur në internet disa foto që ilustrojnë  sipas tij, një drekë me Edi Ramën dhe eksponentë të tjerë të PS në Milano, e cila ka kushtuar 8 mijë euro dhe është paguar prej tij. Ndocaj, që akuzon selinë rozë dhe Ramën se janë treguar të “pabesë”, është i gjashti në listën e kandidatëve të PS në Lezhë dhe nëse arrestohet Arben Ndoka, pas ngjarjes me deputetin e PD-së Strazimiri, ai është deputeti socialist i rradhës. Kjo është arsyeja sipas tij, që Edi Rama “nuk arreston kriminelin Ndoka”.

Me një deklaratë për shtyp nga sekretari i përgjithshëm Arben Ristani, PD ka reguar pas raportimeve se Mark Frroku ka fshehur një trafikant droge në makinën e tij.

“Fushatat propagandistike për të diskredituar e banalizuar kundërshtarin njihen vetëm në regjimet autoritariste. ‘Gjini’ e ka pranuar me mendjelehtësinë e moshës që të xhirojë një skeç me tekst të ardhur nga lart”. Kështu shkruan Besnik Mustafaj në një shkrim në Panorama-n e sotme, ku shpreh dyshime mbi përdorimin e humoristit Besart Kallaku, në debatin për çështjen “Doshi”.

Nga pesë veta në makinë, dy të rinj humbasin jetën ndërsa tre pasagjerët e tjerë plagosen. Një aksident rrugor me pasoja të rënda ka ndodhur mëngjesin e sotëm në Shkodër, rreth orës 06:30 në zonën e quajtur Ura e Bardhajve. Mjeti fuoristradë tip “Nissan” me targa AX 188 NW nën drejtimin e 33 vjeçarit Vat Fusha, humbi kontrollin duke dalë nga rruga. Për pasojë kanë gjetur vdekjen pasagjerët N. K. 18 vjeç dhe A. S. 20 vjeç. Ndërkohë mbetën të plagosur drejtuesi i automjetit si dhe pasagjerët T. K. 34 vjeç, dhe  A. S.

Ndërkohë që e ardhmja e konfliktit në Ukrainë nuk dihet se çfarë do të sjellë për Europën, shenjat në rajone të tjera flasin se të paktën Rusia po e përpunon si variant eventual edhe një luftë ku do të jetë vetë pjesëmarrëse. Kështu dje, presidenti rus, Vladimir Putin, i saposhfaqur pas një mungese disaditore, ka urdhëruar Flotën e Veriut të kalojë në gatishmëri të plotë me synim zhvillimin e stërvitjeve luftarake masive. Janë 41 anije luftimi, 15 nëndetëse, 110 aeroplanë dhe helikopterë me pjesëmarrje të një personeli prej 38 000 vetësh.

Deputeti demokristian, Mark Frroku ka reaguar me një mesazh në emisionin “Opinion” ku po debatohej lidhur me një shkresë sekrete të policisë sipas së cilës ai ka penguar arrestimin e Bardhok Planajt, gjatë ndalimit nga forcat e rendit të automjetit të tij tetorin e kaluar në Laprakë. Në raportin sekret të policisë të publikuar nga "Abc News" thuhet se Planaj i shpallur në kërkim kërkuar për trafik droge gjatë operacionit “Vilun” në veri të vendit, ndodhej në makinën e deputetit në momentin e ndalimit.

Rrjedha që po merr hetimi për dhunën e ushtruar në korridoret e parlamentit  nga deputetët Arben Ndoka e Pjerin Ndreu ndaj Gent Strazimit, çështja “Doshi” si dhe faktet e publikuara së fundmi mbi implikimin e deputetit kristiandemokrat Mark Frroku në mbrojtjen e një të kërkuari për trafik droge vënë në pikëpyetje qëndrimin në parlament të dy deputetëve të mazhorancës dhe largimin nga grupi parlamentar të njërit prej ligjvënësve.

Drejtori i Radio Televizionit Publik Shqiptar, Martin Leka, ka qenë sot në një seancë dëgjimore në Komisionin për Edukimin dhe Mjetet e Informimit Publik. Leka ka raportuar për punën e vitit 2014, viti të cilin ai e ka vlerësuar si vit rekord sa i përket të ardhurave. “Viti 2014 është viti i rekordit të të ardhurave në buxhetin e RTSH-së, që janë realizuar në masën 111 % me planifikimin, pra me një rritje prej 11%, ose në vlerë absolute me një tejkalim prej 231,473 mijë lekësh.

Kryeministri izraelit Benjamin Netanyhau, ka bërë një apel të fortë për votuesit e vendit të tij në kontekstin e zgjedhjeve të përgjithshme që po afrojnë. Ai ka deklaruar se nëse ai fiton, nuk do të ketë shtet palestinez. “Unë mëndoj që kushdo që vepron për krijimin e një shteti palestinez she për evakuimin e territoreve i jep territore radikalëve islamikë që të sulmojnë Izraelin”, citohet ai nga e përditshmja “Haaretz”. Sipas tij, nëse kundërshtarët do të fitojnë, atëherë do të kemi në Jeruzalemin Lindor një shtet që ai e quan “Hamastan”.