Arkiv-Lajme

Një nga drejtuesit e Lëvizjes Socialiste për Integrim, Luan Rama, ka hedhur sot në emisionin “Opinion” një tezë politike që mëton të shpjegojë arsye që mund të qëndrojnë pas inicimit të çështjes “Doshi”. Rama ka apeluar që situata në Shqipëri të vihet në kontekstin rajonal duke parë se kush po protteston sot edhe në rajonin ballkanik. “Kush proteston sot kundër reformëve europianizuese? Sheshli në Serbi që proteston kundër reformave të kryeministrit Vuçiç, Agimi i Artë në Greqi dhe Partia Demokratike në Tiranë.

Lulzim Basha dhe Partia Demokratike kanë nisur fushatën elektorale me teza politike. Basha ishte sot në Kavajë, për të folur edhe njëherë për lëvizjen antikomuniste të ’90-ës. “Kryengritja antikomuniste njëzet e pesë vjet më parë e Kavajës solidare dhe të bashkuar nuk është thjesht një rrëfim i bukur për bijtë, për bijat, për brezat e ardhshëm. Është një histori e gjallë që udhëton në kohë me mesazhet e saj aktuale.

Kryeredaktori i gazetës “Informer”, versionit malazes të saj, Novak Uskokoviç, është dënuar me gjobë 3000 euro nga një gjykatë në Mal të Zi. Uskokovic u dënua pasi lejoi publikimin e artikujve ofendues për shqiptarët, që edhe sipas gjykatëses Jelena Peroviç, “synim nuk kishin raportimin objektiv të ngjarjeve, por fyerjen e shqiptarëve etnikë të Malit të Zi”, raporton “BIRN”. “Zyra e prokurorit e akuzoi Uskokoviçin për veprën penale të dhunimit të reputacionit të pakicave në dhjetorin e shkuar”, vijon raportimi.

“Monitor” raporton një dukuri të re që ka të bëjë me çmimet e larta të karburanteve në Shqipëri. Mjete të ndryshme që lëvizin nga vendi jonë për në vëndet fqinj, preferojnë të furnizohen në vendet fqinj, duke kontribuuar sadopak si konsumator të tyre. “Sapo kalon doganën e Hanit të Hotit për në Mal të Zi, shumë afër saj në anë të rrugës, pika e tregtimit me pakicë të karburanteve Lukoil po sheh ditët më të ndritshme të biznesit që nga koha e embargos.

Vetëm një orë nga votimi, Kuvendi i Shqipërisë i ka përcjellë prokurorisë vendimin për heqjen e mandatit të dy deputetëve, Tom Doshi e Mark Frroku. Dhe vetëm një orë pas marrjes në dorëzim të këtij vendimi, organi i akuzës ka arrestuar dy deputetët. Doshin në banesën e vet dhe Frrokun në një lokal në pronësi të tij në Tiranë. Policia po ushtron kontroll në banesat e tyre konform kërkesës që prokuroria kishte bërë ndaj Kuvendit.

Ministria e Arsimit ka kallëzuar sot penalisht ish-ministrin, Myqerem Tafaj. Kallëzimi është depozituar nga sekretari i Përgjithshëm i Ministrisë, Plarent Ndreca dhe sipas tij, Tafaj akuzohet për shpërdorim detyre, mes të cilave edhe "akreditimi jashtë ligjit i një universiteti privat apo edhe dhënia me vendim një subjekti privat".

Lituania po përgatitet seriozisht për një pushtim rus, që sipas informacioneve që qarkullojnë në media, do të nisë me disa kërkesa territoriale. Konkretisht thuhet se Kremlini do të kërkojë territore me synim vendosjen e një korridori që do të lidhë Rusinë me Kaliningradin. Këto të dhëna përcillen nga gazeta austriake “Kurier” dhe citohen nga agjencia ruse e lajmeve “Sputnik”, e cila citon edhe presidentn lituaneze, Dalia Grybauskaite, të ketë kërkuar sanksione më të ashpra për Rusinë.

Askush nuk mendonte se shkak për rrëzimin e avionit të German Wings është vetë një nga pilotët e tij. Ekzaminimi i njërës nga kutive të zeza zbuloi se në momentin e rrëzimit në kabinën e pilotimit ndodhej vetëm njëri nga pilotët, 28 vjeçari Andreas Lubitz. Prokurori i Marsejës në raportin paraprak thotë se 28-vjeçari gjerman që ishte bashkëpilot në avionin e Air Bus mbylli derën e kabinës pasi piloti tjetër shkoi në tualëtë. Më pasi ai aktivizoi uljen automatike të avionit që vazhdoi rënien për 8 minuta. Në këtë kohë ai dëgjohet të marrë frymë normalisht dhe të mos thotë asgjë.

Çështja “Doshi” duket se ka sjellë çarjen përfundimtare mes deputetes Mesila Doda dhe grupit parlamentar të Partisë Demokratike. Ndryshe nga grupi demokrat që e bojkotoi votimin për heqjen e imunitetit të dy deputetëve, Doda qëndroi në sallë dhe votoi pro kërkesës së Prokurorisë së Përgjithshme. Pas përfundimit të votimit ajo shpjegoi edhe arsyet e qëndrimit të saj në sallë dhe  votës pro heqjes së imunitetit për dy deputetët. Doda tha se qëndrimi i grupit nuk ishte ne përputhje me ndërgjegjien e saj për një parlament më të mirë.

Parlamenti ka hequr me votim të fshehtë imunitetin e dy deputetëve Tom Doshi e Mark Frroku duke I hapur kështu rrugë Prokurorisë për arrestimin e tyre. Në votimin e fshehtë në parlament për heqjen e imunitetit të deputetit të Shkodrës, Tom Doshi votuan 80 deputetët e pranishëm në sallë, ndërsa për Mark Vrrokun pati 70 vota pro dhe 1 abstenim. Votimi tregoi se socialistët respektuan unanimisht vendimin e grupit duke “ndëshkuar” dy deputetë nga gjiri i saj. Ky vendim i liron duart Prokurorisë  për arrestimin e dy deputetëve.

l.m