Arkiv-Lajme

Deputeti socialist Taulant Balla ka dalë me dokumente të reja për abuzime nga Ministria e Mbrojtjes. Plot 32,216 metra katrorë terrene të Ushtrisë jane vetëm në Karaburun, të cilat synohet te shiten pa marrë parasysh asnjë parim dobie, që këto mund të sjellin për zonën dhe qytetarët shqiptarë, që janë edhe pronarët e vërtetë, tha deputeti Balla, i cili kerkoi ndërprerjen e menjehershme te procesit të shitjes.

Ekipi islandez ndenji 5 ditë në Tiranë për tu ambientuar me kushtet. Ndaj duket normale, që ndryshe nga ata që vijnë e ikin për 1 ditë dhe marrin vetëm mbresa sipërfaqësore, islandezët ta kenë njohur ca më shumë Tiranën.

Një nga portierët e kombëtares së Islandës, Gunnleifur Gunnleifsson, sipas Balkanweb, ka shkruar në në faqen e tij në FB që në ditët e para të mbërritjes “Mbërrita në qytetin e modës :) Tirana Albania”. Një vërejtje që duket se mban nënshtresa ironie nën vete.

Me shumë vonesë, më së fundi, INSTAT-i publikoi vlerësimin zyrtar të rritjes së Produktit të Brendshëm Bruto (PBB) për tremujorin e dytë të këtij viti – 2.04% krahasuar me të njëjtin tremujor të vitit të kaluar. Duke patur parasysh se INSTAT-i raportoi një rënie të PBB-së prej 0.2% në tremujorin e parë të këtij viti, krahasuar me të njëjtin tremujor të vitit të kaluar, i bie që rritja mesatare e PBB-së në 6 muajt e parë të 2012-ës të ketë qenë rreth 0.9%.

Lodhja nervore si dhe presioni me tezat “greva është politike” duket kanë bërë punën e vet. Televizioni Ora News raporton se një nga kordinatorët e grevës (janë dy të tillë, të cilët nuk janë pjesëmarrës direkt, por koordinojnë takimet dhe deklaratat) - ka patur disa debate me ish-të përndjekurit brenda grevës dhe ka njoftuar mediat se heq dorë nga roli i tij: “Dorëheqja ime vjen pasi më thanë se kam bërë deklarata politike. Unë kam mbajtur peshën e kësaj greve dhe akuzat ndaj meje janë të padrejta” tha Asllan Patrioti, sipas Ora News.

Euroskeptiku holandez Geert Wilders citohet nga The Guardian të ketë thënë: "Çmimi Nobel për BE-në, në një kohë kur Brukseli dhe gjithë Evropa po bien në një kolaps të mjerueshëm? Mos do i japin tani një Oskar Van Rompuy-t? (Presidenti i Këshillit Evropian, i cili kryeson samitet e BE)"

Në një intervistë për Lorenc Vangjelin botuar te Java, Skënder Gjinushi analizon politikën shqiptare dhe heq paralele të habitshme për Shqipërinë në dy dekada pluralizëm. Nga studentët e dhjetorit '90 që garantoheshin se nuk do të prekeshin me shkopinj gome, tek demonstruesit që ekzekutohen në 2011-n me plumb në Bulevard, nga Minatorët e Valiasit që përmbysën një qeveri në 91-shin, tek të përndjekurit politikë që po vetëdigjen me benzinë nga një qeveri që i akuzon si të përdorur politikisht.

Një grup reporterësh dhe gazetarësh shqiptarë, që mbulojnë grevën e urisë të të përndjekurëve politik, u kanë bërë thirrje qyetarëve shqiptarë të mbështesin protestën e grevistëve të urisë, dhe i kanë kërkuar kryeministrit Berisha të tërheqë fyerjet ndaj tyre dhe t’u kërkojë ndjesë për qëndrimin e mbajtur. Gazetarët kanë kërkuar që ditën e diel, në orën 12: 00, të protestojnë para qeverisë, në shenjë proteste për qëndrimin e mbajtur ndaj grevës. Në deklaratën e tyre thuhet:

Në një intervistë për MAPO-n, Ministri i Inovacionit , Genc Pollo thotë për të përndjekurit se “Ka patur gjithnjë një segment të vogël, por shumë zanor, që ka qenë antagonist me PD-në, ndoshta 1%. Me variacione të ndryshme e kemi deri në ditët tona.”

Bie në sy që ministri shumë gjëra i ka 'me të dëgjuar'. Ai thotë:

“Kam dëgjuar se ka ankesa për dokumentacionin...”

“Dëgjova që grevistët e kishin marrë transhin e parë...”

“...shoferi im, që e kishte ndjekur videon në TV më tha se dukej qartë që dikush tjetër i kishte vënë flakën Gjergj Ndrecës...”

Në shkrimin e tij:Krisja e një paradigme” botuar te Panorama e sotme, Blendi Kajsiu analizon situatën politike pas progres-raportit. “Raporti bën thirrje për konsensus", shkruan Kajsiu, "ndërkohë që problemi i demokracisë shqiptare është që palët po bëhen gjithnjë e më të padallueshme, jo vetëm në ide por dhe në interesa. E vetmja pikë ku ndahen është se kush do qeverisë. Madje, edhe këtu ka shumë konsensus, pasi të dyja palët PD dhe PS, jnaë gati të qeverisin me LSI-në.

Revista 'Java' sot sjell një artikull të Stavros Tzimas në Kathimerini, gazeta më e madhe greke, ku flitet për blerjen copë-copë të Greqisë nga zengjinët e rinj rusë e ballkanas.

Sipas Tzimas, “duke përfituar nga kriza dhe privatizimet, kapitalistët rusë dhe jo vetëm, i kanë zgjatur kthetrat drejt sektorit turistik grek”. Ai përmend vilën përrallore të njeriut të dytë të rëndësishëm pas Putinit, kryeprokurorit të Rusisë, Juri Çajka.