Arkiv-Lajme

Dr Flori është anëtari i grupit “West Side Family”, i cili 10 vite më parë këndoi me Edi Ramën këngën “Tirona”. Edhe gjatë fushatës së vitit 2009 ai bëri një tjetër clip me liderin e opozitës, e cila ishte dhe kolona e fushatës elektorale. Për në këto zgjedhje nuk është si më parë. Dr. Flori ka vendosur që publikojë një këngë e cila është nga fillimi në fund kundër Edi Ramës.

Anketimin e zgjedhësve shqiptarë në këtë proces elektoral “e kanë marrë në dorë” italianët. Janë dy kompani të fqinjit tonë të përtejdetit, që po e bëjnë këtë punë. Janë kompani prestigjioze, që po financohen nga televizionet Oranews dhe nga Vizion Plus. Është fjala respskektivisht për kompanitë IPR Markekting dhe për Institutin Piepoli.

Ky i fundit ka dhënë sot rezultatet e sondazhit të vet të dytë. Dhe ky sondazh flet për një avantazh që është thelluar në favor të opozitës. Ja disa të dhëna mbi partitë:

“Çmendet PD në Prrenjas. Gënjen popullin se deputeti Taulant Balla ka bërë aksident të rëndë automobilistik dhe është dërguar në spital. Për këtë shkak anulohen takimet e tij!” Këtë ka shkruar deputeti Balla në “Facebook”, ku edhe sqaron se FRESSH Prrenjas kishte lajmëruar për sot në orën 15:00 një takim me votuesit e Përrenjasit, por Partia Demokratike, në fund të një takimi që ka organizuar në orën 10:00 të paradites, ka thënë se takimi është anuluar për shkak se Ballës i ka ndodhur një aksident i rëndë dhe është në spital (!!)

Deklarata vjen nga Dibra, ku Kryeministri pasi i drejtohet Kreut të PS me “shoku Rama” e akuzon edhe se programi i tij është “përçarja”. Pa koment:

Kanë filluar pakënaqësitë e para në Itali ndaj Lëvizjes “Pesë Yjet” të Beppe Grillos, ndonëse kjo lëvizje është në opozitë. Fillimisht, pa u krjiuar ende qeveria, Grillo kërkonte të mblidhej parlamenti me synimin për të bërë ligje edhe pa e pasur një qeveri. Tani që kjo e fundit është krijuar dhe parlamenti ka zënë të mblidhet rregullisht – këtë e thotë komentatori i së përditshmes il Corriere della Sera, Pierluigi Battista – “flasin veç për dieta, fatura, rimbursime të deputetëve, streaming, dhe për burgosjen e largimin me ligj të Berlusconi-t nga parlamenti”.

Artan Hoxha, ka botuar sot te Panorama një fejton ku flet me “zërin e brendshëm” të Edi Ramës.  

Pa koment, vetëm një pjesë e artikullit, ajo ku Hoxha flet për “Ramën dhe vlonjatët”:

“Megjithatë, për inat të Saliut, i preka vlonjatët kur iu tregova kujtimet e fëmijërisë ndërsa pllaquritesha lakuriq në det. (…)

Në një libër-album të botuar së fundmi Gazmend Bakiu sjell “Tiranën e vjetër” – një histori të ilustruar të qytetit. Një nga gjërat interesante të kësaj Tirane “të vjetër”, siç tregon ai për Panoramën sot, është se ajo është më e lirshme dhe më pak e kompleksuar. Të paktën, nisur nga jeta e qejfit, çengijet, kabaretë e shantozat, të cilat sipas periudhave ishin herë të lejuara e herë të ndaluara. Standardi i prostitucionit ishte gjithashtu mjaft i avancuar, madje, ishte i legalizuar që më 1922.

Shefja e misionit të vëzhgimit OSBE-ODIHR, Conny McCormack, në kuadër të një turi takimesh me aktorët politikë të Tiranës, është takuar dhe me kreun e FRD-së, Bamir Topin. Nga ajo që Topi tha pas këtij takimi, është marrë vesh se KQZ-ja ka qenë fokusi i bisedës. Ish Presidenti është i alarmuar, madje më i alarmuar se sa dy udhëheqësit e tjerë të opozitës, pas braktisjes së institucionit kryesor në administrimin e procesit zgjedhor nga dy anëtarë të saj, që pasuan shkarkimin e të tretit nga Berisha.

Vazhdon intervista e Hysen Sinanit te G.SH., i cili, pas botimit të lajmit mbi një libër me kujtime të Bardhyl Londos, ngre pikëpyetjet e veta mbi rolin personal të Londos në atë që Sinani e konsideron “shkatërrim të Lidhjes së Shkrimtarëve”. Sinani akuzon dhe për zhdukjen e procesverbaleve të mbledhjeve të Lidhjes, sipas tij, nga Bardhyl Londo, me qëllimin që të mos merrej vesh se ç’është thënë në ato mbledhje.

Myslimanët e Britanisë së madhe nuk kanë hezituar të dënojnë krimin brutal të kryer në Londër nga dy shtetas britanikë, të cilët në momentin e krimit kanë dashur që të merrej vesh se ata ishin myslimanë. Ndërsa bënë atë që bënë, dhe më pas, ata kanë lëshuar thirrjen ‘Allahu Akbar’.

Këshilli i Myslimanëve të Britanisë së Madhe (The Muslim Council of Great Britain) doli me një deklaratë, ku thuhej se “kemi të bëjmë me një akt barbar; myslimanët kanë shërbyer me krenari në radhët e Forcave të Armatosura të këti vendi; ky akt është çnderues, dhe asnjë kauzë nuk mund ta justifikojë”.