Instituti Piepoli jep rezultatet e sondazhit të dytë: Opozita thellon avantazhin

Anketimin e zgjedhësve shqiptarë në këtë proces elektoral “e kanë marrë në dorë” italianët. Janë dy kompani të fqinjit tonë të përtejdetit, që po e bëjnë këtë punë. Janë kompani prestigjioze, që po financohen nga televizionet Oranews dhe nga Vizion Plus. Është fjala respskektivisht për kompanitë IPR Markekting dhe për Institutin Piepoli.

Ky i fundit ka dhënë sot rezultatet e sondazhit të vet të dytë. Dhe ky sondazh flet për një avantazh që është thelluar në favor të opozitës. Ja disa të dhëna mbi partitë:

Koalicioni i majtë udhëheq me 50.5 përqind të votave. Kurse koalicioni i djathtë ka 42 përqind. Partia Socialiste ka 42.5 përqind të votave, kurse Partia Demokratike ka 37.5 përqind. Lëvizja Socialiste për Integrim ka 5 përqind të votave. Po kaq ka edhe Fryma e Re Demokratike. Kurse Aleanca Kuq e Zi ka vetëm 2.5 përqind të votave.

Sa i përket qytetit (jo qarkut) të Tiranës, koalicioni i majtë është plot 12 pikë përpara, duke udhëhequr me 52 përqind. Koalicioni i djathtë merr 40 përqind të votave. Bie në sy se Fryma e Re Demokratike merr 6 përqind të votave në qytetin e Tiranës, kurse Aleanca Kuq e Zi vetëm 2 përqind. Në total në Kryeqytet, PS merr 47 përqind të votave kurse LSI merr 4 përqind. Në koalicionin e djathtë, PD merr 37 përqind të votave, kurse 3 përqind shkojnë për partitë e tjera.

Re.Pu.