Arkiv-Lajme

Ora News ka shpallur të dhënat e exit-pollit për Tiranën, që e nxjerr të majtën në një fitore të thellë. Sipas këtij sondazhi që po diskutohet live në studion e Ora News, të dhënat janë këto (për kryeqytetin):

Koalicioni i djathtë merr 39-43% që mund të përkthehet në 17-18 deputetë.

Koalicioni i majtë merr 51-55 % që mund të përkthehet në 13-14 deputetë. 

Ndërkohë që shifrat flasin një mundësi që FRD me 2-4 % ka shanse të marrë një deputet dhe ndoshta edhe AK (1-3 %) një tjetër, në Tiranë.

k.c.

Në konferencën për shtyp, rreth orës 19:10 Edi Rama u deklaroi mediave dhe mbështetësve se:

Të gjitha televizionet kombëtare dhe ato lokale kanë punuar sot si në ethe. Kanë filluar qysh në mëngjes maratonat e tyre elektorale, të cilat do të vijojnë deri në orët e para të mëngjesit të nesërm. Janë maratona me tituj të tillë, si “Shqipëria vendos”, “Shqipëria voton”, “Shqipëria votë pas vote”, “Zgjedhjet parlamentare 2013”, etj, etj.

A je shqiptar, a kosovar, a mysliman (a katolik...)?! Sipas Adriatik Kelmendit, kolumnist i Kohws Ditore, ka njerëz që e bëjnë këtë pyetje “irrituese” dhe me këtë imponojnë “agjenda të kota, të lehta, populiste e sipërfaqësore, dhe jo si ato që kërkojnë punë e angazhim të drejtpërdrejtë, për të hequr dy vendet tona nga fundi i indekseve të zeza të Evropës”.

Shqip rimerr sot të dhënat e ofruara nga monitorimi  tre javor nga lëvizja “Mjaft!”, për harxhet e partive në fushatë.

Rezultati flet për rreth 7 milionë dollarë të hedhura nga partitë kryesore në vetëm TRE JAVË, dhe kjo mbulon vetëm shpenzimet për TV e produkte (postera, etj) pa llogaritur koncertet!

Vetëm për televizionet, PD dhe PS kanë hedhur mbi 3 milionë dollarë, ose 80% të totalit të gjithë partive.

Media ndërkombëatre nuk është se ka patur ndonë fokusim të madh tek zgjedhjet tona. Madje, edhe pas ngjarjes së Laçit, shumë gazeta e agjenci s’e kanë parë të udhës të raportojnë. CNN, the Guardian, New York Times, etj, nuk i kanë kushtuar asnjë rresht ditës së votimit. 

Burimet e Wikileaks thonë se sot se kanë organizuar në mënyrë ligjore “arratinë” e armikut numër një të shtetit amerikan për momentin, Edward Snowden, drejt Moskës. Informatori amerikan i cili ekspozoi dëshmitë e një regjimi të mbikqyrjes globale kryer nga SHBA-të dhe agjencitë e zbulimit në Mbretërinë e Bashkuar, ka lënë Hong Kongun nëpërmjet një rrugë të sigurt drejt Rusisë me qëllim që të marrë azil në Venezuelë, sipas La Stampa-s.

Ndërkohë që partitë politike kanë dhënë deklarata e para në lidhje me vrasjen e simpatizantit të LSI në Laç, kreu i delegacionit të PE-së për marrëdhëniet me Evropën Juglindore, Eduard Kukan, pas një takimi të zhvilluar në selinë e PS-së, theksoi rëndësinë që të mos nxirren konkluzione paraprake pa u hetuar më parë ngjarja [e Laçit].  “Dhuna në zgjedhje është e papranueshme, por duhet hetuar. Nuk duhen nxjerrë konkluzione paraprake”,- deklaroi Kukan.

Ky mesazh është dërguar në gazetën Dita nga një burim i saj në një drejtori të rëndësishme të administratës shtetërore. Sipas burimit, mesazhi është nisur tek titullari i dikasterit nga kryeministri Berisha (ose nga dikush tjetër në kabinetin e tij) dhe më pas është përcjellë tek vartësit nëpërmjet celularit.

Deputeti kosovar Arben Gashi raportohet të ketë votuar në zgjedhjet në Shqipëri. “Une votova, shume qete ishte” është mesazhi i tij në rrjetin social Twitter shoqëruar me foton më sipër. Votimi i deputetit të LDK ka ndodhur në njësinë 11 dhe është raportuar dhe nga kanali informativ në tring, “Kanali 7”. Votimi i tij ngre pikëpyetje mbi mënyrën sesi “pasaportizimi” i hershëm kosovarëve për arsye kombëtare, po kthehet në një armë elektorale të pandershme.