Arkiv-Lajme

Ka ditë që po përflitet e komentohet qeveria e re e Ramës, si nga opozita, po e re, ashtu edhe nga segmente të caktuara të koalicionit të majtë, të pakënaqur për aspiratat dhe synimet e tyre në konfigurimin e ri qeveritar. Pothuajse të gjithë postet qeverisëse iu besuan deputetëve të rinj që morën mandatin për herë të parë në zgjedhjet e vitit 2009. Asnjë emër nga “garda e vjetër” e socialistëve nuk u përfshi në kabinet, edhe pse disa prej tyre mësohet se ishin të gatshëm ta linin mandatin e deputetit.

Edhe pse disa media janë në dilemë t’i publikojnë apo jo daljet e shpeshta në Facebook të kryeministrit në ikje Berisha, dje, pas një mesazhi, ku ai nuk linte gjë pa thënë për ministrat e rinj, duke u ngjitur epitete e duke u zënë në gojë të bëra e të pabëra, ka qenë dita që shumë gazetarë, analistë, por edhe njerëz të thjeshtë kanë shpërthyer me komentet e tyre në gazeta dhe rrjetet sociale.

Në një intervistë për Dita-n, gazetari shqiptar me banim e profesion në Francë, Genc Burimi, vlerëson kabinetin e sapo-propozuar “Rama” dhe jep një vlerësim personal për Spartak Ngjelën.

“Mendoj se Rama duhet ta kishte marrë rrezikun e një testimi me Ngjelën si ministër drejtësie qoftë duke e shkarkuar pas gjashtë muajsh nëse gjërat nuk shkonin mirë” thotë Burimi, i cili  ndoshta nuk është në brendësi të konjukturave që e spostuan Ngjelën nga Drejtësia.

Lajmi që pritej në ethe nga opinioni publik italian erdhi: Silvio Berlusconi shpallet fajtor nga Gjykata e Lartë – kjo është finalja e procesit penal me akuzën për mashtrim fiskal në kohët kur Berlusconi ka qenë President i Mediaset-it. Kjo është një sentencë “definitiva e irrevocabile” (e formws sw prerw dhe e parevokueshme nga ndonjë institucion tjetër i shtetit Italian). Në terma konkretë, Silvio Berlusconi dënohet me katër vjet heqje lirie. Në terma edhe më konkretë, atij nuk do t’i vihen prangat, megjithatë.

Lexoni këtë mesazh të lëshuar sot, sipas agjencive të lajmeve, nga Sali Berisha:

Basha ka vendosur të nisë të luajë rolin e Kryetarit të PD, por bie në sy që artikulimi i tij nuk ndryshon aspak nga Kryetari i vjetër. Edhe ekipin e ri “Rama” Basha e ka sumuar me akuza të rënda, por njësoj si kryetari i vjetër pa përmendur emra.

Nxjerrësi i sekreteve të Agjencisë Kombëtare të Sigurisë, Edward Snowden, ka lënë zonën e tranzitit të aeroportit të Moskës dhe hyri në Rusi pasi autoritetet i dhanë atij azil për një vit, deklaroi dosa orë më parë avokati i tij, që tha se vendndodhja e Snowden do të mbahen sekret për arsye sigurie. I mbërthyer në aeroportin Sheremetievo të Moskës që prej mbërritjes së tij nga Hong Kongu më 23 qershor, Snowden "tani është një nga njerëzit më të kërkuar në botë," u tha avokati Kucherena gazetarëve në aeroport.

Edhe Nazarko te Panorama e sotme, analizon përbërjen e kabinetit Rama.

Dënimi i kërkuar nga prokurorët për Bradley Manning, që mund të shkojë deri në 136 vjet heqje lirie, ngrihet mbi 20 akuza, nga të cilat, 6 prej të cilave bazohen mbi një ligj për spiunazhin të vitit 1917!

Josselyn Radack, nga Projekti mbi Llogaridhënien e Qeverisë, e krahason këtë tentativë të qeverisë Obama për të dënuar Manning me ligjin e Spiunazhit të 1917-s, me përpjekjen e qeverisë amerikane për të proceduar Daniel Ellsbergun më 1970-n sepse ky i fundit kishte nxjerrë dokumente sekrete të Pentagonit mbi luftën në Vietnam.

Kjo është fotoja me të cilën shumë mediume ilustronin lajmet mbi kabinetin e ri Rama. Shumëkujt mund të mos i bjerë në sy, por kjo foto përmban një informacion shumë domethënës për realitetin mediatik që na pret.

Njohësit e propagandës e dinë që kjo është një nga format sesi fotografia përdoret për të forcuar imazhin e dikujt. Çfarë ka të çuditshme kjo foto? Fotoja (me reminishenca soc-realiste) të krijon përshtypjen sikur heroi qendror, në këtë rast Edi Rama qendron në kat të dytë, sipër nesh. Pra, mbi ne. Dhe na sheh,fitimitar, nga lart.