Arkiv-Lajme

Këtë muaj, Shtetet e Bashkuara nderojnë trashëgiminë e udhëheqësit të vrarë të të drejtave civile, Martin Luther King Jr. Pesëdhjetë vjet më parë, më 28 gusht 1963, ai udhëhoqi marshin e famshëm në Uashington dhe mbajti fjalimin e tij të njohur "Unë kam një Ëndërr", i cili bashkoi vendin në përpjkejet për të mbështetur të drejtat e barabarta për afrikano-amerikanët.

Vendet perëndimore të udhëhequr nga SHBA janë duke shkelur të drejtat e njeriut me rritjen e përgjimit në nivel global. Sipas ish-agjentit të Agjencisë Kombëtare të Sigurisë (NSA) Snoëden, kjo e fundit zotëron të dhëna në përmasa gjigante. Vetëm në Gjermani çdo muaj përgjoheshin rreth gjysëm miliard komunikime. Ndërsa shërbimi sekret amerikan nuk është i kënaqur vetëm me përgjimin e të dhënave në Internet dhe komunikimet telefonike. Edhe posta e SHBA është pjesë e përgjimit. Sipas Neë York Times të gjithë zarfet e dërguara brenda vendit fotografohen automatikisht.

Gazeta “Express” e Kosovës bën të ditur se me kërkesë të prokurorit Mauricio Salustro, Gjykata Themelore e Mitrovicës ka marrë vendim për t’ua vazhduar edhe për dy muaj paraburgimin Grupit të Drenicës. Deputetja e PDK-së, Ganimet Musliu në rrjetin social Facebook ka shkruar se sipas saj, misioni i EULEX-it në Kosovë është për ta destabilizuar Kosovën.  Vendimi për vazhdimin edhe për dy muaj paraburgim për komandantët e UÇK-së më së paku ka të bëjë me drejtësi. Lajmi është konfirmuar edhe nga Tomë Gashi, avokati mbrojtës i Sylejman Selimit, ambasadorit të Kosovës në Shqipëri.

“Jam i mendimit që ushqimi dhe fjetja e të burgosurve emigrantë të paguhen nga vendet e tyre”. Kjo është ajo që ka thënë sot zv.kryeministri dhe ministri i Brendshëm i Italisë, Angelino Alfano në mbledhjen e Riminit ndërsa flitej për emergjencën e burgjeve.

Takimet e Ramës dhe ministrave të rinj me homologë të vendeve të ndryshme, para se ata të marrin zyrtarisht detyrën, por edhe “puna e filluar” pa ulur në karrigen ministrore, kanë ngjallur një farë xhelozie tek mazhoranca në ikje. Deputetja demokrate, Mesila Doda, duke komentuar takimin e fundit të Saimir Tahirit me homologun e vet Italian, shprehet se ata po tregohen të paduruar. Ajo ngre diversion pastaj, duke thënë se mazhoranca e re nuk mund të vijë në pushtet, në rast se Ilir Meta tërheq mbështetjen për Ramën.

Mediat greke dhe ato ndërkombëtare raportojnë për një zbulim të fundit të arkeologëve në Greqi. Mësohet se është gjetur një varr i lashtë, që besohet të jete i Aleksandrit të Madh.  Varri është zbulkuar në Amfipoli Serres dhe është 498 m i gjatë e 3 metra i lartë. Varri është prej mermeri, në formë piramide, me simetri dhe harmoni të madhe dhe në krye të tij është vendosur një luan, i cili është simbol karakteristik i Mbretërisë maqedonase, gjë që intepretohet nga zbuluesit si një shenjë që i takon një varri mbretërish.

Duket se deputeti socialist, Taulant Balla i është “qepur me bukë në torbë” kryeministrit Berisha. Reagimi më i fundit i tij, është vendmi që Bërisha ka marrë për të akorduar 291 milionë lekë për shërbimet qeveritare. Sipas Ballës, Familja, e cila është duke pushuar në Dhërmi që prej korrikut, u ka rënë me top parave dhe tashmë u kanë mbaruar.

Ministri i Inovacionit, Genc Pollo “e ka bërë baltë” duke vijuar replikat dhe sulmet ndaj ambasadorit amerikan në Tiranë, Aleksandër Arvizu. Në fak, nuk merret vesh, nëse e ka me Arvizunë apo me socialistët, por përsëri ai rreket të sqarojë komentuesit e shumtë që nuk kanë qenë dakord me të se  zgjedhjet e qershorit 2013 (dhe rotacioni si pasojë e tyre) nuk mund të jenë historikisht të krahasueshme me zgjedhjet e vitit 1992, pasi këto të fundit shënuan ndarjen me një regjim totalitar komunist dhe nisjen e një epoke të demokracisë.

Kryeministri i ri i zgjedhur, Edi Rama, mbylli dje mbledhjen dyditore të ministrave të tij në qytetin e Vlorës, me një detyrë që ai e quajti “kryesoren e kryesoreve”. Përzgjedhja për administratën shtetërore duhet të jetë një proces transparent dhe i fortë konkurrimi për punësimet në dikastere, duke garantuar se në pozicionet e punës do të vendosen njerëz me aftësitë dhe përgjegjësitë e duhura, ka thënë Rama.

Sipas ish-deputetit socialist, Arben Malaj, Ministria e Financave nuk po raporton realizimin e buxhetit, pasi keqpërdorimet e bëra atij gjatë fushatës elektorale janë skandaloze. Në një shënim të tij në Facebook, Malaj shkruan se përmasat e keqpërdorimeve të buxhetit tashmë mund të verifikohen vetëm pas ardhjes së qeverisë së re.