Imami, çelësat e kashtës qeverisë së re më 9 shtator, tendera të tjerë në Ministrinë e Mbrojtjes

Ngutje dhe zullume nga Ministria e Mbrojtjes  për ta shfrytëzuar edhe mundësinë e fundit të periudhës që ka ngelur deri në dorëzimin e detyrës. Si duket ministri Arben Imami, i shumëpërfolur gjatë gjithë periudhës së qeverisjes, por veçanërisht tani në fund për afera korruptive në këtë dikaster, ka vendosur që qeverisë së re t’i japë çelësat e kashtës më datën 9 shtator. Sipas gazetës “Shekulli”, burime nga Ministria e Mbrojtjes bëjnë me dije se në fund të muajit korrik, në gusht dhe në fillim të shtatorit, Ministria e Mbrojtjes ka parashikuar shitjen e sasive  tepër të mëdha skrapi, të cilat në total kapin një vlerë mbi 100 milionë lekë të rinj. Pjesët e shitura për skrap, janë pjesë të avionëve  dhe të pajisjve të tjera ushtarake që janë vlerësuar prej grupeve të punës si të panevojshme për përdorimin e mëtejshëm për ushtrinë. Pak ditë para zgjedhjeve, po kjo ministri  ka shitur për skrap metale të dala nga pajisjet ushtarake me një vlerë rreth 73.5 milionë të rinj.

Zh.