Arkiv-Lajme

Analistët politikë shprehen për Deutsce Welle, se zgjedhjet në Gjermani shihen nga këndvështrime interesash e marrëdhëniesh specifike nga shtete të ndryshme evropiane, por ata në këtë rast veçojnë Greqinë, Turqinë dhe Poloninë.

Nuk ka qenë ndonjë surprizë fakti që qeveria Berisha ka gënjyer sistematikisht me shifrat e performancës ekonomiko-financiare. Por tjetër gjë të dyshosh, dhe tjetër të vërtetohet zyrtarisht nga një institucion shtetëror, se vendimi i qeverisë fundvitin e kaluar për t’i hequr limitin borxhit publik, që sipas nenit 58, deri në atë kohë, nuk duhet të ishte më i madh se 60 për qind e GDP-së, ishte marrë në kushtet kur së pari ligji në fjalë ishte shkelur.

Deklaratat gjithnjë e më shumë luftarake mbi Sirinë nga Londra, Parisi dhe Uashingtoni, janë kurorëzuar me mbledhjen e djeshme në kryeqytetin e Jordanisë fqinje, Aman, të gjeneralëve kryesorë të vendeve perëndimore por edhe atyre arabe: SHBA, Britani, Francë, Gjermani, Kanada, Itali, Arabia Saudite e Katari. Takimi drejtohet nga kryetari i shefave të shtabit amerikan gjen. Martin Dempsej. Dyshimet e forta se regjimi i Asadit, raporton britanikja The Guardian, po përdor rëndom edhe armë kimike ndaj civilëve, ka bërë që Perëndimi ta mendojë seriozisht ndërhyrjen ushtarake.

Që menjëherë pas zgjedhjeve Edi Rama i dha të gjitha shenjat se territori, bashkë me ekonominë, do të ishte në fokusin qëndror të qeverisjes së tij. Por në konferencën e sotme “Shqipëria e gjeneratës tjetër”, kryeministri i ri është shprehur se gjendja e territorit në Shqipëri është emergjente, dhe qeveria e tij do ta trajtojë gjendjen si të jashtëzakonshme. Thënë ndryshe, “ne sot jemi në kushtet e një emergjence kombëtare. Ne jemi të vendosur që gjendjen ta trajtojmë si një gjendje të jashtëzakonshme, dhe ta trajtojmë me të gjitha mjetet e gjendjes së jashtëzakonshme”, tha Rama.

Partia Demokratike e Kosovës duket se e ka solucionin çudibërës për ta mbajtur Prizrenin. Partia në pushtet e kryeministrit Thaçi pritet që për t`i bindur prizrenasit që t’ia japin votën, ta përdorë mikun e Bosforit, kryeministrin e Turqisë Rexhep Tayip Erdogan. Burime diplomatike i kanë thënë gazetës Tribuna se është planifikuar që gjatë tetorit kur të ketë nisur fushata elektorale për zgjedhjet lokale në Kosovë, vendin ta vizitojë kryeministri turk.

Një analizë e sotme e publicistit minoritar Panajot Barka, në gazetën Shekulli, merret me përplasjen e Përmetit. Bazuar edhe në disa deklarata dykuptimëshe të mëparshme të kreut të PBDNJ-së, Vangjel Dule, si dhe duke analizuar se kush përfiton nga ky sherr (që kurrsesi nuk kishte bekimin e Athinës zyrtare, përkundrazi, thotë Barka), autori konkludon se nxitësit në prapaskenë janë Berisha e Dule.

Gazeta Shqip është hapur sot me një intervistë të kreut të PDIU-së, Shpëtim Idrizi, i cili nuk mundohet shumë për të fshehur dëshirën për të qenë pjesë e qeverisjes së re.

Ajo që është etiketuar në shtyp si “vilë mbretërore” në Shirokë, e që janë në fakt dy vila dykatëshe, me sipërfaqe 345 e 145 metra katrorë dhe një truall prej 3962 metrash katrorë, është njohur nga Kolegji Civil i Gjykatës së Lartë si pronë e familjes Zogu dhe i kalon Lekës II Zogu. Kolegji Civil vijoi kështu miratimin e vendimit të Apelit të Shkodrës të vitit 2008, sipas të cilit e drejta e pronësisë së kësaj pasurie i takonte familjes Zogu.

Situata e vështirë financiare, për të cilën është folur shumë këto ditë, duket se e vërteton raporti i fundit të nxjerrë nga Banka e Shqipërisë [në foto, Guvernatori Ardian Fullani] për ecurinë ekonomike të 6 mujorit të parë të 2013. Sipas të dhënave në raport, citohet se defiçiti buxhetor për gjashtëmujorin e parë të vitit rezultoi rreth 42.2 miliardë lekë, ose rreth 27.1 miliardë lekë më i lartë nga ai i të njëjtës periudhë të një viti më parë, duke reflektuar kështu në një masë më të madhe rritjen e shpejtë të shpenzimeve buxhetore në muajt e parë të këtij viti.

Pas lajmit se në Tiranë do të vijnë më shumë se 50 arkitektë, planifikues urbanë dhe ekonomistë, të ftuar nga kryeministri i ardhshëm, Edi Rama, në një konferencë disa ditore në kryeqytet, ka ardhur edhe reagimi i kryetarit të PD-së, Lulzim Basha, sipas të cilit ata janë thirrur për të ndarë dhe grabitur pronat e bregdetit. “Kryesocialisti ka thirrur disa arkitektë të huaj, me të cilët ka punuar e qarkulluar konkurse në Bashki dhe ka përjashtuar në bllok të gjithë ekspertët e mirëfilltë shqiptarë.