Arkiv-Lajme

Këshilli Bashkiak i Elbasanit, ku shumicën e votave e kanë pasur të majtët, ka miratuar vendimin për të bërë “Qytetar Nderi” ambasadorin në ikje të SHBA-së në Tiranë , Aleksandër Arvizu. Siç raporton SHQIP, vendimi është marrë (siç e do tradita më e mirë e “demokracisë” lokale) pavarësisht se këshilltarët e PD-së  nuk morën pjesë në mbledhje (por, aleatët e Pd-së po).

Se çfarë ka bërë Arvizu për qytetin e Elbasanit për të merituar këtë titull (propozuar nga Kryetari i Bashkisë, Qazim Sejdini) mund të lexohet në motivimin përkatës:

Shqipëria e Gjeneratës së Re na dha mundësinë të dëgjonim (përveç Ramës) edhe ekspertë të tjerë, një ndër të cilët dhe ish-ministri i ekonomisë dhe tregtisë Suedeze Leif Pagrotsky.

Në ditën e dytë të konferencës, Pagrotsky e paralajmëroi kryeministrin e ardhshëm Edi Rama se ndërhyrjet për të cilat ka nevojë vendi mund të kenë pasoja politike deri në humbjen e zgjedhjeve, por sfida është të mos ndërtohet një shtet elektoral.

Vetëm dje është botuar i plotë vendimi i qeverisë për kthimin e Shtëpisë Qendrore të Ushtrisë në seli të Partisë Demokratike. Vendimit i është bashkëngjitur edhe raporti i inventarit të pasurisë, i cili është mbajtur i fshehtë për më shumë se 2 javë. Nga inventari dallohet qartë se Qendra Kulturore e Ushtrisë, është detyruar që të shkojë në një godinë ku jo vetëm sipërfaqja e godinës është më e vogël, por edhe trualli dhe mundësinë për zhvillimin e aktiviteteve janë më të pakta, raporton Shekulli.

Xhudistja kosovare, Majlinda Kelmendi, ka arritur të fitojë medaljen e artë në Kampionatin Botëror që po zhvillohet në Rio de Janeiro, duke e mposhtur në finale brazilianen Erika Miranda. Gazeta kosovare Telegraf njofton se Kelmendi pati punë jashtëzakonisht të vështirë ndaj Mirandës e cila konsiderohej pak më shumë favorite se xhudistja jonë. Ajo u kualifikua në finale të këtij evenimenti, pasi kishte mposhtur portugezen Joana Ramos, ndersa në raundin e tretë mundi francezen Priscilla Gneto.

Ndryshimi i menjëhershëm i kushteve të motit, me dallgë mbi tre metra të larta, ka sjellë tragjedinë sot pasdite në plazhin e Velipojës. Dy vetë janë mbytur: Adnan Halimi nga Kosova, 50 vjeç sepse nuk dinte mirë not dhe u rrëmbye nga dallgët, dhe Myfit Paçrami 56 vjeç nga Shkodra, i cili shkoi ta ndihmojë. Shtypi online (Shqiptarja.com dhe Tema) njoftojnë se pasi Halimi është futur për të bërë plazh, kur sapo kishte përfunduar shiu rreth orës 19:30, nuk u ka rezistuar dot dallgëve dhe ka kërkuar ndihmë.

Ish prokurorja e shumëpërfolur e Gjykatës së Hagës, zviceriania Karla del Ponte, tashmë me tagrin e anëtares së komisionit të OKB-së për hetimin e ngjarjeve në Siri, ka deklaruar për televizionin zviceran Swiss TV se ka gjasa që të jenë kryengritësit dhe jo regjimi i Asadit, përgjegjës për sulmet kimike në vend. “Është e nevojshme që çdo gjë të hetohet me kujdes. Tani për tani kemi dyshime se ishin kryengritësit ata që përdorën armët kimike”, sqaroi ajo. Po kështu, Del Ponte theksoi se ende nuk ka dëshmi të plota që gjatë sulmeve është përdorur gazi sarín.

Jemi vëllezër, një gjak, një flamur etj, por retorika patriotike nuk e ka penguar luftën tregtare mes Shqipërisë e Kosovës, por edhe Maqedonisë, të zhvillohet rregullisht e shpeshherë të ashpërsohet. Një kulm më vete u arrit edhe sot në këtë drejtim, kur në pikën e kalimit kufitar të Morinit më shumë se 150 kompani të Shqipërisë, Kosovës e Maqedonisë kanë protestuar sot paradite, kundër barrierave doganore që po zbatohen nga qeveritë respektive ndaj biznesit i cili realizon import-eksport të mallrave të ndryshëm.

Historia absurde e pullës së dytë fiskale që importuesit e medikamenteve duhet të vendosnin mbi ilaçet, ka marrë fund në njëfarë mënyre. Qeveria në ikje është tërhequr përballë protestave të vazhdueshme të importuesve, të cilët deklaronin se kjo është praktikisht e pamundur nga ana e kompanive prodhuese; se kjo kërkesë ishte veç një imponim i kompanive konçesionare të pullave fiskale (që rezulton se janë Sicpa Security Solutions S.A dhe Sicpa Security Solutions Albania shpk), dhe se kjo metodë pune do sillte mungesë medikamentesh në treg dhe nxitje të kontrabandës.