Arkiv-Lajme

“Henley&Partners”, Indeksi i Kufizimeve Vjetore të Vizave të vitit 2013, bën renditjen e shteteve, qytetarët e të cilëve kanë akses më të madh në lëvizjen nëpër botë. Nënshtetasit britanikë janë më të priviligjuarit përsa i përket lëvizjes së lirë në të gjithë botën.

Bllokohet nisma e qeverisë “STOP KORRUPSIONIT!”

“Sot u ul në krye të tryezës së Këshillit te Ministrave lideri i madh dhe miku i madh i shqiptarëve Tony Blair, që së bashku me Bankën Botërore do të na mbështesë në ngritjen e Njësise Speciale të Prioriteteve të qeverisë. Mbledhja ishte e paharrueshme, biseda mbresëlënëse dhe rruga e punës së përbashkët e hapur më së miri. Thank you TB”, shprehet jo pa entusiazëm Rama, pas mbledhjes së djeshme të qeverisë, të cilën në mënyrë simbolike “e drejtoi” Toni Blair.

Obama paralajmëron rrezikun e falimentit. Mbyllja e qeverisë ka lënë mbi 700 mijë punonjës me pushime të pacaktuara dhe të papaguara, si dhe mbylli parqet kombëtare, vendet turistike, faqet e internetit të qeverisë, ndërtesat qeveritare dhe shumë të tjera.

Dy “Heronjtë e Popullit” Qemal Stafa dhe Vasil Shanto, janë të vetmit që i kanë shpëtuar dy regjimeve të fundit dhe prehen në “Varrezat e Dëshmorëve”. Por, Enver Hoxha, Hysni Kapo, Myslim Peza, Nako Spiru, Gogo Nushi, Josif Pashko nuk ia dolën dot. Tek VIP-at e ndjerë heronj është shtuar edhe Azem Hajdari, por në një varr në ekstremin tjetër të Qemal Stafës, aty ku dikur ishte varri i Enverit.

Të paktën 94 persona vdiqën, ndërkohë që 200 të tjerë janë të humbur, pasi një anije e mbushur me klandestinë afrikanë mori flakë dhe u mbyt pranë brigjeve të Lampeduzës në Itali. Për shkak të numrit të madh të të humburve, tragjedia mund të rezultojë një nga më të rëndat në historinë e klandestinëve afrikanë që kërkojnë të arrijnë në Europë.Mes viktimave janë edhe të paktën tre fëmijë dhe dy gra shtatzëna.Tragjedia vjen pak ditë pasi 13 emigrantë u mbytën në brigjet e Sicilisë.

Në një bisedë pothuaj 3-orëshe të transmetuar drejtpërdrejt nga televizioni Klan, Edi Rama dhe Blendi Fevziu shkëmbyen shpotira, sarkazma, ironira e batuta në kurriz të njëri-tjetrit dhe të shumë të tjerëve që nuk ishin të pranishëm në studion e Klanit. Po të gjykojmë nga shprehja e Ramës “Të flasim seriozisht tani”, i bie që vetëm 5 herë ai të ketë folur seriozisht gjatë debatit me Fevziun.

Siç duket Rama ka harruar që sot është Kryeministër i vendit dhe jo Ministër i Kulturës i sapokthyer në Tiranë, pas një jete boheme në rrugët e Parisit...

E.Zaloshnja

Kryeministri Edi Rama, komentoi në emisionin “Opinion” kritikat që rezervoi ndaj tij Spartak Ngjela për emërimet e fundit. “Ngjela është aset opozitar i këtij vendi, kundër të gjithëve, edhe kundër vetvetes. Ka konsideratën dhe respektin tim edhe kur realisht ia fut kot,” tha Rama.

Qeveria e Shteteve të Bashkuara ka nisur mbylljen e shumë agjencive pas dështimit të Kongresit për të rënë dakord mbi një ligj të përkohshëm të buxhetit. Kjo është hera e parë në 17 vjet që Qeveria e Shteteve të Bashkuara detyrohet të mbyllet pjesërisht.

Trupat amerikane do të mbeten në detyrë, ashtu si edhe shërbimet e tjera jetike, të nevojshme për sigurinë kombëtare, si: dërgimi i postës, kontrollimi i trafikut ajror, patrullimet kufitare dhe zbatimi i ligjit.

Autoritetet kineze kanë pamundësuar pjesëmarrjen e trupës teatrore të Qendës “Multimedia” në edicionin e 7-të të Shanghai International Experimental Theatre Festival (SIETF), të cilin e organizon Shanghai Theatre Academy, dhe që mbahet nga data 10-18 tetor 2013.